1 ਜਨਵਰੀ 2024- : ਇਕ ਪ੍ਰੈਸ ਨੋਟ ਜਾਰੀ ਕਰਦਿਆਂ ਕੇਂਦਰੀ ਗ੍ਰਹਿ ਮੰਤਰਾਲੇ ਵੱਲੋਂ ਸੂਚਨਾ ਦਿੱਤੀ ਗਈ ਹੈ ਕਿ ਪਾਬੰਦੀਸ਼ੁਦਾ ਖਾਲਿਸਤਾਨੀ ਆਰਗੇਨਾਈਜ਼ੇਸਨ (ਬੱਬਰ ਖਾਲਸਾ ਇਟਰਨੈਸ਼ਨਲ) ਨਾਲ ਸਬੰਧਤ ਗੋਲਡੀ ਬਰਾੜ ਨੂੰ ਭਾਰਤ ਸਰਕਾਰ ਵੱਲੋ. UAPA ਤਹਿਤ ਅੱਤਵਾਦੀ ਐਲਾਨ ਦਿੱਤਾ ਗਿਆ। ਦੱਸਣਾ ਬਣਦਾ ਹੈ ਕਿ ਗੋਲਡੀ ਬਰਾੜ ਭਾਰਤੀ ਖੁਫੀਆ ਏਜੰਸੀਆਂ ਦੇ ਰਾਡਾਰ ‘ਤੇ ਉਸ ਸਮੇ. ਆਇਆ ਸੀ ਜਦੋਂ ਉਸਨੇ ਮਈ 2022 ‘ਚ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲੇ ਦੇ ਕਤਲ ਦੀ ਜਿੰਮੇਵਾਰੀ ਲਈ ਸੀ। ਗੋਲਡੀ ਬਰਾੜ ਜਿਸਦਾ ਪੂਰਾ ਨਾਂ ਸਤਿੰਦਰਜੀਤ ਸਿੰਘ ਬਰਾੜ ਹੈ। ਫਰੀਦਕੋਟ ਜਿੱਲ੍ਹੇ ਦਾ ਜੰਮਪਲ ਹੈ ਤੇ ਅੱਜ ਕੱਲ੍ਹ ਉਹ ਸੂਤਰਾਂ ਮੁਤਾਬਕ ਕੈਨੇਡਾ ਤੋਂ ਬੈਠ ਕੇ ਫਿਰੌਤੀਆਂ ਤੇ ਧਮਕੀਆਂ ਦਾ ਸਿਲਸਿਲਾ ਜਾਰੀ ਰੱਖ ਰਿਹਾ ਹੈ। ਹਾਲ ਹੀ ‘ਚ ਕੈਨੇਡਾ ਵੱਲੋਂ BOLO ਤਹਿਤ 25 ਭਗੌੜਿਆਂ ਦੀ ਲਿਸ਼ਟ ਜਾਰੀ ਕੀਤੀ ਸੀ, ਜਿਸ ‘ਚੋਂ ਇਹ ਇਕ ਹੈ ਅਤੇ ਇਸਦੀ ਜਾਣਕਾਰੀ ਦੇਣ ਲਈ ਕੈਨੇਡੀਅਨ ਸਰਕਾਰ ਨੇ 50 ਹਜਾਰ ਡਾਲਰ ਦਾ ਇਨਾਮ ਵੀ ਰੱਖਿਆ ਹੋਇਆ ਹੈ।