ਸ੍ਰੀ ਦਰਬਾਰ ਸਾਹਿਬ ਤਰਨਤਾਰਨ ਦੀ ਕਾਰ ਪਾਰਕਿੰਗ ਚੋਂ ਮਿਲਿਆ ਹੈਂਡ ਗਰਨੇਡ

21 ਅਪ੍ਰੈਲ 2023- ਸ੍ਰੀ ਦਰਬਾਰ ਸਾਹਿਬ ਤਰਨਤਾਰਨ ਦੀ ਕਾਰ ਪਾਰਕਿੰਗ ਚੋਂ ਸ਼ੁੱਕਰਵਾਰ ਨੂੰ ਪੁਰਾਣਾ ਹੈਂਡ ਗਰਨੇਡ ਮਿਲਿਆ ਹੈ, ਜਿਸਦੀ ਸੂਚਨਾਂ ਤੁਰੰਤ ਪੁਲਿਸ ਨੂੰ ਦਿੱਤੀ ਗਈ । ਸੂਚਨਾਂ ਮਿਲਦਿਆਂ ਹੀ ਡੀ ਐਸ ਪੀ ਤਰਨਤਾਰਨ ਜਸਪਾਲ ਸਿੰਘ ਢਿੱਲੋਂ, ਐੱਸਐੱਚਓ ਥਾਣਾ ਸਿਟੀ ਇੰਸਪੈਕਟਰ ਹਰਪ੍ਰੀਤ ਸਿੰਘ ਤੋਂ ਇਲਾਵਾ ਬੰਬ ਡਿਸਪੋਜ਼ਲ ਸੁਕਵਾਇਡ ਦੀ ਟੀਮ ਵੀ ਮੌਕੇ ’ਤੇ ਪਹੁੰਚ ਗਈ। ਮਿਲੀ ਜਾਣਕਾਰੀ ਮੁਤਾਬਿਕ ਇਹ ਹੱਥ ਗੋਲਾ ਕੁਲਫੀਆਂ ਦੀ ਰੇਹੜੀ ਲਗਾਉਣ ਵਾਲੇ ਗੁਰਸ਼ਿੰਦਰ ਸਿੰਘ ਨਾਮਕ ਨੌਜਵਾਨ ਨੇ ਸਫਾਈ ਕਰਦੇ ਸਮੇਂ ਵੇਖਿਆ ਤੇ ਉਸ ਨੂੰ ਚੁੱਕ ਕੇ ਸ਼੍ਰੋਮਣੀ ਕਮੇਟੀ ਦੇ ਸੇਵਾਦਾਰਾਂ ਕੋਲ ਲੈ ਗਿਆ।  ਬੰਬ ਦੀ ਗੰਭੀਰਤਾ ਨੂੰ ਵੇਖਦਿਆਂ ਇਸ ਦੀ ਸੂਚਨਾ ਪੁਲਿਸ ਨੂੰ ਦੇ ਦਿੱਤੀ ਗਈ।  ਮੌਕੇ ’ਤੇ ਡੀਐੱਸਪੀ ਬੰਬ ਨਿਰੋਧਕ ਦਸਤੇ ਦੀ ਅਗਵਾਈ ਕਰ ਰਹੇ ਏ ਐੱਸ ਆਈ ਰਵਿੰਦਰ ਕੁਮਾਰ ਨੇ ਦੱਸਿਆ ਕਿ ਇਹ ਐੱਚ ਈ 36 ਹੱਥ ਗੋਲਾ ਹੈ। ਜਿਸ ਨੂੰ ਸੁੁਰੱਖਿਅਤ ਢੰਗ ਨਾਲ ਖਾਲ੍ਹੀ ਜਗ੍ਹਾ ’ਤੇ ਇਸਦਾ ਵਿਸਫੋਟ ਕਰਵਾਇਆ ਜਾ ਰਿਹਾ ਹੈ।