ਗੂਗਲ ਤਿਆਰ ਕਰ ਰਿਹਾ ਪੱਤਰਕਾਰਾਂ ਲਈ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਟੂਲ

21 ਜੁਲਾਈ, 2023: ਗੁਗਲ ਨਿਊਜ਼ ਪਬਲੀਸ਼ਰਾਂ/ਪੱਤਰਕਾਰਾਂ ਲਈ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਟੂਲ ਤਿਆਰ ਕਰ ਰਿਹਾ ਹੈ ਜਿਸ ਨਾਲ ਖਬਰਾਂ ਤੇ ਲੇਖਾਂ ਵਾਸਤੇ ਮੈਟੀਰੀਅਲ ਤਿਆਰ ਹੋ ਸਕੇਗਾ ਤੇ ਹੈਡਲਾਈਨਜ਼ ਵੀ ਤਿਆਰ ਹੋ ਸਕਣਗੀਆਂ।ਇਸ ਤਬਦੀਲੀ ਨਾਲ ਛੇਤੀ ਹੀ ਪੱਤਰਕਾਰੀ ਜਗਤ ਵਿਚ ਵੱਡੀਆਂ ਤਬਦੀਲੀਆਂ ਹੋਣੀਆਂ ਤੈਅ ਹਨ।ਕੰਪਨੀ ਨੇ ਜਾਰੀ ਕੀਤੇ ਬਿਆਨ ਵਿਚ ਦੱਸਿਆ ਕਿ ਉਹ ਨਿਊਜ਼ਰੂਮਜ਼ ਵਿਚ ਏ ਆਈ ਟੂਲ ਦੀ ਵਰਤੋਂ ਸਬੰਧੀ ਮੀਡੀਆ ਘਰਾਣਿਆਂ ਨਾਲ ਭਾਈਵਾਲੀ ਲੱਭ ਰਿਹਾ ਹੈ। ਕੰਪਨੀ ਨੇ ਕਿਹਾ ਕਿ ਸਾਡਾ ਟੀਚਾ ਹੈ ਕਿ ਪੱਤਰਕਾਰ ਉਭਰ ਰਹੀਆਂ ਤਕਨੀਕਾਂ ਦੀ ਵਰਤੋਂ ਕਰਕੇ ਆਪਣੇ ਕੰਮ ਵਿਚ ਹੋਰ ਸੁਧਾਰ ਤੇ ਤਬਦੀਲੀ ਲਿਆ ਸਕਣ।