ਹੁਣ ਤੱਕ 17,400 ਤੋਂ ਵੱਧ ਭਾਰਤੀ ਆਏ ਯੂਕਰੇਨ ਤੋਂ ਵਾਪਸ

ਨਵੀਂ ਦਿੱਲੀ, 7 ਮਾਰਚ – ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ ਦਾ ਕਹਿਣਾ ਹੈ ਕਿ ਭਲਕੇ ਸੁਸੇਵਾ ਤੋਂ 2 ਵਿਸ਼ੇਸ਼ ਨਾਗਰਿਕ ਉਡਾਣਾਂ ਦੇ ਸੰਚਾਲਨ ਦੀ ਉਮੀਦ ਹੈ, ਜਿਸ ਨਾਲ 400 ਤੋਂ ਵੱਧ ਭਾਰਤੀਆਂ ਨੂੰ ਘਰ ਵਾਪਸ ਲਿਆਂਦਾ ਜਾਵੇਗਾ । ਉੱਥੇ ਹੀ ਸ਼ਹਿਰੀ ਹਵਾਬਾਜ਼ੀ ਮੰਤਰਾਲਾ ਦਾ ਕਹਿਣਾ ਹੈ ਕਿ ਅੱਜ ਵਿਸ਼ੇਸ਼ ਨਾਗਰਿਕ ਉਡਾਣਾਂ ਵਿਚੋਂ 4 ਨਵੀਂ ਦਿੱਲੀ ਅਤੇ 2 ਮੁੰਬਈ ਪਹੁੰਚੀਆਂ ਹਨ। ਦੇਰ ਸ਼ਾਮ ਇਕ ਉਡਾਣ ਦੀ ਉਮੀਦ ਹੈ। ਬੁਡਾਪੇਸਟ ਤੋਂ 5 ਉਡਾਣਾਂ ਸਨ, ਅਤੇ ਬੁਖਾਰੇਸਟ ਅਤੇ ਸੁਸੇਵਾ ਤੋਂ ਇਕ-ਇਕ ਉਡਾਣ ਸੀ। ਉੱਥੇ ਹੀ ਭਾਰਤੀ ਨਾਗਰਿਕਾਂ ਨੂੰ ਬਚਾਉਣ ਲਈ ਆਪ੍ਰੇਸ਼ਨ ਗੰਗਾ ਦੇ ਤਹਿਤ 1314 ਭਾਰਤੀਆਂ ਨੂੰ ਅੱਜ ਯੂਕਰੇਨ ਦੇ ਗੁਆਂਢੀ ਦੇਸ਼ਾਂ ਤੋਂ 7 ਨਾਗਰਿਕ ਉਡਾਣਾਂ ਦੁਆਰਾ ਏਅਰਲਿਫਟ ਕੀਤਾ ਗਿਆ ਹੈ। ਇਸ ਦੇ ਨਾਲ, 22 ਫਰਵਰੀ ਨੂੰ ਸਪੈਸ਼ਲ ਉਡਾਣਾਂ ਸ਼ੁਰੂ ਹੋਣ ਤੋਂ ਬਾਅਦ 17,400 ਤੋਂ ਵੱਧ ਭਾਰਤੀਆਂ ਨੂੰ ਵਾਪਸ ਲਿਆਂਦਾ ਗਿਆ ਹੈ |