ਨਵੀਂ ਦਿੱਲੀ, 15 ਅਪ੍ਰੈਲ – ਅਲਾਇੰਸ ਏਅਰ (Alliance Air) ਹੁਣ ਏਅਰ ਇੰਡੀਆ (Air India) ਦੀ ਸਹਾਇਕ ਕੰਪਨੀ ਨਹੀਂ ਹੈ। ਇਹ ਹੁਣ ਪੂਰੀ ਤਰ੍ਹਾਂ ਸਰਕਾਰੀ ਕੰਪਨੀ ਬਣ ਗਈ ਹੈ। ਜਦੋਂ ਕਿ ਏਅਰ ਇੰਡੀਆ ਹੁਣ ਟਾਟਾ ਸਮੂਹ (Tata Group) ਦੀ ਏਅਰਲਾਈਨ ਬਣ ਗਈ ਹੈ ਯਾਨੀ ਹੁਣ ਏਅਰ ਇੰਡੀਆ ਇੱਕ ਪ੍ਰਾਈਵੇਟ ਕੰਪਨੀ ਹੈ।
ਏਅਰ ਇੰਡੀਆ ਨੇ ਟਾਟਾ ਗਰੁੱਪ ਦੀ ਕੰਪਨੀ ਬਣਨ ਦੇ ਕਈ ਮਹੀਨੇ ਬਾਅਦ ਅਲਾਇੰਸ ਏਅਰ ਨੂੰ ਲੈ ਕੇ ਇਹ ਅਹਿਮ ਐਲਾਨ ਕੀਤਾ ਹੈ। ਏਅਰ ਇੰਡੀਆ ਨੇ ਟਵਿੱਟਰ ‘ਤੇ ਇਕ ਪੋਸਟ ਕੀਤੀ ਹੈ, ਜਿਸ ‘ਚ ਅਲਾਇੰਸ ਏਅਰ ਬਾਰੇ ਅਹਿਮ ਜਾਣਕਾਰੀ ਕੰਪਨੀ ਵੱਲੋਂ ਲੋਕਾਂ ਨਾਸ ਜਨਤਕ ਤੌਰ ਉੱਤੇ ਸਾਂਝੀ ਕੀਤੀ ਗਈ ਹੈ। ਏਅਰ ਇੰਡੀਆ ਨੇ ਟਵੀਟ ਵਿੱਚ ਕਿਹਾ ਕਿ ਯਾਤਰੀਆਂ ਕਿਰਪਾ ਧਿਆਨ ਦੇਣ, 15 ਅਪ੍ਰੈਲ ਤੋਂ ਏਅਰ ਇੰਡੀਆ ਅਲਾਇੰਸ ਏਅਰ ਨਾਲ ਸਬੰਧਤ ਬੁਕਿੰਗ ਅਤੇ ਕਾਰੋਬਾਰ ਨੂੰ ਨਹੀਂ ਸੰਭਾਲੇਗੀ। ਇਸ ਦਾ ਮਤਲਬ ਹੈ ਕਿ ਸ਼ੁੱਕਰਵਾਰ ਤੋਂ ਹੁਣ ਅਲਾਇੰਸ ਏਅਰ ਅਲੱਗ ਤੋਂ ਆਪਣੀ ਟਿਕਟ ਬੁੱਕ ਕਰੇਗੀ।
ਏਅਰ ਇੰਡੀਆ ਨੇ ਐਡਵਾਈਜ਼ਰੀ ਜਾਰੀ ਕੀਤੀ : ਇਸ ਸਬੰਧੀ ਏਅਰ ਇੰਡੀਆ ਵੱਲੋਂ ਐਡਵਾਈਜ਼ਰੀ ਵੀ ਜਾਰੀ ਕੀਤੀ ਗਈ ਹੈ। ਐਡਵਾਈਜ਼ਰੀ ‘ਚ ਕਿਹਾ ਗਿਆ ਹੈ ਕਿ ਜਿਨ੍ਹਾਂ ਯਾਤਰੀਆਂ ਕੋਲ ਏਅਰ ਇੰਡੀਆ ਦੀਆਂ ਟਿਕਟਾਂ 9 ਅੰਕਾਂ ਨਾਲ ਸ਼ੁਰੂ ਹੋਣ ਵਾਲੀ 4 ਅੰਕਾਂ ਵਾਲੀ ਜਾਂ 9I ਤੋਂ ਸ਼ੁਰੂ ਹੋਣ ਵਾਲੀ 3 ਅੰਕਾਂ ਵਾਲੀ ਫਲਾਈਟ ਨੰਬਰ ਹੈ, ਉਨ੍ਹਾਂ ‘ਤੇ ਵਿਸ਼ੇਸ਼ ਧਿਆਨ ਦੇਣ ਦੀ ਲੋੜ ਹੈ। ਇਹ ਬੁਕਿੰਗ ਅਲਾਇੰਸ ਏਅਰ ਦੀ ਹੈ।
ਕਿਸੇ ਵੀ ਤਰ੍ਹਾਂ ਦੀ ਸਹਾਇਤਾ ਲਈ ਯਾਤਰੀ ਇੱਥੇ ਸੰਪਰਕ ਕਰ ਸਕਦੇ ਹਨ : ਮਿੰਟ ਦੀ ਖਬਰ ਮੁਤਾਬਕ ਅਲਾਇੰਸ ਏਅਰ ਨਾਲ ਜੁੜੀ ਕਿਸੇ ਵੀ ਜਾਣਕਾਰੀ ਲਈ ਹਵਾਈ ਯਾਤਰੀਆਂ ਨੂੰ +91-44-4255 4255 ਅਤੇ +91-44-3511 3511 ‘ਤੇ ਸੰਪਰਕ ਕਰਨ ਲਈ ਕਿਹਾ ਗਿਆ ਹੈ। ਇਸ ਤੋਂ ਇਲਾਵਾ ਯਾਤਰੀ [email protected] ਨੂੰ ਈ-ਮੇਲ ਕਰ ਕੇ ਵੀ ਬੁਕਿੰਗ ਜਾਂ ਹੋਰ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹਨ। ਟਾਟਾ ਸਮੂਹ ਨੇ ਘਾਟੇ ਵਿੱਚ ਚੱਲ ਰਹੀ ਅਤੇ ਕਰਜ਼ੇ ਵਿੱਚ ਡੁੱਬੀ ਸਰਕਾਰੀ ਏਅਰਲਾਈਨ ਏਅਰ ਇੰਡੀਆ ਨੂੰ ਖਰੀਦਣ ਦੀ ਬੋਲੀ ਜਿੱਤ ਲਈ ਸੀ। ਇਸ ਤੋਂ ਬਾਅਦ ਕੇਂਦਰ ਸਰਕਾਰ ਨੇ ਰਸਮੀ ਤੌਰ ‘ਤੇ ਏਅਰ ਇੰਡੀਆ (Air India) ਦੀ ਮਲਕੀਅਤ ਟਾਟਾ ਸਮੂਹ ਨੂੰ ਸੌਂਪ ਦਿੱਤੀ। ਜਦਕਿ ਅਲਾਇੰਸ ਏਅਰ ਸਰਕਾਰੀ ਕੰਪਨੀ ਰਹੀ। ਹੁਣ ਤੱਕ ਏਅਰ ਇੰਡੀਆ ਆਪਣਾ ਕਾਰੋਬਾਰ ਅਤੇ ਬੁਕਿੰਗ ਸੰਭਾਲ ਰਹੀ ਸੀ।