ਤਰਨਤਾਰਨ, 13 ਜੁਲਾਈ – ਦਰਜਨਾਂ ਮਾਮਲਿਆਂ ਨੂੰ ਹੱਲ ਕਰਵਾਉਣ ’ਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਵਿਕਟਰ ਦੀ ਮੌਤ ਨੇ ਪੁਲਿਸ ਵਿਭਾਗ ‘ਚ ਗਮ ਦਾ ਮਾਹੌਲ ਬਣਾ ਦਿੱਤਾ। ਇਥੇ ਧਿਆਨ ਦੇਣ ਯੋਗ ਗੱਲ ਇਹ ਹੈ ਕਿ ਵਿਕਟਰ ਕਿਸੇ ਵਿਅਕਤੀ ਦਾ ਨਾਮ ਨਹੀਂ, ਸਗੋਂ ਇਹ ਸਾਢੇ ਅੱਠ ਸਾਲ ਦਾ ਇੱਕ ਵਿਸ਼ੇਸ਼ ਟਰੇਨਿੰਗ ਪ੍ਰਾਪਤ Sniffer Dog ਸੀ। ਜੋ ਬੀਤੇ ਦਿਨ ਆਪਣੀ ਕਰੀਬ ਸਾਢੇ ਸੱਤ ਸਾਲ ਦੀ ਪੁਲਿਸ ਸੇਵਾ ਨਿਭਾਉਣ ਤੋਂ ਬਾਅਦ ਬਿਮਾਰੀ ਦੇ ਚੱਲਦਿਆਂ ਦਮ ਤੋੜ ਗਿਆ ਸੀ। ਇਸ ਦੌਰਾਨ ਉਸ ਨੂੰ ਪੁਲਿਸ ਲਾਇੰਸ ’ਚ ਸਰਕਾਰੀ ਸਨਮਾਨ ਬੰਦੂਕ ਸਲਾਮੀ ਦਿੰਦੇ ਹੋਏ ਵਿਦਾ ਕੀਤਾ ਗਿਆ। ਇਸ ਮੌਕੇ ’ਤੇ ਮੌਜੂਦ ਪੁਲਿਸ ਅਧਿਕਾਰਿਆਂ ਦੀਆਂ ਅੱਖਾਂ ਨਮ ਸਨ। ਤਰਨਤਾਰਨ ਦੇ ਐੱਸਐੱਸਪੀ ਧੁਰਮਨ ਐੱਚ ਨਿੰਬਾਲੇ ਨੇ ਇੰਟਰਨੈੱਟ ਮੀਡੀਆ ’ਤੇ ਵੀਡੀਓ ਸ਼ੇਅਰ ਕਰ ਕੇ ਉਸ ਨੂੰ ਭਾਵ ਪੂਰਨ ਸ਼ਰਧਾਂਜਲੀ ਦਿੱਤੀ ਹੈ। ਪੁਲਿਸ ਲਾਈਨ ’ਚ ਜ਼ਮੀਨ ਦੀ ਖੁਦਾਈ ਕਰ ਕੇ ਸਨਮਾਨ ਨਾਲ ਉਸ ਨੂੰ ਦਫਨਾਉਂਦੇ ਸਮੇਂ ਐੱਸਪੀ (ਐੱਚ) ਗੁਰਨਾਮ ਸਿੰਘ, ਡੀਐੱਸਪੀ (ਐੱਚ) ਦਿਲਬਾਗ ਸਿੰਘ, ਪੁਲਿਸ ਲਾਇੰਸ ਇੰਚਾਰਜ ਸਬ ਇੰਸਪੈਕਟਰ ਤੇਜਿੰਦਰ ਸਿੰਘ ਸਮੇਤ ਹੋਰ ਪੁਲਿਸ ਅਧਿਕਾਰੀਆਂ ਨੇ ਉਸ ਨੂੰ ਫੁੱਲ ਅਰਪਿਤ ਕੀਤੇ। ਇਸ ਤੋਂ ਪਹਿਲਾਂ ਵਿਕਟਰ ਦਾ ਪੋਸਟਮਾਰਟਮ ਵੀ ਕਰਵਾਇਆ ਗਿਆ ਸੀ। ।