ਸੰਗਰੂਰ : ਐਸ.ਡੀ.ਐਮ. ਵੱਲੋਂ ਵੱਖ-ਵੱਖ ਪੋਲਿੰਗ ਬੂਥਾਂ ਦੀ ਚੈਕਿੰਗ

ਸੰਗਰੂਰ, 9 ਫ਼ਰਵਰੀ – ਰਿਟਰਨਿੰਗ ਅਫਸਰ, ਨਗਰ ਕੌਂਸਲ ਚੋਣਾ-ਕਮ-ਐਸ.ਡੀ.ਐਮ. ਅਹਿਮਦਗੜ ਸ੍ਰੀ ਵਿਕਰਮਜੀਤ ਸਿੰਘ ਪਾਂਥੇ ਵੱਲੋਂ 14 ਫਰਵਰੀ ਨੂੰ ਹੋਣ ਵਾਲੀਆਂ ਨਗਰ ਕੌਂਸਲ ਚੋਣਾ ਸਬੰਧੀ ਅਹਿਮਦਗੜ ਸ਼ਹਿਰ ਦੇ 17 ਵਾਰਡਾਂ ਨਾਲ ਸਬੰਧਤ ਵੱਖ-ਵੱਖ ਬਿਲਡਿਗਾਂ ਵਿਚ ਬਣਾਏ ਗਏ ਪੋਲਿੰਗ ਬੂਥਾਂ ਦੀ ਚੈਕਿੰਗ ਕੀਤੀ ਗਈ।
ਨਗਰ ਕੌਂਸਲ ਅਹਿਮਦਗੜ ਵਿਖੇ 17 ਵਾਰਡਾਂ ਲਈ ਕੁੱਲ 22 ਬੂਥ ਬਣਾਏ ਗਏ ਹਨ। ਐਸ.ਡੀ.ਐਮ. ਅਹਿਮਦਗੜ ਵੱਲੋਂ ਕੁੱਲ 11 ਬੂਥਾਂ ਦਾ ਦੌਰਾ ਕੀਤਾ ਜਿਨਾਂ ਵਿਚ ਐਮ.ਜੀ.ਐਮ.ਐਨ ਗਾਂਧੀ ਸਕੂਲ ਅਹਿਮਦਗੜ ਦੇ ਕੁੱਲ 4 ਬੂਥ, ਸਨਾਤਨ ਵਿੱਦਿਆ ਮੰਦਿਰ ਦਾ ਇਕ ਬੂਥ, ਦਿਆਨੰਦ ਆਦਰਸ਼ ਵਿਦਿਆਲਿਆ ਅਹਿਮਦਗੜ ਦਾ 1 ਬੂਥ, ਏ.ਬੀ.ਸੀ. ਮੌਨਟੈਸਰੀ ਸਕੂਲ ਦੇ 2 ਬੂਥ ਅਤੇ ਜਨਤਾ ਕਾਲਜ ਅਹਿਮਗੜ ਦੇ 3 ਬੂਥ ਸ਼ਾਮਲ ਹਨ। ਐਸ.ਡੀ.ਐਮ. ਅਹਿਮਦਗੜ  ਸ੍ਰੀ ਵਿਕਰਮਰੀਤ ਪਾਂਥੇ ਨੇ ਕਿਹਾ ਕਿ ਦੌਰੇ ਦੌਰਾਨ ਪੰਜਾਬ ਰਾਜ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਅਨੁਸਾਰ ਘੱਟੋ ਘੱਟ ਮੁੱਢਲੀਆਂ ਸਹੂਲਤਾਂ ਸਾਰੇ ਹੀ ਬੂਥ ਤੇ ਠੀਕ ਪਾਈਆਂ ਗਈਆਂ ਹਨ। ਇਸ ਮੌਕੇ ਪੋਲਿੰਗ ਬੂਥਾਂ ਉਪਰ ਸਬੰਧਤ ਸੁਪਰਵਾਇਜਰ ਅਤੇ ਬੀ.ਐਲ.ਓ. ਮੌਜੂਦ ਸਨ।