CBSE ਵੱਲੋਂ ਹੁਣ ਪੇਪਰ ਬਚਾਉਣ ਦੀ ਕਵਾਇਦ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੇ ਨਾਲ ਹੀ ਵਿਦਿਆਰਥੀਆਂ ਦੇ ਸਰਟੀਫਿਕੇਟਸ ‘ਚ ਹੋਣ ਵਾਲੀ ਦੇਰੀ ਦੀ ਘਾਟ ਨੂੰ ਵੀ ਦੂਰ ਕੀਤਾ ਜਾ ਰਿਹਾ ਹੈ ਕਿਉਂਕਿ ਬੋਰਡ ਵੱਲੋਂ ਇਸ ਵਾਰ ਤੋਂ ਵਿਦਿਆਰਥੀਆਂ ਨੂੰ ਮਾਰਕਸ਼ੀਟ ਤੇ ਉਸ ਤੋਂ ਬਾਅਦ ਅਲੱਗ ਤੋਂ ਸਰਟੀਫਿਕੇਟਸ ਨਹੀਂ ਭੇਜੇ ਜਾਣਗੇ। 10ਵੀਂ ਤੇ 12ਵੀਂ ਜਮਾਤ ‘ਚ ਇਹ ਨਿਯਮ ਲਾਗੂ ਕੀਤਾ ਜਾਵੇਗਾ। ਇਸ ਤੋਂ ਪਹਿਲਾਂ ਸੀਬੀਐੱਸਈ ਵੱਲੋਂ ਵਿਦਿਆਰਥੀਆਂ ਦਾ ਨਤੀਜਾ ਜਾਰੀ ਹੋਣ ਦੇ ਨਾਲ ਹੀ ਮਾਰਕਸ਼ੀਟਸ ਜਾਰੀ ਕਰ ਦਿੱਤੀਆਂ ਜਾਂਦੀਆਂ ਸਨ, ਜਿਸ ਨਾਲ ਵਿਦਿਆਰਥੀਆਂ ਨੂੰ ਪਤਾ ਚੱਲ ਸਕੇ ਕਿ ਉਨ੍ਹਾਂ ਦੇ ਕਿਸ ਵਿਸ਼ੇ ‘ਚ ਕਿੰਨੇ-ਕਿੰਨੇ ਅੰਕ ਆਏ ਹਨ। ਇਸੇ ਆਧਾਰ ‘ਤੇ ਵਿਦਿਆਰਥੀਆਂ ਨੂੰ ਅਗਲੀ ਸਟ੍ਰੀਮ, ਕੋਰਸ ਜਾਂ ਫਿਰ ਡਿਗਰੀ ਪ੍ਰੋਗਰਾਮਾਂ ਲਈ ਦਾਖ਼ਲੇ ਦਾ ਪ੍ਰੋਸੈੱਸ ਸ਼ੁਰੂ ਹੋ ਜਾਂਦਾ ਸੀ।
ਸੀਬੀਐੱਸਈ ਵੱਲੋਂ ਮਾਰਕਸ ਸ਼ੀਟ ਪਹਿਲਾਂ ਜਾਰੀ ਕਰਨ ਤੋਂ ਬਾਅਦ ਵੀ ਵਿਦਿਆਰਥੀਆਂ ਲਈ ਪ੍ਰੀਖਿਆ ਤੇ ਜਮਾਤ ਪਾਸ ਦਾ ਸਰਟੀਫਿਕੇਟ ਬੋਰਡ ਵੱਲੋਂ ਜਾਰੀ ਕੀਤਾ ਜਾਂਦਾ ਸੀ ਜਿਸ ਨੂੰ ਜਾਰੀ ਹੋਣ ਵਿਚ ਇਕ ਤੋਂ 5 ਮਹੀਨੇ ਤਕ ਦਾ ਸਮਾਂ ਵੀ ਲੱਗ ਜਾਂਦਾ ਸੀ। ਵਿਦਿਆਰਥੀਆਂ ਵੱਲੋਂ ਲਗਾਤਾਰ ਬੋਰਡ ਨੂੰ ਸੰਦੇਸ਼ ਤੇ ਪੱਤਰ ਭੇਜ ਕੇ ਸਰਟੀਫਿਕੇਟ ਭੇਜਣ ਲਈ ਵੀ ਪੱਤਰ ਲਿਖੇ ਜਾਂਦੇ ਰਹੇ ਹਨ। ਅਜਿਹੇ ਵਿਚ ਵਿਦਿਆਰਥੀਆਂ ਦੀ ਪਰੇਸ਼ਾਨੀ ਵੀ ਬੋਰਡ ਦੇ ਇਸ ਫ਼ੈਸਲੇ ਨਾਲ ਦੂਰ ਹੋਵੇਗੀ ਤੇ ਪੇਪਰ ਦੀ ਬਚਤ ਵੀ ਹੋਵੇਗੀ। ਦੱਸ ਦੇਈਏ ਕਿ ਦੇਸ਼ ਭਰ ਤੋਂ ਹਰ ਸਾਲ 10ਵੀਂ ‘ਚ ਕਰੀਬ 20 ਲੱਖ ਤੇ 12ਵੀਂ ‘ਚ ਕਰੀਬ 18 ਲੱਖ ਵਿਦਿਆਰਥੀਆਂ ਵੱਲੋਂ ਪ੍ਰੀਖਿਆ ਦਿੱਤੀ ਜਾਂਦੀ ਹੈ। ਉਸੇ ਹਿਸਾਬ ਨਾਲ ਬੋਰਡ ਵੱਲੋਂ ਵਿਦਿਆਰਥੀਆਂ ਨੂੰ ਦੋ-ਦੋ ਸ਼ੀਟਸ ‘ਚ ਮਾਰਕਸ ਸ਼ੀਟ ਤੇ ਜਮਾਤ ਪਾਸ ਦਾ ਸਰਟੀਫਿਕੇਟ ਦਿੱਤਾ ਜਾਂਦਾ ਸੀ ਜੋ ਹੁਣ ਇੱਕੋ ਸ਼ੀਟ ‘ਤੇ ਜਾਰੀ ਹੋਵੇਗਾ।
