ਡੇਰਾ ਬਾਬਾ ਨਾਨਕ, 27 ਅਗਸਤ – ਵੀਰਵਾਰ ਨੂੰ ਡੇਰਾ ਬਾਬਾ ਨਾਨਕ ਦੀ ਕੌਮਾਂਤਰੀ ਸਰਹੱਦ ‘ਤੇ ਬਣੇ ਕਰਤਾਰਪੁਰ ਕੋਰੀਡੋਰ ਦੀ ਜ਼ੀਰੋ ਲਾਈਨ ‘ਤੇ ਪਾਕਿਸਤਾਨ ਵਾਲੇ ਪਾਸੇ ਕਰਤਾਰਪੁਰ ਕੋਰੀਡੋਰ ਦਾ ਪੁਲ ਬਣਾਉਣ ਲਈ ਭਾਰਤ ਵੱਲੋਂ ਨੈਸ਼ਨਲ ਹਾਈਵੇ ਅਥਾਰਟੀ ਤੇ ਪਾਕਿਸਤਾਨ ਦੇ ਟੈਕਨੀਕਲ ਇੰਜੀਨੀਅਰਾਂ ਦੇ ਚਾਰ-ਚਾਰ ਮੈਂਬਰੀ ਵਫ਼ਦ ਵੱਲੋਂ ਪੁਲ ਦਾ ਸਰਵੇ ਕੀਤਾ ਗਿਆI ਇਸ ਮੌਕੇ ‘ਤੇ ਬੀਐਸਐਫ ਦੀ 185 ਬਟਾਲੀਅਨ ਇਸ ਵੱਲੋਂ ਸਖ਼ਤ ਪ੍ਰਬੰਧ ਕੀਤੇ ਹੋਏ ਸਨ । ਪੁਲ ਦੇ ਸਰਵੇ ਨੂੰ ਲੈ ਕੇ 11 ਵਜੇ ਸ਼ੁਰੂ ਹੋਈ ਮੀਟਿੰਗ ਜਿਸ ਵਿੱਚ ਪੁਲ ਦੀ ਸੈਂਟਰ ਲਾਈਨ ਦੇ ਸਰਵੇ, ਐੱਫਐੱਲਆਰ ਸਬੰਧ 12 ਵਜੇ ਤਕ ਗੱਲਬਾਤ ਚੱਲੀ।
ਇਸ ਮੌਕੇ ‘ਤੇ ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ ਵੱਲੋਂ ਵਾਈਸ ਪ੍ਰੈਜ਼ੀਡੈਂਟ ਜਤਿੰਦਰ ਸਿੰਘ ਅਤੇ ਪਾਕਿਸਤਾਨ ਵੱਲੋਂ ਐੱਮਡੀ ਮੁਰਾਦ ਨੌਸ਼ਾਦ ਤੇ ਉਨ੍ਹਾਂ ਦੇ ਤਿੰਨ ਅਸਿਸਟੈਂਟ ਵੀ ਸ਼ਾਮਲ ਸਨ। 1 ਘੰਟਾ ਦੋਵੇਂ ਦੇਸ਼ਾਂ ਦੇ ਅਧਿਕਾਰੀਆਂ ਦੀ ਚੱਲੀ ਮੀਟਿੰਗ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਹੋਇਆ ਨੈਸ਼ਨਲ ਹਾਈਵੇ ਅਥਾਰਟੀ ਆਫ ਇੰਡੀਆ ਦੇ ਅਧਿਕਾਰੀ ਜਤਿੰਦਰ ਸਿੰਘ ਨੇ ਗੱਲਬਾਤ ਕਰਦਿਆਂ ਅੱਜ ਸਰਹੱਦ ‘ਤੇ ਹੋਈ ਮੀਟਿੰਗ ਦਾ ਮੁੱਖ ਮਨੋਰਥ ਪਾਕਿਸਤਾਨ ਵਾਲੇ ਪਾਸੇ ਬਣਾਏ ਜਾਣ ਵਾਲੇ ਕਰਤਾਰਪੁਰ ਲਾਂਘੇ ਦੇ ਪੁਲ ਦਾ ਸਰਵਾ ਸੀ। ਉਨ੍ਹਾਂ ਦੱਸਿਆ ਕਿ ਇਸ ਮੌਕੇ ‘ਤੇ ਪਾਕਿਸਤਾਨ ਦੇ ਟੈਕਨੀਕਲ ਇੰਜੀਨੀਅਰਾਂ ਵੱਲੋਂ ਪਾਕਿਸਤਾਨ ਵਾਲੇ ਪਾਸੇ ਕਰਤਾਰਪੁਰ ਲਾਂਘੇ ਦੇ ਬਣਾਏ ਜਾਣ ਵਾਲੇ ਪੁਲ ਜਿਸ ਦੀ ਲੰਬਾਈ 260 ਮੀਟਰ ਦੇ ਕਰੀਬ ਹੈl ਉਨ੍ਹਾਂ ਕਿਹਾ ਕਿ ਨੈਸ਼ਨਲ ਹਾਈਵੇ ਅਥਾਰਟੀ ਆਫ ਇੰਡੀਆ ਵੱਲੋਂ ਭਾਰਤ-ਪਾਕਿਸਤਾਨ ਦੀ ਸਰਹੱਦ ‘ਤੇ ਜ਼ੀਰੋ ਲਾਈਨ ‘ਤੇ ਨਿਰਮਾਣ ਕੀਤੇ ਗਏ 100 ਮੀਟਰ ਲੰਬੇ ਪੁਲ ਇਸ ਸਬੰਧੀ ਪਾਕਿਸਤਾਨ ਨੂੰ ਐੱਫਆਰਐੱਲ ਦੇ ਦਸਤਾਵੇਜ਼ ਸਾਂਝੇ ਕੀਤੇ ਹਨ।