ਕਾਮੇਡੀਅਨ ਕੇਨ ਜੇਓਂਗ ਨੇ ਐਟਲਾਂਟਾ ਸਪਾ ਗੋਲੀਬਾਰੀ ਦੇ ਪੀੜਤ ਪਰਿਵਾਰਾਂ ਨੂੰ ਦਿੱਤਾ 50,000 ਡਾਲਰ ਦਾ ਦਾਨ

ਫਰਿਜ਼ਨੋ (ਕੈਲੀਫੋਰਨੀਆ), 23 ਮਾਰਚ (ਗੁਰਿੰਦਰਜੀਤ ਨੀਟਾ ਮਾਛੀਕੇ / ਕੁਲਵੰਤ ਧਾਲੀਆਂ) – ਅਦਾਕਾਰ ਅਤੇ ਹਾਸਰਸ ਕਲਾਕਾਰ ਕੇਨ ਜਿਓਂਗ ਨੇ ਪਿਛਲੇ ਹਫਤੇ ਐਟਲਾਂਟਾ ਖੇਤਰ ਦੇ ਤਿੰਨ ਥਾਵਾਂ ‘ਤੇ ਹੋਈ ਗੋਲੀਬਾਰੀ’ ਚ ਮਾਰੇ ਗਏ ਪੀੜਤਾਂ ਦੇ ਪਰਿਵਾਰਾਂ ਨੂੰ 50,000 ਡਾਲਰ ਦਾਨ ਕੀਤੇ ਹਨ। ਕੇਨਡ੍ਰਿਕ ਜਿਓਂਗ ਵੱਲੋਂ ਇਸ ਗੋਲੀਬਾਰੀ ਵਿੱਚ ਮਰਨ ਵਾਲੇ ਸੂਨ ਚੁੰਗ ਪਾਰਕ, ​​ਹਯੂਨ ਜੁਗ ਗ੍ਰਾਂਟ, ਸੁਨਚਾ ਕਿਮ, ਜ਼ਿਆਓਜੀ ਟੈਨ ਅਤੇ ਯੋਂਗ ਯੂ ਦੇ ਪਰਿਵਾਰਾਂ ਲਈ ਚਲਾਏ “ਗੋ ਫੰਡ ਮੀ” ਪੇਜ਼ ਮੁਹਿੰਮ ਲਈ ਪੰਜ ਥਾਵਾਂ ਤੇ 10,000 ਡਾਲਰ ਦਾਨ ਕੀਤੇ ਗਏ ਹਨ। ਅਧਿਕਾਰੀਆਂ ਨੇ ਹਮਲੇ ਦੇ ਪੀੜਤਾਂ ਵਜੋਂ ਡੇਲਾਇਨਾ ਐਸ਼ਲੇ ਯੌਨ, ਪੌਲ ਆਂਡਰੇ ਮਿਸ਼ੇਲਜ਼ ਅਤੇ ਡੇਓਯੁ ਫੇਂਗ ਦੀ ਵੀ ਪਛਾਣ ਕੀਤੀ ਹੈ। ਜੇਓਂਗ, ਜਿਸ ਦੇ ਮਾਪੇ ਦੱਖਣੀ ਕੋਰੀਆ ਤੋਂ ਅਮਰੀਕਾ ਆਏ ਸਨ, ਨੇ ਆਪਣੇ ਟਵਿੱਟਰ ਅਕਾਉਂਟ ਤੇ ਕੁੱਝ ਫੰਡ ਇਕੱਤਰ ਕਰਨ ਦੀਆਂ ਮੁਹਿੰਮਾਂ ਵੀ ਸਾਂਝੀਆਂ ਕੀਤੀਆਂ ਹਨ। ਉਸਨੇ ਆਪਣੇ ਅਕਾਉਂਟ ਉੱਤੇ ਇੱਕ ਵੀਡੀਓ ਵੀ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਸ਼ੂਟਿੰਗ ਤੋਂ ਬਾਅਦ ਏਸ਼ੀਆਈ ਨਸਲਵਾਦ ਨੂੰ ਖਤਮ ਕਰਨ ਦੀ ਮੰਗ ਕੀਤੀ ਗਈ ਹੈ। ਐਟਲਾਂਟਾ ਵਿੱਚ ਹੋਈ ਗੋਲੀਬਾਰੀ ਵਿੱਚ ਅੱਠ ਪੀੜਤਾਂ ਵਿਚੋਂ ਛੇ ਏਸ਼ੀਆਈ ਮੂਲ ਦੀਆਂ ਔਰਤਾਂ ਸਨ। ਪਿਛਲੇ ਸਾਲ ਏਸ਼ੀਆ ਵਿਰੋਧੀ ਨਫ਼ਰਤ ਦੀਆਂ ਤਕਰੀਬਨ 3,800 ਘਟਨਾਵਾਂ ਸਾਹਮਣੇ ਆਈਆਂ ਸਨ, ਜਿਨ੍ਹਾਂ ਵਿੱਚ ਔਰਤਾਂ ਦੁਆਰਾ  68 ਪ੍ਰਤੀਸ਼ਤ ਰਿਪੋਰਟਾਂ ਕੀਤੀਆਂ ਗਈਆਂ ਹਨ। ਇਹ ਅੰਕੜੇ ਪਿਛਲੇ ਹਫਤੇ ਦੀ ਗੋਲੀਬਾਰੀ ਤੋਂ ਪਹਿਲਾਂ ਸਟਾਪ ਏ ਪੀ ਆਈ ਹੇਟ ਦੁਆਰਾ  ਕੀਤੀ ਖੋਜ ਅਨੁਸਾਰ ਜਾਰੀ ਕੀਤੇ ਗਏ ਹਨ।