22 ਮਾਰਚ 2023-ਇਨ੍ਹੀਂ ਦਿਨੀਂ ਇਕ ਅਨੋਖਾ ਵਿਆਹ ਕਰਨਾਲ ਜਾਂ ਹਰਿਆਣਾ ਚ ਹੀ ਨਹੀਂ ਸਗੋਂ ਪੂਰੇ ਦੇਸ਼ ਚ ਸੁਰਖੀਆਂ ਬਟੋਰ ਰਿਹਾ ਹੈ। ਤੁਸੀਂ ਹੁਣ ਤੱਕ ਆਨਲਾਈਨ ਮੀਟਿੰਗਾਂ ਜਾਂ ਰੈਲੀਆਂ ਬਾਰੇ ਤਾਂ ਸੁਣਿਆ ਹੀ ਹੋਵੇਗਾ ,ਪਰ ਇਸ ਤਕਨੀਕ ਨਾਲ ਕਰਨਾਲ ਦੇ ਇਕ ਪਰਿਵਾਰ ਨੇ ਬਹੁਤ ਧੂਮ-ਧਾਮ ਨਾਲ ਵਿਆਹ ਕੀਤਾ ਅਤੇ ਹਰ ਪਾਸੇ ਇਸ ਦੀ ਚਰਚਾ ਸ਼ੁਰੂ ਹੋ ਗਈ।ਕਰਨਾਲ ਵਿਚ ਹੋਏ ਇਸ ਵਿਆਹ ‘ਚ ਨਾ ਤਾਂ ਲਾੜਾ ਅਤੇ ਨਾ ਹੀ ਲਾੜੀ ਮੌਜੂਦ ਸੀ। ਲਾੜਾ ਅਤੇ ਲਾੜਾ ਦੋਵੇਂ ਸੱਤ ਸਮੁੰਦਰ ਪਾਰ ਅਮਰੀਕਾ ਵਿਚ ਫੇਰੇ ਲਏ। ਇੱਥੇ ਸੋਨੀਪਤ ਤੋਂ ਕਰਨਾਲ ਬਰਾਤ ਪਹੁੰਚੀ ਅਤੇ ਇੱਥੇ ਅਮਰੀਕਾ ਤੋਂ ਹਰ ਚੀਜ਼ ਟੀਵੀ ਸਕ੍ਰੀਨ ‘ਤੇ ਲਾਈਵ ਜੁੜੀ ਸੀ।ਅਸਲ ਵਿੱਚ ਦੋਵੇਂ ਮੁੰਡਾ-ਕੁੜੀ ਅਮਰੀਕਾ ਵਿੱਚ ਰਹਿ ਰਹੇ ਹਨ। ਮੁੰਡਾ ਅਤੇ ਕੁੜੀ ਦੋਵੇਂ ਉਥੇ ਆਪਣੀ ਕੰਪਨੀ ਖੋਲ੍ਹ ਕੇ ਬਿਜ਼ਨੈੱਸ ਕਰ ਰਹੇ ਹਨ। ਇਸ ਦੌਰਾਨ ਉਹ ਇੱਕ-ਦੂਜੇ ਨੂੰ ਪਸੰਦ ਕਰਨ ਲੱਗੇ ਤਾਂ ਉਨ੍ਹਾਂ ਨੇ ਭਾਰਤ ਵਿੱਚ ਆਪਣੇ ਘਰਦਿਆਂ ਨਾਲ ਵਿਆਹ ਦੀ ਗੱਲ ਕੀਤੀ ਤਾਂ ਉਹ ਇਸ ਰਿਸ਼ਤੇ ਲਈ ਰਾਜ਼ੀ ਹੋ ਗਏ ਤੇ ਉਨ੍ਹਾਂ ਨੇ ਉਥੇ ਹੀ ਵਿਆਹ ਕਰਨ ਦਾ ਫੈਸਲਾ ਕੀਤਾ। ਇਸ ਮਗਰੋਂ ਉਨ੍ਹਾਂ ਦਾ ਅਮਰੀਕਾ ਵਿੱਚ ਹੀ ਵਿਆਹ ਹੋ ਰਿਹਾ ਸੀ, ਜਦੋਂਕਿ ਸੱਤ ਸਮੁੰਦਰ ਪਾਰ ਭਾਰਤ ਚ ਉਨ੍ਹਾਂ ਦੇ ਵਿਆਹ ਦੀਆਂ ਰਸਮਾਂ ਚੱਲ ਰਹੀਆਂ ਸਨ। ਜਿੱਥੇ ਮੁੰਡੇ ਵਾਲੇ ਕੁੜੀ ਦੇ ਘਰ ਬਾਰਾਤ ਲੈ ਕੇ ਪਹੁੰਚੇ। ਇਸ ਅਨੋਖੇ ਵਿਆਹ ਵਿੱਚ ਮੁੰਡਾ-ਕੁੜੀ ਆਨਲਾਈਨ ਬਰਾਤੀਆਂ ਤੇ ਘਰਾਤੀਆਂ ਨੂੰ ਦੇਖ ਕੇ ਵਿਆਹ ਦੀਆਂ ਸਾਰੀਆਂ ਰਸਮਾਂ ਪੂਰੀਆਂ ਕਰ ਰਹੇ ਸਨ।ਦੱਸ ਦਈਏ ਕਿ ਕਰਨਾਲ ਦੀ ਰਹਿਣ ਵਾਲੀ ਆਸ਼ੂ ਅਤੇ ਸੋਨੀਪਤ ਦੇ ਰਹਿਣ ਵਾਲੇ ਅਮਿਤ ਦਾ ਵਿਆਹ ਸੀ। ਦੋਵਾਂ ਨੇ ਹਰਿਆਣਵੀ ਰੀਤੀ-ਰਿਵਾਜਾਂ ਨੂੰ ਜਿਉਂਦਾ ਰੱਖ ਕੇ ਟੈਕਨਾਲੋਜੀ ਅਪਣਾ ਕੇ ਵਿਆਹ ਕਰਵਾਇਆ।