ਕੈਲੀਫੋਰਨੀਆਂ ਅਤੇ ਆਸ ਪਾਸ ਦੀਆਂ ਸਟੇਟਾਂ ਵਿੱਚ ਗਰਮੀ ਤੋੜੇਗੀ ਸਾਰੇ ਰਿਕਾਰਡ

ਫਰਿਜ਼ਨੋ (ਕੈਲੀਫੋਰਨੀਆਂ) 31 ਮਈ (ਗੁਰਿੰਦਰਜੀਤ ਨੀਟਾ ਮਾਛੀਕੇ / ਕੁਲਵੰਤ ਧਾਲੀਆਂ) – ਅਮਰੀਕਾ ਵਿੇਚ ਸਦਰਨ ਕੈਲੀਫੋਰਨੀਆਂ ਤੋਂ ਲੈਕੇ ਵਾਸਿੰਗਟਨ ਅਤੇ ਮਨਟਾਨਾ ਸਟੇਟਾਂ ਤੱਕ ਇਸ ਹਫ਼ਤੇ ਤੇਜ ਗਰਮਾਇਸ਼ ਆਪਣੇ ਹੱਥ ਵਿਖਾਵੇਗੀ ਅਤੇ ਵਿਸਟ ਦੀਆਂ ਸਟੇਟਾਂ ਵਿੱਚ ਪਿਛਲੇ 130 ਰਿਕਾਰਡ ਤੋੜੇਗੀ। ਕੈਲੀਫੋਰਨੀਆਂ ਦੇ ਫਰਿਜ਼ਨੋ, ਮਡੇਰਾ, ਮਰਸਿੱਡ ਆਦਿ ਸ਼ਹਿਰਾਂ ਵਿੱਚ ਪਾਰਾ ਆਮ ਨਾਲ਼ੋਂ ਵੀਹ ਦਰਜੇ ਵੱਧ ਰਹੇਗਾ। ਸੈਕਰਾਮੈਟੋਂ ਅਤੇ ਆਸ ਪਾਸ ਦੇ ਸ਼ਹਿਰਾਂ ਵਿੱਚ ਵੀ ਤਾਪਮਾਨ 108 ਡਿੱਗਰੀ ਤੋਂ ਪਾਰ ਜਾ ਸਕਦਾ ਹੈ। ਔਰੇਗਨ, ਵਾਸਿੰਗਟਨ, ਮਨਟਾਨਾ, ਨਿਵਾਡਾ, ਯੂਟਾ, ਆਈਡਾਹੋ ਆਦਿ ਸਟੇਟਾ ਵਿੱਚ ਹੀਟ ਅਡਵਾਈਜ਼ਰੀ ਜਾਰੀ ਕੀਤੀ ਗਈ ਹੈ। ਸਿਹਤ ਵਿਭਾਗ ਵੱਲੋਂ ਲੋਕਾਂ ਨੂੰ ਵੱਧ ਪਾਣੀ ਪੀਣ ਅਤੇ ਘਰਾਂ ਅੰਦਰ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ। ਇਹ ਪੂਰਾ ਹਫ਼ਤਾ ਹੀਟ ਆਪਣੇ ਜੋਬਨ ਤੇ ਰਹਿਗੀ।