ਨਵੀਂ ਦਿੱਲੀ, 11 ਮਈ – ਸਰਕਾਰ ਨੇ ਸੀਮਿਤ ਰੂਟਾਂ ‘ਤੇ ਯਾਤਰੀ ਟ੍ਰੇਨ ਸੇਵਾਵਾਂ ਸ਼ੁਰੂ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਅੱਜ ਸ਼ਾਮ ਚਾਰ ਵਜੇ ਤੋਂ ਆਈਆਰਸੀਟੀਸੀ ਦੀ ਵੈਬਸਾਈਟ ਤੋਂ ਬੁਕਿੰਗ ਸ਼ੁਰੂ ਹੋਵੇਗੀ। ਕਿਰਾਇਆ ਰਾਜਧਾਨੀ ਐਕਸਪ੍ਰੈਸ ਦੇ ਬਰਾਬਰ ਹੀ ਹੋਵੇਗਾ। ਸਟੇਸ਼ਨ ਕਾਊਂਟਰ ‘ਤੇ ਕੋਈ ਲੈਣ-ਦੇਣ ਨਹੀਂ ਹੋਵੇਗਾ। ਪਲੇਟਫਾਰਮ ਟਿਕਟ ਵੀ ਨਹੀਂ ਮਿਲੇਗਾ।
ਰੇਲ ਮੰਤਰਾਲਾ ਦੇ ਬੁਲਾਰੇ ਨੇ ਬਿਆਨ ਵਿੱਚ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਕੋਰੋਨਾ ਵਾਇਰਸ ਦੇ ਪਰ ਸਾਰ ਨੂੰ ਰੋਕਣ ਲਈ ਬੰਦ ਕੀਤੀਆਂ ਗਈਆਂ ਰੇਲ ਸੇਵਾਵਾਂ 15 ਟ੍ਰੇਨਾਂ ਨਾਲ ਬਹਾਲ ਕੀਤੀਆਂ ਜਾਣਗੀਆਂ।
ਰੇਲਵੇ ਨੇ ਰੇਲ ਰਾਹੀਂ ਯਾਤਰਾ ਕਰਨ ਲਈ ਕਈ ਦਿਸ਼ਾ ਨਿਰਦੇਸ਼ ਵੀ ਜਾਰੀ ਕੀਤੇ ਹਨ । ਯਾਤਰੀ ਨੂੰ ਯਾਤਰਾ ਤੋਂ ਇਕ ਘੰਟਾ ਪਹਿਲਾਂ ਸਟੇਸ਼ਨ ਜਾਣਾ ਪਵੇਗਾ । ਰੇਲਵੇ ਨੇ ਕਿਹਾ ਹੈ ਕਿ ਹੁਣ ਏਸੀ ਕੋਚਾਂ ‘ਚ ਕੰਬਲ ਸ਼ੀਟ ਅਤੇ ਤੌਲੀਏ ਨਹੀਂ ਮਿਲਣਗੇ । ਦੇਸ਼ ਪੱਧਰੀ ਤਾਲਾਬੰਦੀ ਕਾਰਨ 25 ਮਾਰਚ ਤੋਂ ਸਾਰੀਆਂ ਯਾਤਰੀ ਰੇਲ ਸੇਵਾਵਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ।
ਇਹ ਯਾਤਰੀ ਟ੍ਰੇਨਾਂ ਦਿੱਲੀ ਰੇਲਵੇ ਸਟੇਸ਼ਨ ਤੋਂ ਸ਼ੁਰੂ ਹੋ ਕੇ ਮੁੰਬਈ, ਸਿਕੰਦਰਾਬਾਦ, ਬੈਂਗਲੁਰੂ, ਚੇਨਈ, ਅਹਿਮਦਾਬਾਦ, ਹਾਵੜਾ, ਥਿਰੁਵੰਨਥਪੁਰਮ, ਪਟਨਾ, ਜੰਮੂ-ਕਸ਼ਮੀਰ, ਦਿਬਰੁਗੜ੍ਹ, ਅਗਰਤਲਾ, ਬਿਲਾਸਪੁਰ, ਰਾਂਚੀ, ਭੁਵਨੇਸ਼ਵਰ ਤੇ ਮਦਗਾਓਂ ਤੱਕ ਚਲਾਈਆਂ ਜਾਣਗੀਆਂ।
