ਫਾਜ਼ਿਲਕਾ, 25 ਫਰਵਰੀ (ਰਿਤਿਸ਼) – ਅੱਜ ਕਰਨ ਗਿਲਹੋਤਰਾ (ਸੰਸਥਾਪਕ, ਪਲਾਕਸ਼ਾ ਯੂਨੀਵਰਸਿਟੀ ਅਤੇ ਚੇਅਰਮੈਨ, ਪੀ. ਐੱਚ. ਡੀ. ਚੈਂਬਰ) ਨੇ ਵਿਜ਼ਡਮ ਕਾਨਵੈਂਟ ਸਕੂਲ, ਫਾਜ਼ਿਲਕਾ ਦਾ ਦੌਰਾ ਕੀਤਾ । ਇਸ ਮੌਕੇ ਉਨ੍ਹਾਂ ਨੇ ਸਕੂਲ ਦੇ ਸਮੁੱਚੇ ਪ੍ਰਬੰਧ ਦਾ ਜਾਇਜ਼ਾ ਲਿਆ । ਇਸ ਉਪਰੰਤ ਉਹਨਾਂ ਨੇ ਸਕੂਲ ਦੀ ਭਰਪੂਰ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਹਨਾਂ ਨੇ ਫਾਜ਼ਿਲਕਾ ਵਿੱਚ ਅਜਿਹਾ ਸਕੂਲ ਪਹਿਲੀ ਵਾਰ ਵੇਖਿਆ ਹੈ ਜੋ ਕਿ ਸਿੱਖਿਆ ਦੀ ਗੁਣਵੱਤਾ ਦੇ ਨਾਲ਼ – ਨਾਲ਼ ਵਿੱਦਿਆਰਥੀਆਂ ਦੇ ਚੌ
ਮੁਖੀ ਵਿਕਾਸ ਲਈ ਭਰਪੂਰ ਵਸੀਲੇ ਸਿਰਜ ਰਿਹਾ ਹੈ । ਉਹਨਾਂ ਇਹ ਵੀ ਕਿਹਾ ਕਿ ਸਕੂਲ ਦੁਆਰਾ ਵਿਦਿਆਰਥੀਆਂ ਗੁਣਾਤਮਕ ਅਤੇ ਗਿਣਾਤਮਕ ਵਿਕਾਸ ਲਈ ਬਣਾਈ ਗਈ ਯੋਜਨਾ ਬਹੁਤ ਅਲੱਗ ਅਤੇ ਸੁਚੱਜੀ ਹੈ । ਸਕੂਲ ਦੁਆਰਾ ਨਵੀਂ ਖੋਲ੍ਹੀ ਗਈ ਸ਼ੂਟਿੰਗ ਰੇਂਜ ਦੀ ਉਹਨਾਂ ਨੇ ਵਿਸ਼ੇਸ਼ ਤੌਰ ਤੇ ਸ਼ਲਾਘਾ ਕੀਤੀ । ਉਹਨਾਂ ਨੇ ਸਕੂਲ ਦੀ ਪ੍ਰਬੰਧਕੀ ਕਮੇਟੀ ਨੂੰ ਪਰੰਪਰਾਵਾਦੀ ਸਿੱਖਿਆ ਨੀਤੀ ਤੋਂ ਹਟ ਕੇ ਵੱਖਰੀ ਨੀਤੀ ਅਖਤਿਆਰ ਕਰਨ ਲਈ ਵਧਾਈ ਦਿੱਤੀ । ਨਾਲ਼ ਹੀ ਉਹਨਾਂ ਨੇ ਸਕੂਲ ਦੇ ਹੈਲਪਿੰਗ ਸਟਾਫ਼ ਲਈ ਕੋਰੋਨਾ ਤੋਂ ਬਚਾਅ ਲਈ ਸੁਰੱਖਿਆ ਕਿੱਟਾਂ ਵੀ ਭੇਂਟ ਕੀਤੀਆਂ । ਸਕੂਲ ਦੇ ਪ੍ਰਬੰਧਕੀ ਨਿਰਦੇਸ਼ਕ ਸ. ਪਰਮਜੀਤ ਸਿੰਘ ਵੈਰੜ ਅਤੇ ਉੱਪ – ਪ੍ਰਿੰਸੀਪਲ ਸ਼੍ਰੀ ਮੋਹਿਤ ਅਨੇਜਾ ਜੀ ਨੇ ਉਹਨਾਂ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕਰਕੇ ਸਨਮਾਨਿਤ ਕੀਤਾ ਅਤੇ ਉਨ੍ਹਾਂ ਦਾ ਸਕੂਲ ਵਿਖੇ ਪਹੁੰਚਣ ‘ ਤੇ ਧੰਨਵਾਦ ਕੀਤਾ ।
