ਜਿਲ੍ਹਾ ਪੱਧਰੀ ਪੇਟਿੰਗ ਮੁਕਾਬਲੇ ਦਾ ਨਤੀਜਾ ਐਲਾਨਿਆਂ

ਫਾਜ਼ਿਲਕਾ 24 ਅਕਤੂਬਰ     ( ਸੁਰਿੰਦਜੀਤ ਸਿੰਘ) –   ਸਿੱਖਿਆ ਵਿਭਾਗ ਪੰਜਾਬ ਅਤੇ ਐਸ ਸੀ ਆਰ ਟੀ ਵੱਲੋਂ ਸ੍ਰੀ ਗੁਰੂ ਤੇਗ ਬਹਾਦੁਰ ਜੀ ਦੇ 400 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਕਰਵਾਏ ਜਾ ਰਹੇ ਆਨਲਾਈਨ ਵਿੱਦਿਅਕ ਮੁਕਾਬਲਿਆਂ ਦੀ ਲੜੀ ਵਿੱਚੋ ਜਿਲ੍ਹਾ ਪੱਧਰੀ ਪੇਟਿੰਗ ਮੁਕਾਬਲੇ ਦਾ ਸਟੇਟ ਵੱਲੋ ਭੇਜਿਆ ਨਤੀਜਾ ਜਿਲ੍ਹਾ ਸਿੱਖਿਆ ਅਫਸਰ ਐਲੀ. ਅਤੇ ਸਕੈਂ ਫਾਜਿਲਕਾ ਡਾ ਸੁਖਵੀਰ ਸਿੰਘ ਬੱਲ ਵੱਲੋ ਐਲਾਨਿਆਂ ਗਿਆ।
ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਨਤੀਜਿਆਂ ਵਿੱਚ ਸਰਕਾਰੀ ਪ੍ਰਾਇਮਰੀ ਸਕੂਲ ਬੂਰਵਾਲਾ ਬਲਾਕ ਗੁਰੂਹਰਸਹਾਏ 3 ਦੀ ਵਿਦਿਆਰਥਣ ਪਲਕ ਨੇ ਪਹਿਲਾ ਸਥਾਨ, ਸਪਸ ਫਤਿਹਗੜ੍ਹ ਬਲਾਕ ਜਲਾਲਾਬਾਦ 1 ਦੇ ਵਿਦਿਆਰਥੀ ਮਨਪ੍ਰੀਤ ਸਿੰਘ ਨੇ ਦੂਸਰਾ, ਸਪਸ ਸਿਟੀ ਸਕੂਲ ਫਾਜਿਲਕਾ ਬਲਾਕ ਫਾਜਿਲਕਾ 2 ਦੀ ਵਿਦਿਆਰਥਣ ਨੈਨਾ ਰਾਣੀ ਨੇ ਤੀਸਰਾ, ਸਪਸ ਬੱਲੂਆਣਾ ਬਲਾਕ ਅਬੋਹਰ 2 ਦੇ ਵਿਦਿਆਰਥਣ ਭਾਵਨਾ ਰਾਣੀ ਨੇ ਚੌਥਾ ਅਤੇ ਸਪਸ ਜਲਾਲਾਬਾਦ ਬਲਾਕ ਜਲਾਲਾਬਾਦ 1 ਦੀ ਵਿਦਿਆਰਥਣ ਸਾਂਚ ਨੇ ਪੰਜਵਾ ਸਥਾਨ ਪ੍ਰਾਪਤ ਕੀਤਾ।ਇਸ ਤਰ੍ਹਾਂ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੀ ਸ਼੍ਰੇਣੀ ਵਿੱਚੋਂ ਸਪਸ ਫਤਿਹਗੜ੍ਹ ਬਲਾਕ ਜਲਾਲਾਬਾਦ 1 ਦੇ ਵਿਦਿਆਰਥੀ ਕੁਲਦੀਪ ਸਿੰਘ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ।
ਡਾ. ਬੱਲ ਵੱਲੋ ਜੇਤੂ ਬੱਚਿਆਂ ਉਹਨਾਂ ਦੇ ਗਾਈਡ  ਅਧਿਆਪਕਾਂ, ਸਕੂਲ ਸਟਾਫ਼ ਅਤੇ ਮਾਪਿਆਂ ਨੂੰ ਵਧਾਈ ਦਿੰਦਿਆਂ ਸਟੇਟ ਪੱਧਰੀ ਮੁਕਾਬਲੇ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ।ਉਪ ਜਿਲ੍ਹਾ ਸਿੱਖਿਆ ਅਫਸਰ ਬ੍ਰਿਜ ਮੋਹਨ ਸਿੰਘ ਬੇਦੀ ਨੇ ਕਿਹਾ ਕਿ ਇਹ ਮੁਕਾਬਲੇ ਬੱਚਿਆਂ ਨੂੰ ਗੁਰੂ ਸਾਹਿਬ ਦੇ ਜੀਵਨ ਅਤੇ ਫਲਸਫੇ ਨੂੰ ਜਾਨਣ ਦਾ ਮੌਕਾ ਪ੍ਰਦਾਨ ਕਰ ਰਹੇ ਹਨ। ਜਿਲ੍ਹਾ ਨੋਡਲ ਅਫਸਰ ਵਿੱਦਿਅਕ ਮੁਕਾਬਲੇ (ਪ੍ਰਾਇਮਰੀ) ਸਵੀਕਾਰ ਗਾਂਧੀ ਨੇ ਕਿਹਾ ਕਿ ਇਨ੍ਹਾਂ ਮੁਕਾਬਲਿਆਂ ਦੇ ਸਫਲ ਸੰਚਾਲਨ ਲਈ ਜਿਲ੍ਹਾ ਸਿੱਖਿਆ ਪ੍ਰਸ਼ਾਸਨ, ਸਮੂਹ ਬਲਾਕਾ ਦੇ ਬੀਪੀਈਓ ਸਾਹਿਬਾਨ, ਸਮੂਹ ਬਲਾਕ ਨੋਡਲ ਅਫਸਰ ਵਿੱਦਿਅਕ ਮੁਕਾਬਲੇ , ਕਲਸਟਰ ਨੋਡਲ ਅਫ਼ਸਰ ਵਿੱਦਿਅਕ ਮੁਕਾਬਲੇ ,ਬੱਚੇ ਅਤੇ ਅਧਿਆਪਕ ਵਧਾਈ ਦੇ ਹੱਕਦਾਰ ਹਨ।
ਇਸ ਮੌਕੇ `ਤੇ ਪੜ੍ਹੋ ਪੰਜਾਬ ਪੜ੍ਹਾਓ ਪੰਜਾਬ ਜਿਲ੍ਹਾ ਕੋਆਰਡੀਨੇਟਰ ਰਾਜਿੰਦਰ ਕੁਮਾਰ, ਉਪ ਕੋਆਰਡੀਨੇਟਰ ਗੋਪਾਲ ਕ੍ਰਿਸ਼ਨ, ਬਲਾਕ ਕੋਆਰਡੀਨੇਟਰ ਫਾਜ਼ਿਲਕਾ  ਸੁਨੀਲ ਕੁਮਾਰ ਅਤੇ ਸਚਿਨ, ਜਿਲ੍ਹਾ ਮੀਡੀਆ ਕੋਆਰਡੀਨੇਟਰ ਇਨਕਲਾਬ ਗਿੱਲ ਅਤੇ ਜਿਲ੍ਹਾ ਸ਼ੋਸ਼ਲ ਮੀਡੀਆ ਕੋਆਰਡੀਨੇਟਰ ਸੰਦੀਪ ਗੁੰਬਰ ਮੌਜੂਦ ਸਨ।