15, ਮਾਰਚ – ਪਵਿੱਤਰ ਧਰਤੀ ਸ੍ਰੀ ਮੁਕਤਸਰ ਸਾਹਿਬ ਤੋਂ ਇੱਕ ਬਹੁਤ ਹੀ ਸ਼ਰਮਸਾਰ ਖ਼ਬਰ ਸਾਹਮਣੇ ਆਈ ਹੈ, ਜਿੱਥੇ ਕਿ ਇੱਕ ਲੜਕੀ ਨੂੰ ਪ੍ਰੇਮੀ ਨੇ ਪ੍ਰੇਮ ਜਾਲ ‘ਚ ਫਸਾ ਲਿਆ ਤੇ ਉਸ ਨੂੰ ਮਿਲਣ ਲਈ ਬੁਲਾਇਆ। ਜਿਸ ਤੋਂ ਬਾਅਦ ਬੀਤੀ ਸੋਮਵਾਰ ਰਾਤ ਅੱਠ ਵਜੇ ਆਪਣੇ ਪ੍ਰੇਮੀ ਨੂੰ ਮਿਲਣ ਆਈ ਲੜਕੀ ਨਾਲ ਪ੍ਰੇਮੀ ਨੇ ਦੋਸਤਾਂ ਨਾਲ ਮਿਲ ਕੇ ਸਮੂਹਿਕ ਜਬਰ ਜਨਾਹ ਕੀਤਾ। ਜਬਰ-ਜਨਾਹ ਤੋਂ ਬਾਅਦ ਲੜਕੀ ਨੂੰ ਅਨਾਜ ਮੰਡੀ ਲੰਬੀ ਨੇੜੇ ਛੱਡ ਦਿੱਤਾ ਤੇ ਮੌਕੇ ਤੋਂ ਫ਼ਰਾਰ ਹੋ ਗਏ।
ਪੀੜਤਾ ਦੀ ਸ਼ਿਕਾਇਤ ’ਤੇ ਥਾਣਾ ਲੰਬੀ ਦੀ ਪੁਲਿਸ ਨੇ ਉਸ ਦੇ ਪ੍ਰੇਮੀ ਸਮੇਤ ਚਾਰ ਮੁਲਜ਼ਮਾਂ ਖ਼ਿਲਾਫ਼ ਜਬਰ ਜਨਾਹ ਸਮੇਤ ਹੋਰ ਧਾਰਾਵਾਂ ਤਹਿਤ ਕੇਸ ਦਰਜ ਕਰ ਲਿਆ ਹੈ। ਫਿਲਹਾਲ ਦੋਸ਼ੀ ਫਰਾਰ ਹਨ। ਤਿੰਨ ਦਿਨ ਪਹਿਲਾਂ 4 ਮਾਰਚ ਨੂੰ ਉਸ ਨੂੰ ਅਰਮਾਨ ਦਾ ਫੋਨ ਆਇਆ ਤੇ ਕਿਹਾ ਕਿ ਉਹ ਉਸ ਨੂੰ ਮਿਲਣਾ ਚਾਹੁੰਦਾ ਹੈ ਪਰ ਮੈਂ ਉਸ ਨੂੰ ਮਿਲਣ ਤੋਂ ਇਨਕਾਰ ਕਰ ਦਿੱਤਾ। ਜਿਸ ਤੋਂ ਬਾਅਦ ਅਰਮਾਨ ਨੇ ਉਸ ਨੂੰ ਧਮਕੀ ਦਿੱਤੀ ਕਿ ਜੇ ਉਹ ਉਸ ਨੂੰ ਮਿਲਣ ਨਾ ਆਈ ਤਾਂ ਉਹ ਉਸ ਨੂੰ ਬਦਨਾਮ ਕਰ ਦੇਵੇਗਾ। ਘਬਰਾ ਕੇ ਉਹ ਮਿਲਣ ਲਈ ਤਿਆਰ ਹੋ ਗਈ। ਅਰਮਾਨ ਨੇ ਉਸ ਨੂੰ ਲੰਬੀ ਬੱਸ ਸਟੈਂਡ ’ਤੇ ਆਉਣ ਲਈ ਕਿਹਾ। 4 ਮਾਰਚ ਨੂੰ ਉਹ ਰਾਤ 8 ਵਜੇ ਲੰਬੀ ਦੇ ਬੱਸ ਸਟੈਂਡ ਪਹੁੰਚੀ। ਜਿੱਥੇ ਇੱਕ ਕਾਲੇ ਰੰਗ ਦੀ ਕਾਰ ਉਸ ਦੇ ਨੇੜੇ ਆ ਕੇ ਰੁਕੀ ਜਿਸ ਦਾ ਨੰਬਰ ਉਹ ਨਹੀਂ ਦੇਖ ਸਕੀ। ਕਾਰ ਵਿਚ ਅਰਮਾਨ, ਦਿਲਬਾਗ ਸਿੰਘ ਅਤੇ ਦੋ ਅਣਪਛਾਤੇ ਨੌਜਵਾਨ ਸਨ। ਪੀੜਤਾ ਨੇ ਦੱਸਿਆ ਕਿ ਇਨ੍ਹਾਂ ਚਾਰ ਦੋਸਤਾਂ ਨੇ ਕਾਰ ‘ਚ ਹੀ ਉਸ ਨਾਲ ਜਬਰ ਜਿਨਾਹ ਕੀਤਾ।
ਐਸ.ਆਈ ਰਜਨੀ ਬਾਲਾ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਕਰਨ ਉਪਰੰਤ ਮੁਲਜ਼ਮ ਅਰਮਾਨ, ਦਿਲਬਾਗ ਸਿੰਘ ਤੇ ਦੋ ਅਣਪਛਾਤੇ ਮੁਲਜ਼ਮਾਂ ਖ਼ਿਲਾਫ਼ ਧਾਰਾ 376 (ਡੀ), 342,506 ਆਈਪੀਸੀ 6 ਪੋਕਸੋ ਐਕਟ ਤਹਿਤ ਕੇਸ ਦਰਜ ਕਰ ਲਿਆ ਤੇ ਮੁਲਜ਼ਮਾਂ ਦੀ ਭਾਲ ਜਾਰੀ ਹੈ।
