ਅਮਰੀਕਾ: ਉੱਤਰੀ ਕੈਰੋਲਿਨਾ ਵਿੱਚ ਪਾਲਤੂ ਕੁੱਤਿਆਂ ਨੇ ਲਈ 10 ਮਹੀਨਿਆਂ ਦੀ ਬੱਚੀ ਦੀ ਜਾਨ

ਫਰਿਜ਼ਨੋ (ਕੈਲੀਫੋਰਨੀਆ), 27 ਮਈ (ਗੁਰਿੰਦਰਜੀਤ ਨੀਟਾ ਮਾਛੀਕੇ / ਕੁਲਵੰਤ ਧਾਲੀਆਂ) – ਅਮਰੀਕਾ ਦੇ ਉੱਤਰੀ ਕੈਰੋਲਿਨਾ ਵਿੱਚ ਇੱਕ ਘਰ ਵਿੱਚ ਰੱਖੇ ਪਾਲਤੂ ਕੁੱਤਿਆਂ ਨੇ ਹਮਲਾ ਕਰਕੇ 10 ਮਹੀਨਿਆਂ ਦੀ ਬੱਚੀ ਦੀ ਜਾਨ ਲੈ ਲਈ ਹੈ। ਇਸ ਹਾਦਸੇ ਬਾਰੇ ਜਾਣਕਾਰੀ ਦਿੰਦਿਆਂ ਪੁਲਿਸ ਨੇ ਦੱਸਿਆ ਕਿ ਉੱਤਰੀ ਕੈਰੋਲਿਨਾ ਵਿੱਚ ਇੱਕ 10 ਮਹੀਨੇ ਦੀ ਲੜਕੀ ਦੀ ਮੌਤ ਹੋ ਗਈ ਜਦੋਂ ਉਸਦੇ ਪਿਤਾ ਦੇ ਉਸ ਕੋਲੋਂ ਪਾਸੇ ਜਾਣ ਉਪਰੰਤ, ਪਰਿਵਾਰ ਦੇ ਕੁੱਤਿਆਂ ਨੇ ਹਮਲਾ ਕਰ ਦਿੱਤਾ। ਇਹ ਜਾਨਲੇਵਾ ਹਮਲਾ ਮੰਗਲਵਾਰ ਨੂੰ ਸਵੇਰੇ 8 ਵਜੇ ਦੇ ਕਰੀਬ ਵਿਲੋ ਸਪਰਿੰਗ ਹੋਮ ਵਿੱਚ ਹੋਇਆ। ਇਸ ਦੌਰਾਨ ਬੱਚੀ ਦਾ ਪਿਤਾ ਘਰ ਦੇ ਯਾਰਡ ਵਿੱਚ ਇੱਕ ਪਾਈਪ ਵਾਲੇ ਫੁਹਾਰੇ ਨੂੰ ਚੱਕਣ ਗਿਆ ਸੀ। ਇਸ ਦੌਰਾਨ ਬੱਚੀ ਘਰ ਵਿੱਚ ਇਕੱਲੀ ਸੀ ਅਤੇ ਉਸਦੇ ਪਿਤਾ ਨੇ ਘਰ ਵਿੱਚ ਬਹੁਤ ਅਵਾਜ਼ਾਂ ਸੁਣੀਆ। ਘਰ ਵਾਪਸ ਜਾਣ ‘ਤੇ ਬੱਚੀ ਦੇ ਪਿਤਾ ਨੇ ਨੇ ਬੇਹੋਸ਼ ਹਾਲਤ ਵਿੱਚ ਪਾਇਆ। 911 ਨੂੰ ਫੋਨ ਕਰਨ ਉਪਰੰਤ, ਐਮਰਜੈਂਸੀ ਅਧਿਕਾਰੀ ਵੀ ਬੱਚੀ ਨੂੰ ਬਚਾ ਨਹੀਂ ਸਕੇ। ਪੁਲਿਸ ਅਧਿਕਾਰੀਆਂ ਅਨੁਸਾਰ ਪਰਿਵਾਰ ਦੇ ਦੋ ਰੋਟਵੇਲਰ ਕੁੱਤਿਆਂ ਨੇ ਬੱਚੀ ‘ਤੇ ਹਮਲਾ ਕੀਤਾ ਹੈ ਅਤੇ ਉਹ ਹੀ ਇਸ ਮੌਤ ਦਾ ਕਾਰਨ ਹੈ।