ਹਮੀਰਪੁਰ, 18 ਅਪ੍ਰੈਲ – ਉੱਤਰ ਪ੍ਰਦੇਸ਼ ਦੇ ਹਮੀਰਪੁਰ ਜ਼ਿਲ੍ਹੇ ਵਿੱਚ ਐਤਵਾਰ ਦੇਰ ਰਾਤ ਇੱਕ ਵਿਆਹ ਸਮਾਗਮ ਦੌਰਾਨ ਇੱਕ ਬਹੁਤ ਹੀ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਹਮੀਰਪੁਰ ਜ਼ਿਲੇ ਦੇ ਲਾਲਪੁਰਾ ਥਾਣਾ ਖੇਤਰ ਦੇ ਪਿੰਡ ਸਵਾਸਾ ਬੁਜਗਰ ਨਿਵਾਸੀ ਮਨੋਹਰ ਅਹੀਰਵਰ ਦੀ ਬੇਟੀ ਰੀਨਾ ਦਾ ਵਿਆਹ ਜਾਲੌਨ ਜ਼ਿਲੇ ਦੇ ਅੱਟਾ ਥਾਣਾ ਖੇਤਰ ਦੇ ਚਮਰੀ ਪਿੰਡ ਦੇ ਨਿਵਾਸੀ ਰਵਿਕਾਂਤ ਅਹੀਰਵਰ ਨਾਲ ਹੋਣਾ ਸੀ। ਇਸ ਦੌਰਾਨ ਜੈਮਾਲਾ ਦੌਰਾਨ ਲਾੜੀ ਨੇ ਅਚਾਨਕ ਗੁੱਸੇ ‘ਚ ਆ ਕੇ ਲਾੜੇ ਦੇ ਥੱਪੜ ਜੜ ਦਿੱਤਾ। ਦੂਜੇ ਪਾਸੇ ਜਦੋਂ ਮਾਮਲਾ ਵਿਗੜਦਾ ਗਿਆ ਤਾਂ ਦੋਵਾਂ ਧਿਰਾਂ ਵਿਚਾਲੇ ਜ਼ਬਰਦਸਤ ਲੜਾਈ ਸ਼ੁਰੂ ਹੋ ਗਈ।
ਜਾਣਕਾਰੀ ਮੁਤਾਬਕ 17 ਅਪ੍ਰੈਲ ਨੂੰ ਲਾੜਾ ਰਵਿਕਾਂਤ ਅਹੀਰਵਰ ਬਾਰਾਤ ਲੈ ਕੇ ਹਮੀਰਪੁਰ ਦੇ ਪੁਰਾਣੇ ਪਿੰਡ ਸਵਾਸ ‘ਚ ਆਇਆ ਸੀ। ਵਿਆਹ ਦੀਆਂ ਸਾਰੀਆਂ ਰਸਮਾਂ ਚੱਲ ਰਹੀਆਂ ਸਨ ਅਤੇ ਜਦੋਂ ਜੈਮਾਲਾ ਦਾ ਸਮਾਂ ਆਇਆ ਤਾਂ ਜਿਵੇਂ ਹੀ ਲਾੜੇ ਨੇ ਲਾੜੀ ਦੇ ਜੈਮਾਲਾ ਨੂੰ ਪਹਿਨਾਇਆ ਤਾਂ ਲਾੜੀ ਦਾ ਗੁੱਸਾ ਸੱਤਵੇਂ ਅਸਮਾਨ ‘ਤੇ ਚੜ੍ਹ ਗਿਆ। ਜੈਮਾਲਾ ਨੂੰ ਸੁੱਟ ਕੇ ਉਸ ਨੇ ਲਾੜੇ ਨੂੰ ਥੱਪੜ ਮਾਰ ਦਿੱਤਾ ਅਤੇ ਸਟੇਜ ਤੋਂ ਚਲੀ ਗਈ। ਫਿਰ ਦੋਵੇਂ ਪਾਸੇ ਲੜਾਈ ਸ਼ੁਰੂ ਹੋ ਗਈ ਅਤੇ ਕਈ ਲੋਕ ਜ਼ਖਮੀ ਵੀ ਹੋ ਗਏ। ਸੂਚਨਾ ‘ਤੇ ਪਹੁੰਚੀ ਪੁਲਸ ਨੇ ਕਿਸੇ ਤਰ੍ਹਾਂ ਸਮਝੌਤਾ ਕਰਵਾ ਲਿਆ ਅਤੇ ਹੁਣ ਫਿਰ ਵਿਆਹ ਸ਼ੁਰੂ ਹੋ ਗਿਆ ਹੈ।