ਕਾਹਨੂੰਵਾਨ, 5 ਜੁਲਾਈ (ਕੁਲਦੀਪ ਜਾਫਲਪੁਰ) – ਕਿਸਾਨ ਮਜਦੂਰ ਸੰਘਰਸ ਕਮੇਟੀ ਪੰਜਾਬ ਦੇ ਜੋਨ ਸੰਤ ਬਾਬਾ ਲਾਲ ਸਿੰਘ ਕੁੱਲੀ ਵਾਲੇ ਜੀ ਦੀ ਜਰੂਰੀ ਮੀਟਿੰਗ ਦਿੱਲੀ ਵਿਚ ਹੋਈ।ਜਿਸ ਵਿਚ ਜੋਨ ਸਕੱਤਰ ਕੈਪਟਨ ਸਮਿੰਦਰ ਸਿੰਘ,ਨਿਸ਼ਾਨ,ਸਿੰਘ,ਜਰਨੈਲ ਸਿੰਘ ਲਾਧੂਪੁਰ ਨੇ ਦੱਸਿਆ ਕਿ ਭੈਣੀ ਮੀਆਂ ਖਾਂ ਬੇਟ ਖੇਤਰ ਵਿਚ ਚੋਰੀਆਂ ਦਾ ਸਿਲਸਲਾ ਲਗਾਤਾਰ ਜਾਰੀ ਹੈ।ਪਿਛਲੀ ਵਾਰ ਜਦੋਂ ਭੈਣੀ ਮੀਆਂ ਖਾਂ ਥਾਣੇ ਦੇ ਘਿਰਾਓ ਦਾ ਐਲਾਨ ਕੀਤਾ ਸੀ ਤਾਂ ਡੀਐਸਪੀ ਕੁਲਵਿੰਦਰ ਸਿੰਘ ਵਿਰਕ ਨੇ ਵਿਸ਼ਵਾਸ ਦਿਵਾਇਆ ਸੀ ਕਿ ਜਲਦ ਤੋਂ ਜਲਦ ਚੋਰਾਂ ਨੂੰ ਕਾਬੂ ਕੀਤਾ ਜਾਵੇਗਾ। ਪਰ ਅਜੇ ਤੱਕ ਕੋਈ ਵੀ ਕਾਰਵਾਈ ਨਹੀਂ ਹੋਈ ਉਲਟਾ ਚੋਰਾਂ ਦੇ ਹੌਂਸਲੇ ਬੁਲੰਦ ਹੋਏ ਹਨ।ਹਰ ਦਿਨ ਕਿਸਾਨਾਂ ਦੇ ਮੋਟਰਾਂ ਚੋਰੀ ਹੋ ਰਹੀਆਂ ਹਨ ਪਰ ਪੁਲਿਸ ਕੁੰਭਕਰਨੀ ਨੀਂਦ ਸੁੱਤੀ ਹੈ।ਇਸ ਮੌਕੇ ਕੈਪਟਨ ਸ਼ਮਿੰਦਰ ਸਿੰਘ ਨੇ ਦੱਸਿਆ ਕਿ ਪਿਛਲੇ ਦਿਨੀਂ ਵੀ ਚੱਕ ਯਾਕੂਬ, ਗੁੰਨੋਪੁਰ,ਕੋਟਲੀ ਹਰਚੰਦਾ,ਨਾਨੋਵਾਲ ਕਲਾਂ ਅਤੇ ਹੋਰ ਪਿੰਡਾ ਵਿਚ ਕਿਸਾਨਾਂ ਦੀਆਂ ਮੋਟਰਾਂ ਚੋਰੀ ਹੋਈਆਂ ਹਨ।ਪਰ ਪੁਲਿਸ ਵੱਲੋਂ ਅਜੇ ਤਕ ਐਫ ਆਈ ਆਰ ਤਕ ਨਹੀਂ ਦਰਜ ਕੀਤੀ ਗਈ। ਇਕ ਪਾਸੇ ਕਿਸਾਨ ਦਿੱਲੀ ਵਿਚ ਮੋਦੀ ਸਰਕਾਰ ਨਾਲ ਕਾਲੇ ਕਾਨੂੰਨਾਂ ਖਿਲਾਫ਼ ਲੜ ਰਹੇ ਹਨ ਦੂਜੇ ਪਾਸੇ ਰਾਤਾਂ ਜਾਗ ਜਾਗ ਸੜਕਾਂ ਤੇ ਪਹਿਰੇ ਦੇ ਰਹੇ ਹਨ।ਅੱਜ ਦੀ ਮੀਟਿੰਗ ਵਿੱਚ ਫੈਸਲਾ ਲਿਆ ਕਿ ਜੱਥੇ ਦੀ ਵਾਪਸੀ ਤੋਂ ਬਾਅਦ ਜਲਦੀ ਭੈਣੀ ਮੀਆਂ ਖਾਂ ਥਾਣੇ ਦਾ ਘਿਰਾਓ ਕਰਕੇ ਪੱਕਾ ਧਰਨਾ ਲਗਾਇਆ ਜਾਵੇਗਾ।ਇਸ ਮੌਕੇ ਕੈਪਟਨ ਸ਼ਮਿੰਦਰ ਸਿੰਘ,ਨਿਸ਼ਾਨ ਸਿੰਘ ਮੇਹੜੇ,ਉੱਤਮ ਸਿੰਘ,ਜਰਨੈਲ ਸਿੰਘ, ਚੈਚਲ ਸਿੰਘ,ਗੁਰਦੀਪ ਸਿੰਘ,ਜਗਤ ਸਿੰਘ,ਹਰਭਜਨ ਸਿੰਘ,ਤਜਿੰਦਰ ਸਿੰਘ,ਜਸਬੀਰ ਸਿੰਘ,ਬਲਵਿੰਦਰ ਸਿੰਘ,ਅਵਤਾਰ ਸਿੰਘ,ਅਜੀਤ ਸਿੰਘ,ਬਲਵਿੰਦਰ ਕੌਰ,ਦਲਜੀਤ ਕੌਰ ਬਲਜੀਤ ਕੌਰ,ਕਮਲਜੀਤ ਕੌਰ,ਮਲਾਰ ਕੌਰ,ਕੁਲਵਿੰਦਰ ਕੌਰ,ਹਰਜੀਤ ਕੌਰ,ਪਰਮਜੀਤ ਕੌਰ,ਆਦਿ ਹਾਜਿਰ ਸਨ।