ਮਿਸ਼ੀਗਨ ‘ਚ ਟੀਕਿਆਂ ਦੀ ਘਾਟ ਕਾਰਨ ਰੱਦ ਕੀਤੀਆਂ ਤਕਰੀਬਨ 2 ਹਜ਼ਾਰ ਕੋਰੋਨਾ ਟੀਕਾਕਰਨ ਦੀਆਂ ਮੁਲਾਕਾਤਾਂ

ਫਰਿਜ਼ਨੋ (ਕੈਲੀਫੋਰਨੀਆ), 17 ਫਰਵਰੀ (ਗੁਰਿੰਦਰਜੀਤ ਨੀਟਾ ਮਾਛੀਕੇ / ਕੁਲਵੰਤ ਧਾਲੀਆਂ) – ਮਿਸ਼ੀਗਨ ਦੀ ਇੱਕ ਹਸਪਤਾਲ ਪ੍ਰਣਾਲੀ ਨੇ ਕੋਰੋਨਾ ਟੀਕਿਆਂ ਦੀ ਸਪਲਾਈ ਸਪਲਾਈ ਵਿੱਚ ਆਈ ਕਮੀ ਦੇ ਬਾਅਦ ਕੋਵਿਡ -19 ਟੀਕੇ ਦੀ ਦੂਜੀ ਖੁਰਾਕਾਂ ਲਈ ਲੱਗਭਗ ਦੋ ਹਜ਼ਾਰ ਮੁਲਾਕਾਤਾਂ ਨੂੰ ਰੱਦ ਕਰ ਦਿੱਤਾ ਹੈ। ਇਸ ਸੰਬੰਧੀ ਬੀਯੂਮੋਂਟ ਹੈਲਥ ਨੇ ਜਾਣਕਾਰੀ ਦਿੱਤੀ ਕਿ ਇਸ ਸੰਸਥਾ  ਨੂੰ ਮਿਸ਼ੀਗਨ ਰਾਜ ਤੋਂ ਫਾਈਜ਼ਰ ਟੀਕੇ ਦੀ ਵੰਡ ਵਿੱਚ ਕਟੌਤੀ ਬਾਰੇ ਸੂਚਿਤ ਕੀਤਾ ਗਿਆ ਸੀ, ਜਿਸ ਕਾਰਨ ਹਸਪਤਾਲ ਪ੍ਰਣਾਲੀ ਦੁਆਰਾ ਵੀਰਵਾਰ ਨੂੰ ਕੋਰੋਨਾ ਵਾਇਰਸ ਟੀਕੇ ਦੀ ਦੂਜੀ ਖੁਰਾਕ ਦੇਣ ਲਈ ਨਿਰਧਾਰਤ ਕੀਤੀਆਂ ਗਈਆਂ 1,884 ਮੁਲਾਕਾਤਾਂ ਨੂੰ ਰੱਦ ਕੀਤਾ ਗਿਆ ਹੈ। ਬੀਯੂਮੋਂਟ ਹੈਲਥ ਨਾਲ ਸੰਬੰਧਿਤ ਕੈਰੀਲੀਨ ਵਿਲਸਨ, ਅਨੁਸਾਰ ਇਸ ਸਿਹਤ ਪ੍ਰਣਾਲੀ ਵਿੱਚ ਵਿੱਚ ਅੱਠ ਹਸਪਤਾਲ ਸ਼ਾਮਿਲ ਹਨ ਅਤੇ ਰੱਦ ਕੀਤੀਆਂ ਟੀਕਾਕਰਨ ਮੁਲਾਕਾਤਾਂ ਲਈ ਲੋੜੀਂਦੀ ਟੀਕਾ ਸਪਲਾਈ ਮਿਲਣ ਦੀ ਉਮੀਦ ‘ਤੇ ਇੱਕ ਹਫਤੇ ਬਾਅਦ ਤੱਕ ਦੁਬਾਰਾ ਮੁਲਾਕਾਤਾਂ ਕਰਨ ਦੀ ਯੋਜਨਾ ਬਣਾਈ ਜਾ ਰਹੀ  ਹੈ। ਇਸਦੇ ਇਲਾਵਾ ਬੀਯੂਮੋਂਟ ਹੈਲਥ ਨੇ ਦੱਸਿਆ ਕਿ ਇਸ ਵਿੱਚ ਇੱਕ ਹਫ਼ਤੇ ਦੌਰਾਨ 50,000 ਖੁਰਾਕਾਂ ਦਾ  ਪ੍ਰਬੰਧਨ ਕਰਨ ਦੀ ਸਮਰੱਥਾ ਹੈ, ਪਰ ਇਸ ਹਫਤੇ ਹਸਪਤਾਲ ਨੂੰ ਸਿਰਫ 2000 ਦੇ ਕਰੀਬ  ਟੀਕੇ ਹੀ ਮੁਹੱਈਆ ਕਰਵਾਏ ਗਏ ਸਨ। ਇਸ ਸਿਹਤ ਪ੍ਰਣਾਲੀ ਨੇ ਜਾਣਕਾਰੀ ਦਿੱਤੀ ਕਿ ਕੋਰੋਨਾ ਟੀਕਾ  ਉਪਲੱਬਧ ਹੋਣ ਤੋਂ ਬਾਅਦ ਸੰਸਥਾ ਨੇ 100,000 ਤੋਂ ਵੱਧ ਟੀਕੇ ਲਗਾਏ ਹਨ ਜਦਕਿ ਅੰਕੜਿਆਂ ਅਨੁਸਾਰ ਮਿਸ਼ੀਗਨ ਨੇ ਲੱਗਭਗ 10 ਲੱਖ ਖੁਰਾਕਾਂ ਦਾ ਪ੍ਰਬੰਧਣ ਕੀਤਾ ਹੈ।