ਬਠਿੰਡਾ ਪੁੱਜੇ ਸਾਬਕਾ ਕੈਬਨਿਟ ਮੰਤਰੀ ਨੇ ਕਾਂਗਰਸ ਪਾਰਟੀ ਨੂੰ ਲਿਆ ਕਰੜੇ ਹੱਥੀਂ
ਬਠਿੰਡਾ, 21 ਜੁਲਾਈ (ਜਸਪ੍ਰੀਤ) – ਪੰਜਾਬ ਦੀ ਕਾਂਗਰਸ ਸਰਕਾਰ ਵਿੱਚ ਮੁੱਖਮੰਤਰੀ ਲੋਕਾਂ ਤੋਂ ਦੂਰੀ ਬਣਾ ਕੇ ਰੱਖਦਾ ਹੈ ਅਤੇ ਅਨਅਵੇਲੇਬਲ ਹੈ, ਇਸ ਲਈ ਲੋਕਾਂ ਕੋਈ ਵੀ ਕੰਮ ਨਹੀਂ ਕੀਤਾ ਜਾ ਰਿਹਾ ਜਦੋਂ ਕਿ ਕਾਂਗਰਸ ਪਾਰਟੀ ਦੇ ਨਵ – ਨਿਯੁਕਤ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਵਿੱਚ ਸੁਣਨ ਦੀ ਸਮਰੱਥਾ ਨਹੀਂ ਹੈ। ਅਜਿਹੇ ਵਿੱਚ ਇਹ ਸਰਕਾਰ ਲੋਕਾਂ ਦੀ ਭਲਾਈ ਦੀ ਬਜਾਏ ਆਪਣੇ ਆਪ ਵਿੱਚ ਹੀ ਉਲਝੀ ਹੋਈ ਹੈ। ਇਹ ਗੱਲਾਂ ਬਠਿੰਡਾ ਪੁੱਜੇ ਸਾਬਕਾ ਕੈਬਨਿਟ ਮੰਤਰੀ ਅਤੇ ਸੀਨੀਅਰ ਅਕਾਲੀ ਨੇਤਾ ਸਿਕੰਦਰ ਸਿੰਘ ਮਲੂਕਾ ਨੇ ਮੀਡਿਆ ਦੇ ਨਾਲ ਗੱਲ ਬਾਤ ਕਰਦੇ ਹੋਏ ਸਾਂਝਾ ਕੀਤੀ । ਮਲੂਕਾ ਨੇ ਸੂਬਾ ਸਰਕਾਰ ਚਲਾ ਰਹੀ ਕਾਂਗਰਸ ਪਾਰਟੀ ਨੂੰ ਕਰੜੇ ਹੱਥੀਂ ਲੈਂਦੇ ਹੋਏ ਦੱਬ ਕੇ ਨਿਸ਼ਾਨੇ ਸਾਧੇ ਅਤੇ ਕਿਹਾ ਕਿ ਕੈਪਟਨ ਤਾਂ ਫਿਰ ਵੀ ਕੋਈ ਗੱਲ ਸੁਣ ਲੈਂਦੇ ਸਨ ਪਰ ਸਿੱਧੂ ਤਾਂ ਬਿਲਕੁਲ ਵੀ ਨਹੀਂ ਸੁਣਦੇ ਜਦੋਂ ਕਿ ਸਰਕਾਰ ਵੱਡੇ ਵੱਡੇ ਵਾਅਦੇ ਕਰਕੇ ਸੱਤਾ ਵਿੱਚ ਆਈ ਸੀ ਜੋ ਹੁਣ ਪੂਰੇ ਨਹੀਂ ਕੀਤੇ ਜਾ ਰਹੇ । ਸੀਨੀਅਰ ਅਕਾਲੀ ਆਗੂ ਨੇ ਕਿਹਾ ਕਿ ਸਰਕਾਰ ਵਾਰ ਵਾਰ ਕਹਿੰਦੀ ਹੈ ਕਿ ਬਿਜਲੀ ਦੇ ਸਮੱਝੌਤੇ ਗਲਤ ਕੀਤੇ ਗਏ, ਉਸਦੇ ਬਾਵਜੂਦ ਵੀ ਉਨ੍ਹਾਂ ਨੂੰ ਰੱਦ ਨਹੀਂ ਕੀਤਾ ਜਾ ਰਿਹਾ ਅਤੇ ਵਾਰ ਵਾਰ ਝੂਠ ਬੋਲਕੇ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ । ਭਾਵੇਂ ਪੇ ਕਮੀਸ਼ਨ ਦੀ ਰਿਪੋਰਟ ਹੋਵੇ ਜਾ ਮੁਲਾਜ਼ਿਮਾਂ ਦੀ ਭਰਤੀ ਕਾਂਗਰਸ ਸਰਕਾਰ ਕੇਵਲ ਲਾਰਿਆਂ ਵਿੱਚ ਹੀ ਉਲਝਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ , ਜਿਸ ਚ ਕੋਰੋਨਾ ਮਹਾਮਾਰੀ ਦੌਰਾਨ ਸੇਵਾ ਨਿਭਾਉਣ ਵਾਲੇ ਵਾਲੰਟਿਅਰ ਜੋ ਪੜੇ ਲਿਖੇ ਹੋਣ ਦੇ ਬਾਵਜੂਦ ਸਰਕਾਰ ਦੀ ਬੇਰੁਖੀ ਦਾ ਸ਼ਿਕਾਰ ਹੋ ਰਹੇ ਹੈ ਅਤੇ ਰੋਜ਼ਗਾਰ ਲਈ ਮੰਗ ਚੁੱਕ ਰਹੇ ਹੈ । ਮਲੂਕਾ ਨੇ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਬਹੁਤ ਸਾਰੇ ਕੰਮ ਕਰਕੇ ਵਿਖਾਏ ਗਏ ਸਨ ਅਤੇ ਹੁਣ ਜੇਕਰ ਇੱਕ ਵਾਰ ਫਿਰ ਮੌਕਾ ਮਿਲਦਾ ਹੈ ਤਾਂ ਜੋ ਕਮੀਆਂ ਰਹਿ ਗਈ ਸੀ ਉਨ੍ਹਾਂਨੂੰ ਵੀ ਪੂਰਾ ਕੀਤਾ ਜਾਵੇਗਾ।
ਕੰਮਿਉਨਿਸਟ ਪਾਰਟੀਆਂ ਨਾਲ ਸੁਖਾਵੇਂ ਮਾਹੌਲ ‘ਚ ਸਮਝੌਤੇ ਲਈ ਚੱਲ ਰਹੀ ਗੱਲ
ਸਾਬਕਾ ਕੈਬਨਿਟ ਮੰਤਰੀ ਨੇ ਕਿਹਾ ਕਿ ਪਾਰਟੀ ਵੱਲੋਂ ਸਾਰੀਆਂ ਸੀਟਾਂ ਉੱਤੇ ਇੱਕ ਇੱਕ ਕਰ ਕੇ ਉਮੀਦਵਾਰ ਉਤਾਰੇ ਜਾ ਰਹੇ ਹਨ ਜਦੋਂ ਕਿ ਜਿਨ੍ਹਾਂ ਸੀਟਾਂ ਉੱਤੇ ਕੋਈ ਸ਼ੱਕ ਸੀ ਉੱਥੇ ਉਮੀਦਵਾਰ ਪਹਿਲਾਂ ਉਤਾਰੇ ਜਾ ਰਹੇ ਹੈ, ਜਿਸ ਵਿੱਚ ਇੱਕ ਬਠਿੰਡਾ ਦੀ ਵੀ ਸੀਟ ਸੀ । ਨਾਲ ਹੀ ਉਨ੍ਹਾਂਨੇ ਕਿਹਾ ਕਿ ਪਾਰਟੀ ਦੀ ਚੋਣ ਨੂੰ ਲੈ ਕੇ ਪੂਰੀ ਤਿਆਰੀ ਹੈ , ਜਿਸ ਵਿੱਚ ਕੰਮਿਉਨਿਸਟ ਪਾਰਟੀਆਂ ਨਾਲ ਵੀ ਸਮਝੌਤੇ ਲਈ ਸੁਖਾਵੇਂ ਮਾਹੌਲ ‘ਚ ਗੱਲ ਚੱਲ ਰਹੀ ਹੈ।