ਬਠਿੰਡਾ ‘ਚ ਆਧੁਨਿਕ ਲੈਬੋਰੈਟਰੀ ਦਾ ਉਦਘਾਟਨ, ਪੀਣ ਵਾਲੇ ਪਾਣੀ ਦੀ ਹੋਵਗੀ ਮੁਫਤ ਟੈਸਟਿੰਗ

ਬਠਿੰਡਾ, 6 ਅਕਤੂਬਰ -ਚੀਫ ਇੰਜੀਨੀਅਰ ਸ੍ਰੀ ਹਰਸਤਿੰਦਰਪਾਲ ਸਿੰਘ ਢਿੱਲੋਂ ਵੱਲੋਂ ਆਧੁਨਿਕ ਲੈਬੋਰੈਟਰੀ ਦਾ ਉਦਘਾਟਨ ਕੀਤਾ ਗਿਆ। 10 ਲੱਖ ਦੀ ਲਾਗਤ ਨਾਲ ਪੁਨਰ-ਨਿਰਮਾਣ ਕੀਤੀ ਇਹ ਲੈਬੋਰੈਟਰੀ ਹੈੱਡ ਵਾਟਰ ਵਰਕਸ ਭਾਗੂ ਰੋਡ ਬਠਿੰਡਾ ਵਿਖੇ ਸਥਾਪਿਤ ਕੀਤੀ ਗਈ ਹੈ। ਇਸ ਜ਼ਿਲਾ ਪੱਧਰੀ ਲੈਬੋਰੈਟਰੀ ਤੋਂ ਪੇਂਡੂ ਅਤੇ ਸ਼ਹਿਰੀ ਖੇਤਰ ਤੋਂ ਕੋਈ ਵੀ ਵਿਅਕਤੀ ਪੀਣ ਵਾਲੇ ਪਾਣੀ ਦੀ ਮੁਫਤ ਟੈਸਟਿੰਗ ਕਰਵਾ ਕੇ ਪਤਾ ਲਗਵਾ ਸਕਦਾ ਹੈ ਕਿ ਪਾਣੀ ਪੀਣਯੋਗ ਹੈ ਜਾਂ ਨਹੀਂ।
ਇਸ ਮੌਕੇ ਚੀਫ ਇੰਜੀਨੀਅਰ ਸ੍ਰੀ ਹਰਸਤਿੰਦਰਪਾਲ ਸਿੰਘ ਢਿੱਲੋਂ ਨੇ ਆਮ ਲੋਕਾਂ ਨੂੰ ਅਪੀਲ ਕੀਤੀ ਕਿ ਇਸ ਲੈਬੋਰੈਟਰੀ ਤੋਂ ਪੀਣ ਵਾਲੇ ਪਾਣੀ ਦੀ ਟੈਸਟਿੰਗ ਕਰਵਾ ਕੇ ਵੱਧ ਤੋਂ ਵੱਧ ਲਾਹਾ ਲਿਆ ਜਾਵੇ ਤਾਂ ਜੋ ਪੀਣ ਲਈ ਸਾਫ ਤੇ ਸ਼ੁੱਧ ਪਾਣੀ ਦੀ ਵਰਤੋਂ ਕੀਤੀ ਜਾ ਸਕੇ।
ਇਸ ਮੌਕੇ ਨਿਗਮਾਣ ਇੰਜੀਨੀਅਰ ਸ੍ਰੀ ਐਸ.ਕੇ. ਸ਼ਰਮਾ, ਕਾਰਜਕਾਰੀ ਇੰਜੀਨੀਅਰ ਸ੍ਰੀ ਮਨਪ੍ਰੀਤ ਅਰਸ਼ੀ, ਕਾਰਜਕਾਰੀ ਇੰਜੀਨੀਅਰ ਸ੍ਰੀ ਅੰਮਿ੍ਰਤ ਕੁਮਾਰ, ਉਪ ਮੰਡਲ ਇੰਜੀਨੀਅਰ ਸ੍ਰੀ ਗੰਗਾ ਰਾਮ, ਸਹਾਇਕ ਇੰਜੀਨੀਅਰ ਸ੍ਰੀ ਪ੍ਰਗਟ ਸਿੰਘ, ਜੂਨੀਅਰ ਇੰਜੀਨੀਅਰ ਮੈਡਮ ਸ਼ਰਨਵੀਰ ਕੌਰ, ਕੈਮਿਸਟ ਸ੍ਰੀ ਅੰਮਿ੍ਰਤ ਲਾਲ ਬਾਂਸਲ ਅਤੇ ਵਿਭਾਗ ਨਾਲ ਸਬੰਧਤ ਉੱਪ ਮੰਡਲ ਇੰਜੀਨੀਅਰ ਅਤੇ ਜੂਨੀਅਰ ਇੰਜੀਨੀਅਰ ਆਦਿ ਹਾਜ਼ਰ ਸਨ।