ਨਵੀਂ ਦਿੱਲੀ, 3 ਦਸੰਬਰ – ਰਾਜ ਸਭਾ ਵਿਚ ਸਰਦ ਰੁੱਤ ਇਜਲਾਸ ਦੌਰਾਨ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਗ੍ਰਹਿ ਰਾਜ ਮੰਤਰੀ ਜੀ.ਕਿਸ਼ਨ ਰੈੱਡੀ ਵਲੋਂ ਪੇਸ਼ ਕੀਤੇ ਗਏ, ਸਪੈਸ਼ਲ ਪ੍ਰੋਟੇਕਸ਼ਨ ਗਰੁੱਪ (ਐਸ.ਪੀ.ਜੀ.) ਸੋਧ ਬਿਲ ‘ਤੇ ਬਿਆਨ ਦਿੱਤਾ। ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਸਪੈਸ਼ਲ ਪ੍ਰੋਟੇਕਸ਼ਨ ਗਰੁੱਪ ਐਕਟ ਸਿਰਫ ਪੀ.ਐਮ ਦੀ ਨਿੱਜੀ ਸੁਰੱਖਿਆ ਦੀ ਚਿੰਤਾ ਨਹੀਂ ਕਰਦਾ ਬਾਕੀ ਪਹਿਲੂਆਂ ਦੀ ਵੀ ਸੁਰੱਖਿਆ ਕਰਦਾ ਹੈ। ਸ਼ਾਹ ਨੇ ਕਿਹਾ ਕਿ ਖਤਰੇ ਦਾ ਸਵਾਲ ਗਾਂਧੀ ਪਰਿਵਾਰ ਹੀ ਨਹੀਂ ਬਲਕਿ 130 ਕਰੋੜ ਲੋਕਾਂ ਦੀ ਸੁਰੱਖਿਆ ਦੀ ਜਿੰਮੇਵਾਰੀ ਵੀ ਸਰਕਾਰ ਦੀ ਹੈ। ਐਸ.ਪੀ.ਜੀ. ਦੀ ਜਿੱਦ ਕਿਉਂ ਕੀਤੀ ਜਾ ਰਹੀ ਹੈ। ਇਸ ਦੌਰਾਨ ਰਾਜ ਸਭਾ ਵਿਚ ਭਾਰੀ ਹੰਗਾਮੇ ਵਿਚਕਾਰ ਐਸ.ਪੀ.ਜੀ. ਸੋਧ ਬਿੱਲ ਪਾਸ ਹੋ ਗਿਆ। ਇਸ ਬਿਲ ਦੇ ਪਾਸ ਹੋਣ ਤੋਂ ਪਹਿਲਾ ਕਾਂਗਰਸ, ਡੀ.ਐਮ.ਕੇ ਤੇ ਲੈਫਟ ਨੇ ਰਾਜ ਸਭਾ ਤੋਂ ਵਾਕ-ਆਊਟ ਕੀਤਾ।