ਮਰੀਜ਼ਾਂ ਲਈ 2 ਯੂਨਿਟਾਂ ਐਮਰਜੈਂਸੀ ਖੂਨਦਾਨ ਕੀਤਾ

ਬਠਿੰਡਾ, 14 ਜੁਲਾਈ (ਵੀਰਪਾਲ ਕੌਰ)- ਮਨੁੱਖਤਾ ਦੀ ਸੇਵਾ ਨੂੰ ਸਮਰਪਿਤ ਸ਼ਹੀਦ ਜਰਨੈਲ ਸਿੰਘ ਵੈਲਫੇਅਰ ਸੁਸਾਇਟੀ (ਰਜਿ.) ਬਠਿੰਡਾ ਵੱਲੋਂ ਵੱਖ-ਵੱਖ ਹਸਪਤਾਲਾਂ ਵਿੱਚ ਦਾਖਲ ਐਮਰਜੈਂਸੀ ਮਰੀਜ਼ਾਂ ਲਈ 2 ਯੂਨਿਟਾਂ ਖੂਨਦਾਨ ਕੀਤਾ ਗਿਆ। ਸੁਸਾਇਟੀ ਪ੍ਰਧਾਨ ਅਵਤਾਰ ਸਿੰਘ ਗੋਗਾ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆਂ ਕਿ ਸ਼ਹੀਦ ਭਾਈ ਮਨੀ ਸਿੰਘ ਸਿਵਲ ਹਸਪਤਾਲ ਬਠਿੰਡਾ ਵਿਖੇ ਦਾਖਲ ਥੈਲਾਸੀਮੀਆ ਪੀੜਤ ਮਰੀਜ਼ ਨੂੰ ਐਮਰਜੈਂਸੀ ਬਲੱਡ ਦੀ ਬਹੁਤ ਜ਼ਰੂਰਤ ਸੀ। ਸੁਸਾਇਟੀ ਦੇ ਮੈਂਬਰ ਰਮਣੀਕ ਸਿੰਘ ਵਾਲੀਆਂ ਵੱਲੋਂ ਬਲੱਡ ਬੈਂਕ ਵਿਚ ਪਹੁੰਚਕੇ ਪੀੜਤ ਮਰੀਜ਼ ਲਈ ਬੀ ਪਾੱਜ਼ੀਟਿਵ ਐਮਰਜੈਂਸੀ ਖੂਨਦਾਨ ਕੀਤਾ ਗਿਆ। ਇਸੇ ਤਰ੍ਹਾਂ ਦੂਜੇ ਪਾਸੇ ਨਿੱਜੀ ਹਸਪਤਾਲ ਵਿੱਚ ਦਾਖਲ ਡਾਇਲਸਿਸ ਮਰੀਜ਼ ਨੂੰ ਬੀ ਨੈਗੀਟਿਵ ਬਲੱਡ ਦੀ ਜ਼ਰੂਰਤ ਪੈਣ ਤੇ ਮੈਂਬਰ ਗੁਰਮੀਤ ਸਿੰਘ ਵੱਲੋਂ ਖੂਨਦਾਨ ਕੀਤਾ ਗਿਆ।