ਬਠਿੰਡਾ, 14 ਸਤੰਬਰ (ਨਵਰੀਤ ਚੌਧਰੀ)-ਡਿਪਟੀ ਕਮਿਸ਼ਨਰ ਸ਼ੌਕਤ ਅਹਿਮਦ ਪਰੇ ਦੀ ਯੋਗ ਅਗਵਾਈ ਅਧੀਨ ਐਮ/ਐਸ ਜੀ.ਜੀ.ਐਲ (ਗੁਜਰਾਤ ਗੈਸ ਲਿਮਟਿਡ) ਦੀ ਘਰੇਲੂ ਪੀ.ਐਨ.ਜੀ ਗੈਸ (ਪ੍ਰੈਸ਼ਰਾਇਜਡ ਨੈਚੂਰਲ ਗੈਸ) ਪਾਇਪਲਾਈਨ ਰਿੰਗ ਰੋਡ ਨੇੜੇ ਮਾਤਾ ਵੈਸ਼ਨੋ ਦੇਵੀ ਮੰਦਰ, ਪਟੇਲ ਨਗਰ ਵਿਖੇ ਅਚਨਚੇਤ ਆਫ ਸਾਈਟ ਐਮਰਜੈਂਸੀ ਮੌਕ ਡਰਿੱਲ ਕੀਤੀ ਗਈ। ਇਸ ਮੌਕੇ ਡਰਿੱਲ ਵਿੱਚ ਪੀ.ਐਨ.ਜੀ ਪਾਇਪਲਾਈਨ ਵਿੱਚ ਲੀਕੇਜ਼ ਹੋਣ ਕਾਰਨ ਅੱਗ ਲੱਗਣ ਦਾ ਸਨੈਰਿਉ ਕੀਤਾ ਗਿਆ। ਇਸ ਦੌਰਾਨ ਜੀ.ਜੀ.ਐਲ ਮੈਨੇਜਮੈਟ ਸਥਿਤੀ ਨੂੰ ਕਾਬੂ ਕਰਨ ਵਿੱਚ ਅਸਫਲ ਰਹੀ ਅਤੇ ਉਨ੍ਹਾਂ ਨੇ ਜ਼ਿਲ੍ਹਾ ਪ੍ਰਸ਼ਾਸਨ ਦੀ ਸਹਾਇਤਾ ਲਈ ਕੰਟਰੋਲ ਰੂਮ ਵਿੱਚ ਫੋਨ ਕੀਤਾ । ਕੰਟਰੌਲ ਰੂਮ ਵਲੋਂ ਡਿਸਟਿਕ ਕਰਾਈਸਿਸ ਗਰੁੱਪ ਦੇ ਸਾਰੇ ਮੈਬਰਾਂ ਨੂੰ ਸੂਚਿਤ ਕੀਤਾ ਗਿਆ ਅਤੇ ਜਲਦੀ ਮੌਕੇ ‘ਤੇ ਰਿਪੋਰਟ ਕਰਨ ਲਈ ਕਿਹਾ ਗਿਆ। ਸਾਰੇ ਵਿਭਾਗਾਂ ਨੇ ਸਹੀ ਸਮੇਂ ‘ਤੇ ਰਿਪੋਰਟ ਕੀਤਾ।
ਇਸ ਮੌਕੇ ਵਧੀਕ ਡਿਪਟੀ ਕਮਿਸ਼ਨਰ ਬਠਿੰਡਾ ਮੈਡਮ ਮਨਦੀਪ ਕੌਰ ਅਤੇ ਡਿਪਟੀ ਡਾਇਰੈਕਟਰ ਆਫ ਫੈਕਟਰੀਜ ਬਠਿੰਡਾ ਵਿਸ਼ਾਲ ਸਿੰਗਲਾ ਵੱਲੋਂ ਐਮਰਜੈਂਸੀ ਕੰਟਰੋਲਰ ਦੀ ਡਿਊਟੀ ਨਿਭਾਈ ਗਈ ਅਤੇ ਉਨ੍ਹਾਂ ਦੇ ਦਿਸ਼ਾ-ਨਿਰਦੇਸ਼ਾ ਅਨੁਸਾਰ ਕੰਮ ਕਰਦੇ ਹੋਏ ਫਾਇਰ, ਪੁਲੀਸ ਵਿਭਾਗ, ਐਨ.ਡੀ.ਆਰ.ਐਫ ਸਿਵਲ ਡਿਫੈਂਸ ,ਡਿਸਟਿਕ ਕਰਾਈਸਿਸ ਗਰੁੱਪ ਦੇ ਹੋਰ ਮੈਂਬਰ ਅਤੇ ਐਚ.ਪੀ.ਸੀ.ਐਲ ਮੈਨੇਜਮੈਟ ਨੇ ਮਿਲ ਕੇ ਅੱਧੇ ਘੰਟੇ ਵਿੱਚ ਅੱਗ ‘ਤੇ ਕਾਬੂ ਪਾ ਲਿਆ। ਇਸ ਦੌਰਾਨ ਐਨ.ਡੀ.ਆਰ.ਐਫ ਟੀਮ ਵਲੋਂ ਖਤਰਨਾਕ ਏਰੀਏ ਵਿਚੋਂ 8 ਲੋਕਾਂ ਨੂੰ ਸੇਫਟੀ ਨਾਲ ਬਾਹਰ ਕੱਢ ਕੇ ਲਿਆਂਦਾ ਗਿਆ । ਬਾਅਦ ਵਿੱਚ ਸਾਰੀਆਂ ਟੀਮਾਂ ਦੇ ਮੁੱਖੀਆਂ ਵਲੋਂ ਆਪਣੇ ਵਲੋਂ ਕੀਤੇ ਕੰਮ ਬਾਰੇ ਸੰਖੇਪ ਵਿੱਚ ਦੱਸਿਆ ਗਿਆ। ਸਾਰੀਆਂ ਟੀਮਾਂ ਨੇ ਆਪਣਾ ਕੰਮ ਬੇਹਤਰ ਤਰੀਕੇ ਨਾਲ ਕੀਤਾ।
