ਫਾਜ਼ਿਲਕਾ 20 ਮਾਰਚ – ਪੰਜਾਬ ਸਰਕਾਰ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਦੀਆਂ ਹਦਾਇਤਾ ਅਤੇ ਮੁੱਖ ਖੇਤੀਬਾੜੀ ਅਫਸਰ ਸ੍ਰੀ ਸੁਰਿੰਦਰ ਸਿੰਘ ਅਤੇ ਬਲਾਕ ਖੇਤੀਬਾੜੀ ਅਫਸਰ ਸ੍ਰੀ ਭੁਪਿੰਦਰ ਕੁਮਾਰ ਦੀ ਯੋਗ ਅਗਵਾਈ ਹੇਠ ਬਲਾਕ ਫਾਜ਼ਿਲਕਾ ਦੇ ਪਿੰਡਾਂ ਵਿਚ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਵੱਲੋਂ ਨਦੀਨ ਨਸ਼ਟ ਕਰੋ ਮੁਹਿੰਮ ਚਲਾਈ ਜਾ ਰਹੀ ਹੈ। ਇਸ ਸਬੰਧੀ ਪਿੰਡ ਬੰਨਾਵਾਲਾ ਵਿਖੇ ਖੇਤੀਬਾੜੀ ਵਿਸਥਾਰ ਅਫਸਰ ਸ੍ਰੀ ਅੰਮ੍ਰਿਤ ਕ੍ਰਿਪਾਲ ਸਿੰਘ ਵੱਲੋਂ ਕੈਂਪ ਲਗਾ ਕੇ ਕਿਸਾਨਾਂ ਨੂੰ ਦੱਸਿਆ ਕਿ ਜੋ ਨਰਮੇ ਦੀ ਫਸਲ ਨੂੰ ਨੁਕਸਾਨ ਕਰਨ ਵਾਲੇ ਹਾਨੀਕਾਰਕ ਕੀਟ ਹਨ, ਉਹ ਨਰਮੇ ਦੀ ਫਸਲ ਤੋਂ ਪਹਿਲਾ ਨਦੀਨਾਂ ਉਪਰ ਪਲਦੇ ਹਨ ਅਤੇ ਨਰਮੇ ਦੀ ਫਸਲ ਆਉਣ ਤੇ ਨਰਮੇ/ਕਪਾਹ ਤੇ ਆ ਕੇ ਫਸਲ ਦਾ ਵੱਡਾ ਨੁਕਸਾਨ ਕਰਦੇ ਹਨ। ਇਸ ਲਈ ਚਿੱਟੀ ਮੱਖੀ ਮਿੱਲੀ ਬੱਗ ਆਦਿ ਹਾਨੀਕਾਰਕ ਕੀਟਾ ਨੂੰ ਪਨਾਹ ਦੇਣ ਵਾਲੇ ਨਦੀਨਾਂ ਜਿਵੇ ਕਿ ਪੀਲੀ ਬੂਟੀ, ਗਾਜਰ ਬੂਟੀ, ਧਤੂਰਾ, ਕੰਗੀ ਬੂਟੀ, ਭੰਗ, ਪੁੱਛ-ਕੰਡਾ, ਦੋਧਕ, ਚੁਲਾਈ, ਤਾਦਲਾ ਭੰਗੋਲਾ ਆਦਿ ਨੂੰ ਜੜ੍ਹੋ ਪੱਟ ਕੇ ਨਸ਼ਟ ਕਰ ਦੇਣਾ ਚਾਹੀਦਾ ਹੈ।
ਇਸ ਸਬੰਧੀ ਕਿਸਾਨਾਂ ਦੇ ਨਾਲ ਹੀ ਮਨਰੇਗਾ ਮਜ਼ਦੂਰਾ ਦੁਆਰਾ ਵੀ ਖਾਲੀ ਜਗ੍ਹਾ ਦੇ ਆਸ-ਪਾਸ, ਨਹਿਰਾਂ, ਖਾਲਾ ਦੇ ਆਸ-ਪਾਸ ਸਰਕਾਰੀ ਥਾਵਾਂ, ਵਾਟਰਵਰਕਸ, ਸਕੂਲ ਸਮਸਾਨ ਘਾਟ ਜਾਂ ਖਾਲੀ ਪਈਆ ਜਮੀਨਾਂ ਤੋਂ ਨਦੀਨ ਪੁੱਟ ਕੇ ਲਗਾਤਾਰ ਮੁਹਿੰਮ ਚਲਾਈ ਜਾ ਰਹੀ ਹੈ। ਵੱਖ-ਵੱਖ ਪਿੰਡਾਂ ਵਿੱਚ ਕੈਂਪ ਲਗਾ ਕੇ ਜਾਣਕਾਰੀ ਦਿੱਤੀ ਜਾ ਰਹੀ ਹੈ ਅਤੇ ਕਿਸਾਨਾਂ ਅਤੇ ਮਨਰੇਗਾ ਮਜਦੂਰਾਂ ਦੁਆਰਾ ਮੁਹਿੰਮ ਚਲਾ ਕੇ ਨਦੀਨ ਖਤਮ ਕੀਤੇ ਜਾ ਰਹੇ ਹਨ।