22 ਫਰਵਰੀ 2023-ਅਜਮੇਰ ਕਾਨਵੈਂਟ ਸਕੂਲ ਗਿਲ ਪੱਤੀ ਵੱਲੋਂ ਬੋਲੀ ਪੰਜਾਬੀ ਮੁਹਿੰਮ ਤਹਿਤ ਪੰਜਾਬੀ ਭਾਸ਼ਾ ਚੇਤਨਾ ਰੈਲੀ ਕੱਢੀ ਗਈ। 21 ਫਰਵਰੀ 2023 ਅੰਤਰਰਾਸ਼ਟਰੀ ਮਾਂ ਬੋਲੀ ਦਿਵਸ ਤੇ ਪੰਜਾਬੀ ਬੋਲੀ ਨੂੰ ਸਮਰਪਿਤ ਅਜਮੇਰ ਕੌਨਵੈਂਟ ਸਕੂਲ ਗਿੱਲ ਪਤੀ ਵੱਲੋਂ ਪਿੰਡ ਵਿੱਚ ਚੇਤਨਾ ਰੈਲੀ ਕੱਢੀ ਗਈ। ਇਸ ਰੈਲੀ ਵਿੱਚ ਸਕੂਲ ਦੇ ਅਧਿਆਪਕ ਅਤੇ ਵਿਦਿਆਰਥੀਆਂ ਨੇ ਭਾਗ ਲਿਆ। ਬੱਚਿਆਂ ਨੇ ਮਾਂ ਬੋਲੀ ਪੰਜਾਬੀ ਨਾਅਰੇ ਲਗਾਏ ।
“ਮਾਂ ਬੋਲੀ ਹੈ ਕਿੰਨੀ ਪਿਆਰੀ,
ਇਹ ਖ਼ਿਆਲ ਨੂੰ ਦਵੇ ਉਡਾਰੀ
ਗੁਰਮੁਖੀ ਨੂੰ ਦਿਲੀ ਵਸਾਈਐ
ਮਾਂ ਬੋਲੀ ਦਾ ਮਾਣ ਵਧਾਈਏ
ਆਪਣੀ ਬੋਲੀ ਆਪਣਾ ਮਾਣ
ਇਸ ਨਾਲ ਉੱਚੀ ਸਾਡੀ ਸ਼ਾਨ।”
ਇਨਾਂ ਨਾਹਰਿਆਂ ਦਾ ਉਚਾਰਨ ਬੜੇ ਜੋਸ਼ ਨਾਲ ਕੀਤਾ ਗਿਆ। ਇਹ ਰੈਲੀ ਸਕੂਲ ਤੋਂ ਸ਼ੁਰੂ ਹੋ ਕੇ ਪਿੰਡ ਦੀਆਂ ਗਲੀਆਂ ਵਿਚੋਂ ਹੁੰਦੇ ਹੋਏ ਵਾਪਸ ਸਕੂਲ ਪਹੁੰਚੀ। ਇਸ ਸਮੇਂ ਪ੍ਰਿੰਸੀਪਲ ਸਰਸਵਤੀ, ਕੋਆਰਡੀਨੇਟਰ ਕਿਰਨਦੀਪ ਕੌਰ, ਅਧਿਆਪਿਕਾ ਪਾਇਲ ਕੁਮਾਰੀ, ਦੀਪਮਾਲਾ, ਕਵਿਤਾ ਯਾਦਵ ਹਾਜ਼ਿਰ ਸਨ।