13 ਮਾਰਚ, 2023: ਭਾਰਤ ਨੇ ਇਕ ਵਾਰ ਫਿਰ ਤੋਂ ਇਤਿਹਾਸ ਸਿਰਜ ਦਿੱਤਾ ਹੈ। ਅਨੇਕਾਂ ਭਾਰਤੀਆਂ ਦਾ ਸੁਫਨਾ ਸੱਚ ਹੋਇਆ ਹੈ। ਟੀਮ ’ਆਰ ਆਰ ਆਰ’ ਨੇ ਦੇਸ਼ ਦਾ ਨਾਂ ਰੋਸ਼ਨ ਕੀਤਾ ਹੈ। ਫਿਲਮ ਦੇ ਗੀਤ ’ਨਾਟੂ ਨਾਟੂ’ ਨੂੰ ’ਓਰੀਜਨਲ ਸੋਂਗ’ ਦਾ ਆਸਕਰ ਐਵਾਰਡ ਮਿਲਿਆ ਹੈ। ਵੱਡੀ ਗੱਲ ਇਹ ਹੈ ਕਿ ਇਸ ਲਈ ਰਿਹਾਨਾ ਤੇ ਲੇਡੀ ਗਾਗਾ ਵਰਗੇ ਵੱਡੇ ਨਾਵਾਂ ਨੂੰ ਪਛਾੜ ਕੇ ਇਹ ਐਵਾਰਡ ਜਿੱਤਿਆ ਗਿਆ ਹੈ।ਭਾਰਤ ਨੂੰ ਇਹ ਪੁਰਸਕਾਰ 15 ਸਾਲਾਂ ਬਾਅਦ ਮਿਲਿਆ ਹੈ। ਇਸ ਸਾਲ ਭਾਰਤ ਨੂੰ ਕੁਲ 2 ਆਸਕਰ ਐਵਾਰਡ ਮਿਲੇ ਹਨ।
ਦੱਸ ਦੇਈਏ ਕਿ ‘ਨਾਟੂ-ਨਾਟੂ’ ਆਸਕਰ ‘ਚ ਜਾਣ ਵਾਲਾ ਪਹਿਲਾ ਅਜਿਹਾ ਗੀਤ ਹੈ ਜੋ ਕਿਸੇ ਹਿੰਦੀ ਫਿਲਮ ਦਾ ਹੈ। ਗੀਤ ਨੂੰ ਜੂਨੀਅਰ ਐਨਟੀਆਰ ਅਤੇ ਰਾਮਚਰਨ ‘ਤੇ ਪਿਕਚਰ ਕੀਤਾ ਗਿਆ ਸੀ, ਜਿਸਦਾ ਹੁੱਕ ਸਟੈਪ ਕੋਰੀਓਗ੍ਰਾਫਰ ਪ੍ਰੇਮ ਰਕਸ਼ਿਤ ਦੁਆਰਾ ਬਣਾਇਆ ਗਿਆ ਸੀ। ਇਸ ਗੀਤ ਨੂੰ ਪਹਿਲਾਂ ਹੀ ਗੋਲਡਨ ਗਲੋਬ ਮਿਲ ਚੁੱਕਾ ਹੈ। ਇਹ ਗੋਲਡਨ ਗਲੋਬ ਜਿੱਤਣ ਵਾਲਾ ਪਹਿਲਾ ਭਾਰਤੀ ਅਤੇ ਏਸ਼ੀਆਈ ਗੀਤ ਵੀ ਹੈ।ਇਸ ਗੀਤ ਨੂੰ ਬਣਾਉਣ ਅਤੇ ਬਣਨ ਦੀ ਕਹਾਣੀ ਬਹੁਤ ਦਿਲਚਸਪ ਹੈ। ਫਿਲਮ ਦਾ ਗੀਤ ਨਾਟੂ ਨਾਟੂ ਦੋਸਤੀ ‘ਤੇ ਆਧਾਰਿਤ ਹੈ। ਇਸ ਗੀਤ ਨੂੰ ਬਣਾਉਣ ‘ਚ 19 ਮਹੀਨੇ ਲੱਗੇ ਹਨ।