ਬਠਿੰਡਾ, 16 ਦਸੰਬਰ – ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਬਠਿੰਡਾ ਵੱਲੋਂ ਆਤਮਾ/ਸੀ.ਡੀ.ਪੀ. ਸਕੀਮ ਅਧੀਨ ਅਗਾਂਹਵਧੂ ਕਿਸਾਨ ਬੀਬੀਆਂ ਲਈ 17 ਦਸੰਬਰ ਤੱਕ ਚਲੱਣ ਵਾਲੀ ਤਿੰਨ ਰੋਜ਼ਾ ਬੇਕਿੰਗ ਤਕਨੀਕੀ ਸਿਖਲਾਈ ਦਾ ਉਦਘਾਟਨ ਮੁੱਖ ਖੇਤੀਬਾੜੀ ਅਫ਼ਸਰ ਡਾ. ਬਹਾਦਰ ਸਿੰਘ ਸਿੱਧੂ ਨੇ ਕੀਤਾ। ਇਹ ਟਰੇਨਿੰਗ ਇੰਡੀਅਨ ਇੰਸੀਚਿਊਟ ਆਫ਼ ਫ਼ੂਡ ਪ੍ਰੋਸੈਸਿੰਗ ਟੈਕਨਾਲੋਜ਼ੀ ਲੈਸਨ ਆਫ਼ਿਸ ਬਠਿੰਡਾ ਵਿਖੇ ਕਰਵਾਈ ਜਾ ਰਹੀ ਹੈ
ਇਸ ਸਿਖਲਾਈ ਪ੍ਰੋਗਰਾਮ ਦੌਰਾਨ ਮੁੱਖ ਖੇਤੀਬਾੜੀ ਅਫਸਰ ਨੇ ਕਿਸਾਨ ਬੀਬੀਆਂ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਖੇਤੀ ਦੇ ਨਾਲ-ਨਾਲ ਕਿਸਾਨ ਬੀਬੀਆਂ ਇਸ ਟਰੇਨਿੰਗ ਦਾ ਲਾਭ ਲੈ ਕੇ ਆਪਣ ਕਾਰੋਬਾਰ ਸ਼ੁਰੂ ਕਰਕੇ ਆਪਣੀ ਆਮਦਨ ਵਿੱਚ ਵਾਧਾ ਕਰ ਸਕਦੀਆਂ ਹਨ ਤੇ ਆਪਣਾ ਜੀਵਨ ਪੱਧਰ ਉਚਾ ਚੁੱਕ ਸਕਦੀਆਂ ਹਨ
ਸਿਖਲਾਈ ਪੋ੍ਰਗਰਾਮ ਦੀ ਸ਼ੁਰੂਆਤ ਮੌਕੇ ਇੰਚਾਰਜ (ਆਈ.ਆਈ.ਐਫ਼.ਪੀ.ਟੀ.) ਡਾ. ਬੀ. ਕੇ. ਯਾਦਵ, ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਭਾਰਤ ਸਰਕਾਰ ਵੱਲੋ ਸੈਲਫ ਹੈਲਪ ਗਰੁੱਪਾਂ ਤੇ ਅਗਾਂਹਵਧੂ ਕਿਸਾਨਾਂ ਲਈ ਆਪਣੀ ਆਮਦਨ ਵਿੱਚ ਵਾਧਾ ਕਰਨ ਤੇ ਆਤਮ-ਨਿਰਭਰ ਹੋਣ ਲਈ ਵੱਖ-ਵੱਖ ਤਰਾਂ ਦੀਆਂ ਟਰੇਨਿੰਗਾਂ ਦੇਣ ਲਈ ਪੂਰੇ ਦੇਸ਼ ਵਿੱਚ ਸਿਰਫ ਦੋ ਹੀ ਫੂਡ ਪ੍ਰੋਸੈਸਿੰਗ ਸਬੰਧੀ ਸੰਸਥਾਵਾਂ ਕੰਮ ਕਰ ਰਹੀਆਂ ਹਨ ਜੋ ਕਿ ਬਠਿੰਡਾ ਤੇ ਗੋਹਾਟੀ ਵਿਖੇ ਹਨ। ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦਿਆਂ ਸ਼੍ਰੀ ਯਾਦਵ ਨੇ ਕਿਹਾ ਕਿ ਇਸ ਟਰੇਨਿੰਗ ਦੌਰਾਨ ਕਿਸਾਨ ਬੀਬੀਆਂ ਨੂੰ ਬੇਕਰੀ ਉਤਪਾਦ ਜਿਵੇਂ ਕਿ ਬਰੈਡ, ਬਿਸਕੁਟ ਤੇ ਕੇਕ ਆਦਿ ਦੀ ਸਿਖਲਾਈ ਦਿੱਤੀ ਜਾਵੇਗੀ
ਇਸ ਪ੍ਰੋਗਰਾਮ ਮੌਕੇ ਜ਼ਿਲਾ ਸਿਖਲਾਈ ਅਫਸਰ, ਡਾ. ਹਰਨੇਕ ਸਿੰਘ ਰੋਡੇ, ਟਰੇਨਿੰਗ ਅਫਸਰ (ਮੇਲ) ਡਾ. ਕੰਵਲ ਕੁਮਾਰ ਜਿੰਦਲ, ਫੀਲਡ ਅਫਸਰ (ਅੰਕੜਾ) ਸ੍ਰੀ ਸੁਖਵੀਰ ਸਿੰਘ ਸੋਢੀ ਤੇ ਡੀ.ਪੀ.ਡੀ. (ਆਤਮਾ) ਸ੍ਰੀ ਨਰਿੰਦਰ ਸਿੰਘ ਗੋਦਾਂਰਾ ਤੋਂ ਇਲਾਵਾ ਸਹਾਇਕ ਪ੍ਰੋਫੈਸਰ (ਆਈ.ਆਈ.ਐਫ਼.ਪੀ.ਟੀ.) ਡਾ. ਪ੍ਰਤਿਭਾ ਸਿੰਘ ਨੇ ਸ਼ਮੂਲੀਅਤ ਕੀਤੀ।
