24, ਜੁਲਾਈ- ਚੀਨ ਵਿਚ ਵਾਪਰੇ ਇਕ ਹਾਦਸੇ ਦੌਰਾਨ 9 ਲੋਕਾਂ ਦੀ ਮੌ.ਤ ਹੋ ਗਈ ਅਤੇ ਕਈ ਜ਼ਖ਼ਮੀ ਹੋ ਗਏ ਹਨ। ਦੋ ਲੋਕ ਹਾਲੇ ਤੱਕ ਵੀ ਜ਼ਿੰਦਗੀ ਤੇ ਮੌਤ ਦੀ ਲੜਾਈ ਲੜ ਰਹੇ ਹਨ। ਹੇਇਲੋਂਗਜਿਆਂਗ ਸੂਬੇ ਦੇ ਕਿਕਿਹਾਰ ਸ਼ਹਿਰ ਵਿਚ ਇਕ ਸਕੂਲ ਵਿਚ ਬਣੀ ਜਿਮ ਦੀ ਛੱਤ ਡਿੱਗ ਗਈ ਜਿਸ ਨਾਲ ਜਿਮ ਵਿਚ ਮੌਜੂਦ 9 ਲੋਕਾਂ ਦੀ ਮਲਬੇ ਵਿਚ ਦਬਣ ਕਾਰਨ ਮੌ.ਤ ਹੋ ਗਈ।
ਜਾਣਕਾਰੀ ਅਨੁਸਾਰ ਘਟਨਾ ਐਤਵਾਰ ਦੀ ਹੈ ਜਦੋਂ ਕਿਕਿਹਾਰ ਸ਼ਹਿਰ ਵਿਚ ਸਥਿਤ 34 ਮਿਡਲ ਸਕੂਲ ਵਿਚ ਸਥਿਤ ਜਿਮ ਵਿਚ 19 ਲੋਕ ਮੌਜੂਦ ਸਨ। ਅਚਾਨਕ ਜਿਮ ਦੀ ਛੱਤ ਡਿੱਗ ਗਈ ਜਿਸ ਨਾਲ ਜਿਮ ਵਿਚ ਮੌਜੂਦ ਲੋਕ ਮਲਬੇ ਦੀ ਲਪੇਟ ਵਿਚ ਆ ਗਏ। ਘਟਨਾ ਸਮੇਂ ਚਾਰ ਲੋਕ ਹਾਦਸੇ ਵਿਚ ਬਚ ਗਏ ਤੇ 15 ਲੋਕ ਫਸ ਗਏ। ਹੁਣ ਤੱਕ 13 ਲੋਕਾਂ ਨੂੰ ਮਲਬੇ ਤੋਂ ਕੱਢ ਲਿਆ ਗਿਆ ਹੈ ਜਿਸ ਵਿਚੋਂ 9 ਦੀ ਮੌ.ਤ ਹੋ ਗਈ ਤੇ ਚਾਰ ਦਾ ਅਜੇ ਵੀ ਗੰਭੀਰ ਹਾਲਤ ਵਿਚ ਇਲਾਜ ਚੱਲ ਰਿਹਾ ਹੈ।
ਦੱਸਣਾ ਬਣਦਾ ਹੈ ਕਿ ਪਰਲਾਈਟ ਜਵਾਲਾਮੁਖੀ ਤੋਂ ਪ੍ਰਾਪਤ ਇੱਕ ਕੁਦਰਤੀ ਅਕਾਰਬਨਿਕ ਗੈਰ-ਜ਼ਹਿਰੀਲੀ ਸਮੱਗਰੀ ਹੈ, ਜੋ ਕਿ ਰਸਾਇਣਕ ਤੌਰ ‘ਤੇ ਜਵਾਲਾਮੁਖੀ ਸ਼ੀਸ਼ੇ ਦੀ ਇੱਕ ਕਿਸਮ ਹੈ। ਇਸ ਵਿੱਚ ਪਾਣੀ ਨੂੰ ਸੋਖਣ ਦੀ ਸਮਰੱਥਾ ਹੁੰਦੀ ਹੈ। ਇਨ੍ਹੀਂ ਦਿਨੀਂ ਚੀਨ ਦੇ ਕਈ ਇਲਾਕਿਆਂ ‘ਚ ਭਾਰੀ ਬਾਰਿਸ਼ ਹੋ ਰਹੀ ਹੈ, ਜਿਸ ਕਾਰਨ ਹੜ੍ਹ ਵਰਗੇ ਹਾਲਾਤ ਬਣੇ ਹੋਏ ਹਨ। ਮੰਨਿਆ ਜਾ ਰਿਹਾ ਹੈ ਭਾਰੀ ਮੀਂਹ ਨਾਲ ਨਿਰਮਾਣ ਕਮਜ਼ੋਰ ਹੋਇਆ ਤੇ ਫਿਰ ਪਰਲਾਈਟ ਦੇ ਭਾਰ ਦੇ ਚੱਲਦਿਆਂ ਹਾਦਸਾ ਹੋ ਗਿਆ। ਘਟਨਾ ਤੋਂ ਬਾਅਦ ਇਮਾਰਤ ਦਾ ਨਿਰਮਾਣ ਕਰਨ ਵਾਲੀ ਕੰਸਟ੍ਰਕਸ਼ਨ ਕੰਪਨੀ ਦੇ ਅਧਿਕਾਰੀਆਂ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ ਤੇ ਆਗਾਮੀ ਕਾਰਵਾਈ ਜਾਰੀ ਹੈ।