ਨਵੀਂ ਦਿੱਲੀ, 16 ਅਕਤੂਬਰ – ਕਾਂਗਰਸ ਵਰਕਿੰਗ ਕਮੇਟੀ ਦੀ ਮੀਟਿੰਗ ਦਿੱਲੀ ਦੇ ਏ.ਆਈ.ਸੀ.ਸੀ. ਦਫਤਰ ਵਿਚ ਸ਼ੁਰੂ ਹੋ ਗਈ ਹੈ। ਪੰਜਾਬ ਦੇ ਮੁੱਖ ਮੰਤਰੀ ਵੀ ਇਸ ਮੀਟਿੰਗ ਵਿਚ ਹਾਜ਼ਰ ਹਨ । ਪਾਰਟੀ ਕਾਰਜਕਾਰਨੀ ਦੀ ਅੱਜ ਹੋ ਰਹੀ ਮਹੱਤਵਪੂਰਨ ਬੈਠਕ ‘ਚ ਸੰਗਠਨ ਚੋਣ ਕਰਵਾਉਣ ਦੀ ਪ੍ਰਕਿਰਿਆ ਸ਼ੁਰੂ ਕਰਨ ਦਾ ਫ਼ੈਸਲਾ ਕਰਨ ਦੀ ਪੂਰੀ ਸੰਭਾਵਨਾ ਹੈ। ਇਸ ਲੜੀ ‘ਚ ਸਭ ਤੋਂ ਪਹਿਲਾਂ ਪਾਰਟੀ ਦੀ ਮੈਂਬਰਸ਼ਿਪ ਮੁਹਿੰਮ ਸ਼ੁਰੂ ਕਰਨ ਦਾ ਫ਼ੈਸਲਾ ਲਏ ਜਾਣ ਦੇ ਸੰਕੇਤ ਹਨ। ਬੈਠਕ ‘ਚ ਸਿਆਸੀ ਅਤੇ ਖੇਤੀ ਸਮੇਤ ਤਿੰਨ ਪ੍ਰਸਤਾਵ ਵੀ ਪਾਸ ਕੀਤੇ ਜਾਣਗੇ। ਇਹ ਬੈਠਕ ਪਾਰਟੀ ਦੇ ਅਸੰਤੁਸ਼ਟ ਖ਼ੇਮੇ ਦੀ ਮੰਗ ‘ਤੇ ਬੁਲਾਈ ਗਈ ਹੈ, ਪਰ ਜੀ-23 ਖੇਮਾ ਕਾਰਜਕਾਰਨੀ ਦੇ ਸਿਰਫ਼ ਮੁੱਖ ਮੈਂਬਰਾਂ ਦੀ ਬਜਾਏ ਸੱਦੇ ਗਏ ਮੈਂਬਰਾਂ ਤੇ ਸੂਬਿਆਂ ਦੇ ਇੰਚਾਰਜਾਂ ਨੂੰ ਵੀ ਇਸ ਵਿਚ ਬੁਲਾਏ ਜਾਣ ਕਾਰਨ ਨਾਖੁਸ਼ ਦੱਸਿਆ ਜਾ ਰਿਹਾ ਹੈ।
ਸੂਤਰਾਂ ਅਨੁਸਾਰ ਵਰਕਿੰਗ ਕਮੇਟੀ ਦੀ ਬੈਠਕ ‘ਚ 56 ਮੈਂਬਰਾਂ ਨੂੰ ਸੱਦਾ ਦਿੱਤਾ ਗਿਆ ਹੈ ਜਿਸ ਵਿਚ ਸੂਬਿਆਂ ਦੇ ਇੰਚਾਰਜ ਤੇ ਵਿਸ਼ੇਸ਼ ਮੈਂਬਰ ਵੀ ਸ਼ਾਮਲ ਹਨ। ਜਦਕਿ G-23 ਦੀ ਅਗਵਾਈ ਕਰ ਰਹੇ ਗੁਲਾਮ ਨਬੀ ਆਜ਼ਾਦ ਨੇ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨੂੰ ਜਿਹੜਾ ਪੱਤਰ ਲਿਖਿਆ ਸੀ, ਉਸ ਵਿਚ ਕਾਰਜਕਾਰਨੀ ਦੇ ਸਿਰਫ਼ ਮੁੱਖ ਮੈਂਬਰਾਂ ਨੂੰ ਹੀ ਬੈਠਕ ‘ਚ ਬੁਲਾਉਣ ਦੀ ਮੰਗ ਰੱਖੀ ਸੀ। ਅਹਿਮਦ ਪਟੇਲ ਤੇ ਮੋਤੀਲਾਲ ਵੋਰਾ ਦੇ ਦੇਹਾਂਤ ਤੋਂ ਬਾਅਦ ਕਾਰਜਕਾਰਨੀ ‘ਚ ਹੁਣ 20 ਮੈਂਬਰ ਹਨ।
Under the leadership of Congress President Smt. Sonia Gandhi, the Congress Working Committee meeting begins, at the AICC HQ, New Delhi. pic.twitter.com/DplSib5qhW
— Congress (@INCIndia) October 16, 2021