ਬਠਿੰਡਾ, 3 ਜੁਲਾਈ – ਆਰ.ਸੈਟੀ ਦੇ ਡਾਇਰੈਕਟਰ ਸ਼੍ਰੀ ਭੂਸ਼ਣ ਕੁਮਾਰ ਨੇ ਦੱਸਿਆ ਕਿ ਪੇਂਡੂ ਵਿਕਾਸ ਮੰਤਰਾਲਾ (ਭਾਰਤ ਸਰਕਾਰ) ਦੁਆਰਾ ਚਲਾਏ ਜਾ ਰਹੇ ਅਮ੍ਰਿੰਤ ਮਹਾਂ ਉਤਸਵ ਕੈਂਪ ਅਧੀਨ ਐੱਸ.ਬੀ.ਆਈ. ਪੇਂਡੂ ਸਵੈ-ਰੁਜ਼ਗਾਰ ਸੰਸਥਾ (ਆਰਸੈੱਟੀ) ਵੱਲੋਂ ਪਿੰਡ ਜੱਸੀ ਪੌਂ ਵਾਲੀ ’ਚ ਪੌਦੇ ਲਗਾਏ ਗਏ। ਉਨਾਂ ਕਿਹਾ ਕਿ ਪਿੰਡ ਜੱਸੀ ਪੌ ਵਾਲੀ ’ਚ ਜਲਦ ਹੀ ਆਰਸੈੱਟੀ ਇਮਾਰਤ ਦਾ ਨਿਰਮਾਣ ਵੀ ਕੀਤਾ ਜਾਵੇਗਾ।
ਇਸ ਦੌਰਾਨ ਆਰਸੈਟੀ ਦੇ ਡਾਇਰੈਕਟਰ ਸ਼੍ਰੀ ਭੂਸ਼ਣ ਕੁਮਾਰ ਨੇ ਕਿਹਾ ਵਾਤਾਵਰਣ ਨੂੰ ਸਾਫ-ਸੁਥਰਾ ਬਣਾਏ ਰੱਖਣ ਵਿੱਚ ਪੌਦਿਆਂ ਦਾ ਅਹਿਮ ਯੋਗਦਾਨ ਹੈ। ਮਨੁੱਖੀ ਜੀਵਨ ਦੀ ਬੁਨਿਆਦ ਵੀ ਇਨਾਂ ’ਤੇ ਹੀ ਨਿਰਭਰ ਕਰਦੀ ਹੈ। ਇਸ ਮੌਕੇ ਉਨਾਂ ਮੌਜ਼ੂਦ ਲੋਕਾਂ ਨੂੰ ਆਪਣੇ ਆਲੇ-ਦੁਆਲੇ ਨੂੰ ਪੌਦੇ ਲਗਾ ਕੇ ਅਤੇ ਉਨਾਂ ਦੀ ਸਾਂਭ-ਸੰਭਾਲ ਕਰਨ ਦੀ ਅਪੀਲ ਵੀ ਕੀਤੀ।
ਇਸ ਮੌਕੇ ਸ਼੍ਰੀ ਹਰਜੱਸ ਸਿੰਘ, ਸ਼੍ਰੀ ਜਗਤਾਰ ਸਿੰਘ, ਸ਼੍ਰੀ ਗੁਰਸੰਤ ਪ੍ਰਤਾਪ ਅਤੇ ਹੋਰ ਨੁਮਾਂਇਦੇ ਹਾਜ਼ਰ ਸਨ।