ਫ਼ਾਜ਼ਿਲਕਾ 17 ਜੁਲਾਈ (ਰਿਤਿਸ਼ ਕੁੱਕੜ): ਫ਼ਾਜ਼ਿਲਕਾ ਦੇ ਵਿੱਚ ਕਾਨੂੰਨ ਵਿਵਸਥਾ ਦੀ ਸਥਿਤੀ ਨੂੰ ਛਿੱਕੇ ਟੰਗ ਕੇ ਚੋਰਾਂ ਵੱਲੋਂ ਆਏ ਦਿਨ ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਜਾ ਰਿਹਾ ਹੈ। ਚੋਰਾ ਵਲੋ ਥਾਣਾ ਸਦਰ ਪੁਲੀਸ ਸਟੇਸ਼ਨ ਤੋਂ 500 ਮੀਟਰ ਦੂਰੀ ਤੇ ਅਬੋਹਰ ਰੋਡ ਤੇ ਸਥਿਤ ਪਾਕਪਟਨਿਆ ਹਲਵਾਈ ਦੀ ਦੁਕਾਨ ਤੇ ਹੋਈ ਅਤੇ ਦੂਸਰੀ ਵਾਰਦਾਤ ਗਊਸ਼ਾਲਾ ਰੋਡ ਤੇ ਸਥਿਤ ਡਾਕਟਰ ਠੱਕਰ ਦੇ ਕਲੀਨਿਕ ਤੇ ਹੋਈ।
ਜਾਣਕਾਰੀ ਦਿੰਦੇ ਹੋਏ ਪਾਕਪਟਨਿਆਂ ਦੀ ਦੁਕਾਨ ਦੇ ਸੰਚਾਲਕ ਦੀਪਕ ਗ੍ਰੋਵਰ (ਸੋਨੂੰ) ਨੇ ਦੱਸਿਆ ਕਿ ਜਦੋਂ ਸਵੇਰੇ ਦੁਕਾਨ ਤੇ ਆਏ ਤਾਂ ਦੋਵੇਂ ਤਾਲੇ ਟੁੱਟੇ ਹੋਏ ਸਨ। ਉਨ੍ਹਾਂ ਵੱਲੋਂ ਦੁਕਾਨ ਦੇ ਅੰਦਰ ਜਾ ਕੇ ਦੇਖਿਆ ਤਾਂ ਦੁਕਾਨ ਦੇ ਅੰਦਰ ਗਲ਼ੇ ਵਿਚੋਂ ਪੈਸੇ, ਮੋਬਾਈਲ , ਡੀ ਵੀ ਆਰ ਅਤੇ ਮੰਦਰ ਦੀ ਗੁਲਕ ਅਤੇ ਕੀਮਤੀ ਸਮਾਨ ਗ਼ਾਇਬ ਸੀ। ਇਹ ਸਾਰੇ ਚੋਰੀ ਹੋਏ ਸਾਮਾਨ ਦੀ ਕੀਮਤ ਲਗਭਗ 40 ਤੋਂ 50 ਹਜ਼ਾਰ ਰੁਪਏ ਹੈ। ਉਨ੍ਹਾਂ ਵੱਲੋਂ ਪੁਲਿਸ ਨੂੰ ਸੂਚਨਾ ਦੇ ਦਿੱਤੀ ਗਈ ਹੈ । ਫ਼ਾਜ਼ਿਲਕਾ ਦੇ ਵਿੱਚ ਆਏ ਦਿਨ ਚੋਰੀ ਦੀਆਂ ਵਾਰਦਾਤਾਂ ਵੱਧ ਰਹੀਆਂ ਹਨ, ਜਿਸ ਨਾਲ ਵਪਾਰੀਆਂ ਅਤੇ ਆਮ ਲੋਕਾਂ ਵਿੱਚ ਡਰ ਦਾ ਮਾਹੌਲ ਬਣਿਆ ਹੋਇਆ ਹੈ। ਕਿਉਂਕਿ ਆਏ ਦਿਨ ਸ਼ਰਾਰਤੀ ਅਨਸਰਾਂ ਵੱਲੋਂ ਚੋਰੀ ਦੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਜਾ ਰਿਹਾ ਹੈ। ਦਿਨੋ ਦਿਨ ਫਾਜ਼ਿਲਕਾ ਚ ਵਹੀਕਲ ਚੋਰੀ, ਘਰਾਂ ਜਾਂ ਦੁਕਾਨਾਂ ਤੇ ਚੋਰੀ ਦੀਆਂ ਵਾਰਦਾਤਾਂ ਵੱਧ ਰਹੀਆਂ ਹਨ । ਲੋੜ ਹੈ ਪੁਲਿਸ ਇਨ੍ਹਾਂ ਸ਼ਰਾਰਤੀ ਅਨਸਰਾਂ ਵਿਰੁੱਧ ਸਖ਼ਤੀ ਦਾ ਰੁੱਖ ਅਪਣਾਵੇ ਤਾਂ ਕਿ ਲੋਕ ਆਪਣੇ ਘਰਾਂ ਵਿੱਚ ਸਕੂਨ ਨਾਲ ਰਹਿ ਸਕਣ।