ਬਠਿੰਡਾ, 22 ਜਨਵਰੀ (ਬਲਵਿੰਦਰ ਸ਼ਰਮਾ)-ਅੱਜ ਇਥੇ ਅਮਰਪੁਰਾ ਬਸਤੀ ਵਿਖੇ ਬਠਿੰਡਾ ਸ਼ਹਿਰ ਤੋਂ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਜਗਰੂਪ ਸਿੰਘ ਗਿੱਲ ਤੇ ਸਮਰਥਕ ਉਦੋਂ ਗਦ ਗਦ ਹੋ ਉੱਠੇ ਜਦੋਂ ਤਾੜੀਆਂ ਦੀ ਗੜਗੜਾਹਟ ਵਿਚ ਸੈਂਕੜੇ ਅਕਾਲੀ ਤੇ ਕਾਂਗਰਸੀ ਵਰਕਰ ਪਰਿਵਾਰਾਂ ਸਮੇਤ ਸ. ਗਿੱਲ ਦੀ ਹਮਾਇਤ ‘ਚ ਆ ਗਏ।
ਸ. ਗਿੱਲ ਨੇ ਸਭਨਾਂ ਦਾ ਸਵਾਗਤ ਕਰਦਿਆਂ ਪਾਰਟੀ ਵਿਚ ਪੂਰਾ ਮਾਨ ਸਨਮਾਨ ਮਿਲਣ ਦਾ ਭਰੋਸਾ ਦਿਵਾਇਆ।
ਇਸ ਮੌਕੇ ਕਾਂਗਰਸੀ ਵਰਕਰਾਂ ਦਾ ਕਹਿਣਾ ਸੀ ਕਿ ਕਾਂਗਰਸ ਸਰਕਾਰ ਵਲੋਂ ਕੀਤੇ ਵਾਅਦੇ ਪੂਰੇ ਨਹੀਂ ਕੀਤੇ, ਜਿਸਦੇ ਚਲਦਿਆ ਉਹ ਅੱਜ ਆਪ ‘ਚ ਸ਼ਾਮਲ ਹੋਏ ਹਨ ਤਾਂ ਕਿ ਇਲਾਕੇ ਦਾ ਭਲਾ ਕਰਵਾ ਸਕੀਏ।.ਇਸੇ ਤਰ੍ਹਾਂ ਅਕਾਲੀ ਵਰਕਰਾਂ ਦਾ ਤਰਕ ਸੀ ਕਿ ਪਹਿਲਾਂ ਅਕਾਲੀ ਸਰਕਾਰ ਨੇ ਲਾਰਿਆਂ ‘ਚ ਰੱਖਿਆ, ਫਿਰ ਜਦੋਂ ਕਾਂਗਰਸ ਆਈ ਤਾਂ ਇਨ੍ਹਾਂ ਨੇ ਵੀ ਕੁਝ ਨਹੀਂ ਕੀਤਾ। ਹੁਣ ਉਨ੍ਹਾਂ ਨੂੰ ਆਪ ਸਰਕਾਰ ਤੋਂ ਉਮੀਦਾਂ ਹਨ, ਇਸ ਲਈ ਉਹ ਆਪ ਦੀ ਹਮਾਇਤ ‘ਚ ਡਟ ਗਏ ਹਨ।
ਇਸ ਦੌਰਾਨ ਜਗਰੂਪ ਸਿੰਘ ਗਿੱਲ ਨੇ ਲੋਕਾਂ ਨੂੰ ਯਕੀਨ ਦਿਵਾਉਂਦਿਆਂ ਕਿਹਾ ਕਿ ਪੰਜਾਬ ਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਨਣ ‘ਤੇ ਵਿਕਾਸ ਕਾਰਜਾਂ ਤੇ ਪਹਿਲ ਵਜੋਂ ਕੰਮ ਕੀਤਾ ਜਾਵੇਗਾ, ਸਿਹਤ ਸਹੂਲਤਾਂ ਅਤੇ ਸਿਖਿਆ ਦਿੱਲੀ ਵਾਂਗ ਪੰਜਾਬ ਦੇ ਲੋਕਾਂ ਨੂੰ ਮੁਫ਼ਤ ਮੁਹੱਈਆ ਹੋਣਗੀਆਂ।
ਆਪ ‘ਚ ਸ਼ਾਮਲ ਹੋਣ ਵਾਲਿਆਂ ‘ਚ ਡਾ. ਬਿਕਰਮਜੀਤ ਸਿੰਘ, ਗੁਰਚਰਨ ਸਿੰਘ, ਸੁਖਮੰਦਰ ਸਿੰਘ, ਪਰਮਜੀਤ ਸਿੰਘ, ਚਮਕੌਰ ਸਿੰਘ, ਕਾਲਾ ਸਿੰਘ, ਜਗਦੇਵ ਸਿੰਘ, ਨਛੱਤਰ ਸਿੰਘ, ਅਕਾਸ਼ਦੀਪ ਸਿੰਘ, ਕੇਹਰ ਸਿੰਘ, ਵਿਜੇ ਕੁਮਾਰ, ਜਰਨੈਲ ਸਿੰਘ, ਜਸਵਿਦਰ ਕੌਰ, ਪਰਮਿੰਦਰ ਕੌਰ, ਰਾਜਿੰਦਰ ਕੌਰ, ਐਡਵੋਕੇਟ ਸੁਖਵਿੰਦਰ ਸਿੰਘ, ਚਮਨ ਲਾਲ, ਜਗਸੀਰ ਸਿੰਘ, ਅਮਰਜੀਰ ਸਿੰਘ, ਬਲਜੀਤ ਕੌਰ, ਪੁਨੀਤ ਕੌਰ, ਸੀਮਾ ਰਾਣੀ, ਆਲਮ ਖਾਨ, ਅਗਨਾਵੀ, ਰਾਜਿੰਦਰ ਕੁਮਾਰ ਆਦਿ ਦੇ ਨਾਂ ਵਿਸ਼ੇਸ਼ ਰਹੇ।
