ਸੋਲਨ, 20 ਜੂਨ – ਹਿਮਾਚਲ ਪ੍ਰਦੇਸ਼ ਦੇ ਸੋਲਨ ਜ਼ਿਲ੍ਹੇ ਤੋਂ ਵੱਡੀ ਖ਼ਬਰ ਹੈ। ਇੱਥੇ ਟਿੰਬਰ ਟਰੇਲ ਰੋਪਵੇਅ ‘ਤੇ ਕੇਬਲ ਕਾਰ ‘ਚ ਅੱਠ ਲੋਕ ਫਸ ਗਏ ਹਨ। ਇਨ੍ਹਾਂ ਲੋਕਾਂ ਨੂੰ ਬਚਾਉਣ ਲਈ ਬਚਾਅ ਮੁਹਿੰਮ ਸ਼ੁਰੂ ਕਰ ਦਿੱਤੀ ਗਈ ਹੈ। ਫਸੇ ਸਾਰੇ ਲੋਕ ਸੈਲਾਨੀ ਹਨ, ਜਿਨ੍ਹਾਂ ਵਿਚ ਕੁਝ ਔਰਤਾਂ ਵੀ ਸ਼ਾਮਲ ਹਨ।
ਇਸ ਦੇ ਨਾਲ ਹੀ ਸੋਲਨ ਤੋਂ ਕਾਂਗਰਸੀ ਵਿਧਾਇਕ ਕਰਨਲ ਧਨੀ ਰਾਮ ਸ਼ਾਂਡਿਲ ਨੇ ਦੱਸਿਆ ਕਿ ਡੀਸੀ ਨਾਲ ਗੱਲਬਾਤ ਹੋ ਚੁੱਕੀ ਹੈ। ਸ਼ਾਂਡਿਲ ਨੇ ਕਿਹਾ ਕਿ ਜਲਦੀ ਹੀ ਸਾਰਿਆਂ ਨੂੰ ਬਾਹਰ ਕੱਢਿਆ ਜਾਵੇਗਾ ਅਤੇ ਫੌਜ ਦੀ ਮਦਦ ਲਈ ਜਾਵੇਗੀ। ਦੱਸਿਆ ਜਾ ਰਿਹਾ ਹੈ ਕਿ ਤਕਨੀਕੀ ਖਰਾਬੀ ਕਾਰਨ ਇਹ ਕੇਬਲ ਕਾਰ ਰਸਤੇ ਦੇ ਵਿਚਕਾਰ ਹੀ ਫਸ ਗਈ ਅਤੇ ਇਸ ਕਾਰਨ ਇਹ ਸਮੱਸਿਆ ਆਈ।
ਸੋਲਨ ਜ਼ਿਲ੍ਹੇ ਦੇ ਐਸਪੀ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਬਚਾਉਣ ਲਈ ਇੱਕ ਹੋਰ ਕੇਬਲ ਕਾਰ ਟਰਾਲੀ ਤਾਇਨਾਤ ਕੀਤੀ ਗਈ ਹੈ। “ਟਿੰਬਰ ਟ੍ਰੇਲ ਆਪਰੇਟਰ ਦੀ ਤਕਨੀਕੀ ਟੀਮ ਤਾਇਨਾਤ ਹੈ ਅਤੇ ਪੁਲਿਸ ਟੀਮ ਸਥਿਤੀ ਦੀ ਨਿਗਰਾਨੀ ਕਰ ਰਹੀ ਹੈ।
