ਹਰ ਖੇਤਰ ਵਿੱਚ ਮੱਲਾ ਮਾਰ ਰਿਹਾ ਹੈ ਜਿਲ੍ਹਾ ਫਾਜਿਲਕਾ ਦਾ ਸਕੂਲ ਚਾਨਣ ਵਾਲਾ -ਡਾ. ਬੱਲ

ਫਾਜ਼ਿਲਕਾ 20 ਜਨਵਰੀ (ਰਿਤਿਸ਼) – ਜਿਲ੍ਹਾ ਸਿੱਖਿਆ ਅਫਸਰ ਐਲੀਮੈਂਟਰੀ ਅਤੇ ਸਕੈਂਡਰੀ ਡਾ. ਸੁਖਵੀਰ ਸਿੰਘ ਬੱਲ ਨੈਸ਼ਨਲ ਅਵਾਰਡੀ ਅਤੇ ਉੱਪ ਜਿਲ੍ਹਾ ਸਿੱਖਿਆ ਅਫਸਰ ਐਲੀਮੈਂਟਰੀ ਮੈਡਮ ਅੰਜੂ ਸੇਠੀ ਵੱਲੋਂ ਜਿਲ੍ਹਾ ਫਾਜਿਲਕਾ ਦੇ ਸਰਕਾਰੀ ਪ੍ਰਾਇਮਰੀ ਸਮਰਾਟ ਸਕੂਲ ਚਾਨਣ ਵਾਲਾ ਦਾ ਦੌਰਾ ਕੀਤਾ ਗਿਆ। ਸਕੂਲ ਮੁਖੀ ਲਵਜੀਤ ਸਿੰਘ ਗਰੇਵਾਲ ਨੈਸ਼ਨਲ ਅਵਾਰਡੀ ਵੱਲੋ ਉਹਨਾਂ ਨੂੰ ਜੀ ਆਇਆ ਆਖਿਆ ਗਿਆ ਅਤੇ ਸਕੂਲ ਬਾਰੇ ਜਾਣਕਾਰੀ ਦਿੱਤੀ ਗਈ। ਡਾ.ਬੱਲ ਨੇ ਕਿਹਾ ਕਿ ਚਾਨਣਵਾਲਾ ਸਕੂਲ ਨੂੰ ਪੂਰਨ ਸਮਾਰਟ ਅਤੇ ਪੰਜਾਬ ਦਾ ਪਹਿਲਾ ਏ ਸੀ ਸਕੂਲ ਬਨਣ ਦਾ ਮਾਣ ਪ੍ਰਾਪਤ ਹੈ। ਜਿਲਾ ਨੋਡਲ ਇੰਚਾਰਜ ਵਿੱਦਿਅਕ ਮੁਕਾਬਲੇ ਸਵੀਕਾਰ ਗਾਂਧੀ ਨੇ ਦੱਸਿਆ ਕਿ ਸਿੱਖਿਆ ਵਿਭਾਗ ਅਤੇ ਐਸ ਸੀ ਈ ਆਰ ਟੀ ਵੱਲੋ ਗੁਰੂ ਤੇਗ ਬਹਾਦਰ ਜੀ ਦੇ 400 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਆਨਲਾਈਨ ਵਿੱਦਿਅਕ ਮੁਕਾਬਲੇ ਜੋ ਲਗਾਤਾਰ ਅੱਠ ਮਹੀਨੇ ਚੱਲੇ ਇਹਨਾਂ ਮੁਕਾਬਲਿਆਂ ਵਿੱਚ ਸਕੂਲ ਦੇ ਵਿਦਿਆਰਥੀਆਂ ਵੱਲੋਂ ਬਲਾਕ ਪੱਧਰ ਤੇ 11 ਜਿਲ੍ਹਾ ਪੱਧਰ ਤੇ 7 ਅਤੇ ਸਟੇਟ ਪੱਧਰ ਤੇ 2 ਪੁਜੀਸ਼ਨਾ ਹਾਸਲ ਕਰਕੇ ਸਕੂਲ ਅਤੇ ਜਿਲ੍ਹਾ ਦਾ ਨਾਂ ਪੂਰੇ ਪੰਜਾਬ ਵਿੱਚ ਰੋਸ਼ਨ ਕੀਤਾ ਹੈ। ਉਹਨਾਂ ਕਿਹਾ ਕਿ ਸਕੂਲ ਦੇ ਮਿਹਨਤੀ ਸਟਾਫ ਵੱਲੋਂ ਕਰੋਨਾ ਸੰਕਟ ਸਮੇ ਦੌਰਾਨ ਵੀ ਲਗਾਤਾਰ ਬੱਚਿਆਂ ਨਾਲ ਰਾਬਤਾ ਕਾਇਮ ਕਰਕੇ ਆਨਲਾਈਨ ਪੜ੍ਹਾਈ ਅਤੇ ਵਿੱਦਿਅਕ ਮੁਕਾਬਲਿਆਂ ਦੀ ਤਿਆਰੀ ਬੜੇ ਹੀ ਸੁਚੱਜੇ ਢੰਗ ਨਾਲ ਕਰਵਾਈ ਗਈ ਹੈ। ਇਸ ਮੌਕੇ `ਤੇ ਡੀਈਓ ਅਤੇ ਡਿਪਟੀ ਡੀਈਓ ਵੱਲੋਂ ਵਿਸ਼ੇਸ਼ ਤੌਰ ਤੇ ਇਹਨਾਂ ਹੋਣਹਾਰ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕਰਕੇ ਹੌਂਸਲਾ ਅਫਜਾਈ ਕੀਤੀ ਗਈ। ਉੱਪ ਜਿਲ੍ਹਾ ਸਿੱਖਿਆ ਅਫਸਰ ਮੈਡਮ ਅੰਜੂ ਸੇਠੀ ਨੇ ਕਿਹਾ ਕੀ ਸਕੂਲ ਦੀ ਸ਼ਾਨਦਾਰ ਬਿਲਡਿੰਗ, ਹਰ ਕਲਾਸਰੂਮ ਦਾ ਸਮਾਰਟ ਹੋਣਾ ,ਈ ਲੈਬ  ,ਵਿਲੱਖਣ ਬਾਲਾ ਵਰਕ,  ਵੱਖ-ਵੱਖ ਵੰਨਗੀਆਂ ਦੀਆ ਕਿਤਾਬਾਂ ਨਾਲ ਭਰੀ ਲਾਇਬਰੇਰੀ ਬੱਚਿਆਂ ਦੀ ਸਿੱਖਿਆ ਵਿੱਚ ਸਹਾਈ ਹਨ। ਸਕੂਲ ਦੀ ਰਿਵਾਇਤੀ ਕਿਚਨ ਨਿਵੇਕਲੀ ਪਹਿਲਕਦਮੀ ਹੈ।ਉਹਨਾਂ ਕਿਹਾ ਕਿ ਸਕੂਲ ਵਿੱਚ ਚੱਲ ਰਹੇ ਵਿਕਾਸ ਕਾਰਜਾਂ ਪੂਰੇ ਹੋਣ ਤੇ ਸਕੂਲ ਦੀ ਦਿੱਖ ਹੋਰ ਨਿੱਖਰੇਗੀ। ਜਿਲ੍ਹਾ ਕੋਆਰਡੀਨੇਟਰ ਪੜ੍ਹੋ ਪੰਜਾਬ ਪੜਾਓ ਪੰਜਾਬ ਰਜਿੰਦਰ ਕੁਮਾਰ ਨੇ ਦੱਸਿਆ ਕਿ ਪੀ ਏ ਐਸ, ਮਿਸ਼ਨ ਸ਼ਤ ਪ੍ਰਤੀਸ਼ਤ  ਇੰਗਲਿਸ਼ ਬੂਸਟਰ ਕਲੱਬ ਸਮੇਤ,ਬੱਡੀ ਗਰੁੱਪ ਆਦਿ ਵਿਭਾਗ ਵੱਲੋ ਚਲਾਏ ਹਰ ਪ੍ਰੈਜਕਟ ਵਿਚ ਸਕੂਲ ਵੱਲੋਂ ਵੱਧ ਚੜ ਕੇ ਹਿੱਸਾ ਲਿਆ ਜਾਂਦਾ ਹੈ। ਇਸ ਲਈ ਸਕੂਲ ਮੁੱਖੀ ਅਤੇ ਸਮੂਹ ਸਟਾਫ ਵਧਾਈ ਦਾ ਹੱਕਦਾਰ ਹੈ। ਇਸ ਮੌਕੇ `ਤੇ ਸਕੂਲ ਮੁੱਖੀ ਲਵਜੀਤ ਸਿੰਘ ਗਰੇਵਾਲ ਨੈਸ਼ਨਲ ਅਵਾਰਡੀ, ਅਧਿਆਪਕ ਸਵੀਕਾਰ ਗਾਂਧੀ ਸਟੇਟ ਅਵਾਰਡੀ, ਅਸ਼ੋਕ ਕੁਮਾਰ, ਮੈਡਮ ਸੁਖਪਾਲ ਰਾਣੀ, ਮੈਡਮ ਮਨੀਸ਼ਾ ਢਾਕਾ ਅਤੇ ਜਿਲ੍ਹਾ ਮੀਡੀਆ ਕੋਆਰਡੀਨੇਟਰ ਇਨਕਲਾਬ ਗਿੱਲ ਮੌਜੂਦ ਸਨ।