ਸ਼੍ਰੀਨਗਰ— ਜੰਮੂ ਕਸ਼ਮੀਰ ਦੇ ਪੁੰਛ ਜ਼ਿਲੇ ਦੇ ਜੰਗਲਾਂ ‘ਚ ਫੌਜ ਨੇ ਭਾਰੀ ਗਿਣਤੀ ‘ਚ ਹਥਿਆਰ ਅਤੇ ਗੋਲਾ-ਬਾਰੂਦ ਬਰਾਮਦ ਕੀਤਾ ਹੈ। ਫੌਜ ਦੇ ਇਕ ਅਧਿਕਾਰੀ ਨੇ ਅੱਜ ਦੱਸਿਆ ਕਿ ਬਰਾਮਦ ਹਥਿਆਰਾਂ ‘ਚ 11 ਆਈ.ਈ.ਡੀ. ਵੀ ਸ਼ਾਮਲ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਛਾਪੇਮਾਰੀ ਬੀਤੇ ਦਿਨ ਕੀਤੀ ਗਈ। ਇਸ ਨਾਲ ਹੀ ਅਧਿਕਾਰੀ ਨੇ ਕਿਹਾ ਕਿ ‘ਆਈ.ਈ.ਡੀ. ਤੋਂ ਇਲਾਵਾ ਜੰਗਲ ‘ਚ ਜ਼ਬਤ ਸਾਮਾਨ ‘ਚ ਪਾਕਿਸਤਾਨੀ ਮੁਦਰਾ, ਦੋ ਏ.ਕੇ. ਰਾਈਫਲਜ਼, ਤਿੰਨ ਪਿਸਟਲ, ਰਾਕੇਟ ਪ੍ਰੋਪੱਲਡ ਗ੍ਰੇਨੇਡ ਦੇ ਤਿੰਨ ਗੋਲੇ ਅਤੇ ਚੀਨ ਵੱਲੋਂ ਬਣਾਏ 4 ਹੱਥਗੋਲੇ ਸ਼ਾਮਲ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਕ ਗੁਪਤ ਸੂਚਨਾ ਮਿਲਣ ਤੋਂ ਬਾਅਦ ਚਲਾਈ ਗਈ ਤਲਾਸ਼ੀ ਮੁਹਿੰਮ ਦੌਰਾਨ ਮੇਂਢਰ ਸੈਕਟਰ ‘ਚ ਕੰਟਰੋਲ ਰੇਖਾ ਨਜ਼ਦੀਕ ਦੇ ਜੰਗਲਾਂ ‘ਚੋਂ ਇਹ ਹਥਿਆਰ ਬਰਾਮਦ ਕੀਤੇ ਗਏ।
ਉਨ੍ਹਾਂ ਨੇ ਦੱਸਿਆ ਕਿ ਹਥਿਆਰ ਸਰਹੱਦ ਪਾਰ ਤੋਂ ਤਸਕਰੀ ਕਰਕੇ ਇਥੇ ਲੁਕਾਏ ਗਏ ਸਨ ਤਾਂ ਕਿ ਅੱਤਵਾਦੀ ਇਸ ਦੀ ਵਰਤੋਂ ਕਰ ਸਕਣ। ਉਨ੍ਹਾਂ ਨੇ ਕਿਹਾ ਕਿ ਹਥਿਆਰਾਂ ਨੂੰ ਬਰਾਮਦ ਕਰਨਾ ਸੁਰੱਖਿਆ ਫੋਰਸ ਲਈ ਵੱਡੀ ਕਾਮਯਾਬੀ ਹੈ। ਅਧਿਕਾਰੀ ਨੇ ਦੱਸਿਆ ਕਿ ਦੋ ਏ.ਕੇ. 56 ਰਾਈਫਲਾਂ ਨਾਲ 26 ਮੈਗਜੀਨ ਅਤੇ 1153 ਗੋਲੀਆਂ ਸਨ,ਜਦੋਂਕਿ ਤਿੰਨ ਪਿਸਤੋਲ, ਦੋ ਮੈਗਜੀਨ, 63 ਗੋਲੀਆਂ ਅਤੇ 16,500 ਰੁਪਏ ਦੀ ਪਾਕਿਸਤਾਨ ਮੁਦਰਾ ਸਮੇਤ ਹੋਰ ਕਾਫੀ ਸਾਮਾਨ ਮਿਲਿਆ ਹੈ।