ਦਲ ਖ਼ਾਲਸਾ ਵੱਲੋਂ ਬਠਿੰਡਾ ’ਚ ਨਵੀਆਂ ਨਿਯੁਕਤੀਆਂ

ਬਠਿੰਡਾ/6 ਸਤੰਬਰ (ਵੀਰਪਾਲ ਕੌਰ)-ਦਲ ਖ਼ਾਲਸਾ ਵੱਲੋਂ ਆਪਣੀਆਂ ਸਰਗਰਮੀਆਂ ਤੇਜ ਕਰਦਿਆ ਬਠਿੰਡਾ ਇਲਾਕੇ ’ਚ ਨਵੀਆਂ ਨਿਯੁਕਤੀਆਂ ਕੀਤੀਆਂ ਗਈਆਂ। ਹਾਈ ਕਮਾਂਡ ਵੱਲੋਂ ਬੈਠਕ ਦੌਰਾਨ ਸਰਬਸੰਮਤੀ ਨਾਲ ਇਹ ਜਿੰਮੇਵਾਰੀਆਂ ਦਿੱਤੀਆਂ, ਜਿਸ ’ਚ ਜਿਲ੍ਹਾ ਪ੍ਰਧਾਨ ਭਾਈ ਪਰਨਜੀਤ ਸਿੰਘ ਜੱਗੀ ਬਾਬਾ ਕੋਟਫ਼ੱਤਾ, ਜਿਲ੍ਹਾ ਜਥੇਬੰਦਕ ਸਕੱਤਰ ਭਾਈ ਪਰਦੀਪ ਸਿੰਘ ਭਾਗੀਵਾਂਦਰ, ਜਿਲ੍ਹਾ ਬਠਿੰਡਾ ਦਿਹਾਤੀ ਪ੍ਰਧਾਨ ਸੁਖਪ੍ਰੀਤ ਸਿੰਘ ਧੰਨ ਸਿੰਘ ਖਾਨਾ ਤੇ ਮੀਤ ਪ੍ਰਧਾਨ ਭਾਈ ਜੀਵਨ ਸਿੰਘ ਗਿੱਲਕਲਾਂ ਨੂੰ ਲਗਾਇਆ ਗਿਆ। ਇਸ ਮੌਕੇ ਦਲ ਖ਼ਾਲਸਾ ਦੇ ਸੀਨੀਅਰ ਮੀਤ ਪ੍ਰਧਾਨ ਬਾਬਾ ਹਰਦੀਪ ਸਿੰਘ ਮਹਿਰਾਜ ਨੇ ਪਾਰਟੀ ਦੇ ਢਾਂਚੇ, ਨੀਤੀਆਂ, ਸਰਗਰਮੀਆਂ ਤੇ ਭਵਿੱਖ ਦੇ ਏਜੰਡਿਆਂ ’ਤੇ ਗੱਲ ਕਰਦਿਆ ਕਿਹਾ ਕਿ ਦਲ ਖ਼ਾਲਸਾ ਹਮੇਸ਼ਾਂ ਕੌਮ, ਪੰਥ ਤੇ ਪੀੜ੍ਹਤ ਧਿਰਾਂ ਦੀ ਆਵਾਜ਼ ਬੁਲੰਦ ਕਰਦਾ ਰਿਹਾ ਤੇ ਇਹਨਾਂ ਨਿਯੁਕਤੀਆਂ ਨਾਲ ਇਲਾਕੇ ਵਿਚ ਸਰਗਰਮੀਆਂ ਹੋਰ ਤੇਜ਼ ਕੀਤੀਆਂ ਜਾਣਗੀਆਂ। ਦਲ ਖ਼ਾਲਸਾ ਦੇ ਭਾਈ ਪਰਮਜੀਤ ਸਿੰਘ ਮੰਡ ਨੇ ਅਜੋਕੇ ਸਮੇਂ ਸਿੱਖ ਕੌਮ ਤੇ ਘੱਟ ਗਿਣਤੀਆਂ ’ਤੇ ਚੋਤਰਫ਼ੇ ਹਮਲੇ ਬਾਰੇ ਬੋਲਦਿਆ ਸਭ ਨੂੰ ਕਮਰ ਕੱਸਾ ਕਸਣ ਦੀ ਅਪੀਲ ਕੀਤੀ। ਇਸ ਮੌਕੇ ਕੇਂਦਰੀ ਵਰਕਿੰਗ ਕਮੇਟੀ ਮੈਂਬਰ ਭਾਈ ਗੁਰਵਿੰਦਰ ਸਿੰਘ ਬਠਿੰਡਾ ਨਵੇਂ ਆਹੁਦੇਦਾਰਾਂ ਦਾ ਸਵਾਗਤ ਕਰਦਿਆ ਕਿਹਾ ਕਿ ਉਹ ਹਮ ਖਿਆਲੀ ਧਿਰਾਂ ਨਾਲ ਵੀ ਮਿਲਕੇ ਚੱਲਣਗੇ।