ਬਠਿੰਡਾ, 21 ਅਕਤੂਬਰ – ਅਜੀਤ ਰੋਡ ਤੇ ਅੱਜ ਉਸ ਸਮੇਂ ਦਹਿਸ਼ਤ ਫੈਲ ਗਈ ਜਦੋਂ ਗਲੀ ਨੰਬਰ 6 ‘ਚ ਕੁਝ ਨੌਜਵਾਨਾਂ ‘ਚ ਹੋਈ ਲੜਾਈ ‘ਚ ਗੋਲੀ ਚੱਲ ਗਈ। ਇਸ ਫਾਇਰਿੰਗ ਨਾਲ ਇੱਕ ਨੌਜਵਾਨ ਹਸਨ ਸਿੰਘ ਵਾਸੀ ਮਹਿਮਾ ਭਗਵਾਨਾ ਦੀ ਮੌਤ ਹੋ ਗਈ ਅਤੇ ਇੱਕ ਹੋਰ ਨੌਜਵਾਨ ਬੂਟਾ ਸਿੰਘ ਵਾਸੀ ਜੰਡਾਂ ਵਾਲਾ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਿਆ।ਗੰਭੀਰ ਰੂਪ ‘ਚ ਜ਼ਖਮੀ ਨੌਜਵਾਨ ਨੂੰ ਬਠਿੰਡਾ ਦੇ ਸਿਵਲ ਹਸਪਤਾਲ ‘ਚ ਇਲਾਜ ਲਈ ਪਹੁੰਚਾਇਆ ਗਿਆ। ਇੱਕ ਰਾਹਗੀਰ ਵੀ ਇਸ ਲੜਾਈ ਵਿੱਚ ਸੱਰ੍ਹਾ ਲੱਗਣ ਨਾਲ ਜਖ਼ਮੀ ਹੋ ਗਿਆ। ਹਮਲਾਵਰ ਮੌਕੇ ਤੋਂ ਫਰਾਰ ਹੋਣ ਵਿੱਚ ਸਫ਼ਲ ਹੋ ਗਏ।
ਐਸ ਪੀ ਸਿਟੀ ਅਤੇ ਐਸ ਪੀ ਹੈਡਕੁਆਟਰ ਮੌਕੇ ਤੇ ਪਹੁੰਚੇ। ਪੁਲਿਸ ਵੱਲੋਂ ਪੜਤਾਲ ਸੁਰੂ ਕਰ ਦਿੱਤੀ ਗਈ ਹੈ, ਦੋਸ਼ੀਆਂ ਨੂੰ ਕਾਬੂ ਕਰਨ ਲਈ ਨਾਕਾਬੰਦੀ ਕੀਤੀ ਜਾ ਰਹੀ ਹੈ। ਲੜਾਈ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ।