*ਸੱਚੀ ਪ੍ਰੀਤ*
ਅੰਦਰ ਉੱਤਰ ਕੇ ਵੇਖ ਖਾਂ ਬਰੀਕ ਤੂੰ
ਵੇਖ ਰੱਬ ਨਾਲ ਕਰਕੇ ਪ੍ਰੀਤ ਨੂੰ
ਕਰ ਬੇਨਤੀ ਭਲਾ ਹੋਵੇ ਸਭ ਦਾ
ਕਰੇ ਈਰਖਾ ਤਾਂ ਕਿਤੇ ਨਹੀਂ ਫਬਦਾ
ਲਾ ਮੱਲਮ ਤੂੰ ਕਿਸੇ ਦੀ ਝਰੀਟ ਨੂੰ
ਵੇਖ ਰੱਬ ਨਾਲ ਕਰਕੇ ਪ੍ਰੀਤ ਨੂੰ
ਕਰੇ ਉਪਕਾਰ ਕਿਸੇ ਦੇ ਭੁਲਾਵੀਂ ਨਾਂ
ਸੁੱਚੇ ਹਿਰਦੇ ਤੇ ਮੈਲ ਨੂੰ ਚੜਾਵੀ ਨਾਂ
ਖਿੱਚ ਲਵੀਂ ਨਾਂ ਇਕੱਲਾ ਐਵੇਂ ਲੀਕ ਨੂੰ
ਵੇਖ ਰੱਬ ਨਾਲ ਕਰਕੇ ਪ੍ਰੀਤ ਨੂੰ*
ਚੰਗੀ ਸੋਚ ਰੱਖ ਦਯਾ ਉਪਕਾਰ ਦੀ
ਪੜ੍ਹ ਬਾਣੀ ਨਿੱਤ ਜੀਵਨ ਸੰਵਾਰਦੀ
ਸੁਣ ਮਿੱਠੇ ਜਿਹੇ ਨਿੱਤ ਹੀ ਸੰਗੀਤ ਨੂੰ
ਵੇਖ ਰੱਬ ਨਾਲ ਕਰਕੇ ਪ੍ਰੀਤ ਨੂੰ*
ਰਹੀਂ ਦੁਖੜੇ ਵੰਡਾਉਂਦਾ ਤੂੰ ਗਰੀਬ ਦੇ
ਦੇਵੀ ਬਦਲ ਤੂੰ ਵਰਕੇ ਨਸੀਬ ਦੇ
ਦੇਕੇ ਹੱਥੋਂਕੁੱਝ ਨਿਭਾਈ ਚੰਗੀ ਰੀਤ ਨੂੰ
ਵੇਖ ਰੱਬ ਨਾਲ ਕਰਕੇ ਪ੍ਰੀਤ ਨੂੰ