Menu

ਕੁਰਬਾਨੀਆਂ ਦੇਣ ਦੀ ਲੋੜ ਪਈ ਤਾਂ ਕਿਸਾਨਾਂ ਦੇ ਨਾਲ ਖੜ੍ਹਾਂਗੇ – ਧਰਮੀ ਫ਼ੌਜੀ

ਕਾਹਨੂੰਵਾਨ, 12 ਦਸੰਬਰ (ਕੁਲਦੀਪ ਜਾਫਲਪੁਰ) – ਅੱਜ ਸਥਾਨਕ ਸ਼ਹੀਦੀ ਪਾਰਕ ਵਿੱਚ ਧਰਮੀ ਫ਼ੌਜੀਆਂ ਦੀ ਇਕ ਇਕੱਤਰਤਾ ਦੌਰਾਨ ਕਈ ਅਹਿਮ ਫ਼ੈਸਲੇ ਲਏ ਗਏ। ਇਸ ਮੌਕੇ ਧਰਮੀ ਫ਼ੌਜੀ ਆਗੂ ਸੁਰਿਦੰਰ ਸਿੰਘ ਸੋਹੀ ਅਤੇ ਬਖ਼ਸ਼ੀਸ਼ ਸਿੰਘ ਨੇ ਕਿਹਾ ਕਿ ਕੇਂਦਰ ਸਰਕਾਰ ਨੇ ਭਾਰਤ ਦੇ ਕਿਸਾਨਾਂ ਵਿਰੁੱਧ ਹੋ ਕਾਲੇ ਕਾਨੂੰਨ ਬਣਾਏ ਹਨ ਉਹ ਅਤਿ ਨਿੰਦਣਯੋਗ ਕਾਰਾ ਹੈ। ਉਹ ਮੰਗ ਕਰਦੇ ਹਨ ਕਿ ਇਹ ਕਾਲੇ ਕਾਨੂੰਨ ਤੁਰੰਤ ਮੂਲੋਂ ਰੱਦ ਕੀਤੇ ਜਾਣ। ਉਨ੍ਹਾਂ ਕਿਹਾ ਕਿ 1984 ਦੌਰਾਨ ਕੁਰਬਾਨੀਆਂ ਕਰਨ ਵਾਲੇ ਧਰਮੀ ਫ਼ੌਜੀ ਆਪਣੇ ਕਿਸਾਨਾਂ ਭਰਾਵਾਂ ਦੇ ਮੋਢੇ ਨਾਲ ਮੋਢਾ ਲਗਾ ਕੇ ਖੜ੍ਹੇ ਹਨ ਅਤੇ ਉਹ ਹੁਣ ਵੀ ਕਿਸੇ ਕੁਰਬਾਨੀ ਤੋਂ ਪਿੱਛੇ  ਨਹੀਂ ਹਟਣਗੇ। ਉਨ੍ਹਾਂ ਕਿਹਾ ਕਿ ਪੰਜਾਬੀ ਸ਼ਾਂਤੀ ਪਸੰਦ ਕੌਮ ਹੈ ਪਰ ਜੇਕਰ ਕੋਈ ਧੱਕਾ ਜਾਂ ਜ਼ੁਲਮ ਕਰੇ ਤਾਂ ਉਹ ਕਦੇ ਵੀ ਕੁਰਬਾਨੀਆਂ ਦੇਣ ਤੋਂ ਪਿੱਛੇ ਨਹੀਂ ਹਟਦੇ। ਹੁਣ ਵੀ ਕਿਸਾਨ ਆਗੂਆਂ ਦੀ ਕੇਂਦਰ ਸਰਕਾਰ ਨਾਲ ਗੱਲਬਾਤ ਦਾ ਦੌਰ ਖ਼ਤਮ ਹੋ ਗਿਆ ਹੈ ਅਤੇ ਜੇਕਰ ਹੁਣ ਵੀ ਕੁਰਬਾਨੀਆਂ ਕਰਨੀਆਂ ਪਈਆਂ ਤਾਂ ਉਹ ਤਿਆਰ ਬਰ ਤਿਆਰ ਰਹਿਣਗੇ। ਇਸ ਮੌਕੇ ਇਕੱਤਰਤਾ ਵਿੱਚ ਧਰਮੀ ਫ਼ੌਜੀ ਸੁਰਿਦੰਰ ਸਿੰਘ ਸੋਹੀ ਪ੍ਰਧਾਨ, ਬਖ਼ਸ਼ੀਸ਼ ਸਿੰਘ ਕਾਦੀਆਂ ਮੁੱਖ ਬੁਲਾਰਾ, ਬਲਕਾਰ ਸਿੰਘ ਹਰਚੋਵਾਲ, ਸਰਵਣ ਸਿੰਘ ਸੋਹਲ, ਮਦਨ ਸਿੰਘ, ਪਵਿੱਤਰ ਸਿੰਘ, ਮੱਸਾ ਸਿੰਘ ਧਾਰੀਵਾਲ, ਸੁਰਿੰਦਰ ਸਿੰਘ ਕੱਲੂ ਸੋਹਲ, ਮਨਜੀਤ ਸਿੰਘ ਕਾਦੀਆਂ, ਬਖ਼ਸ਼ੀਸ਼ ਸਿੰਘ ਖੋਖਰ, ਗੁਰਨਾਮ ਸਿੰਘ ਕੱਲੂ ਸੋਹਲ, ਮਨਜੀਤ ਸਿੰਘ ਕਾਦੀਆਂ, ਬਖ਼ਸ਼ੀਸ਼ ਸਿੰਘ ਗੁਰਨਾਮ ਸਿੰਘ ਗੋਹਤ ਪੋਖਰ ਆਦਿ ਸ਼ਾਮਲ ਹੋਏ।

Listen Live

Subscription Radio Punjab Today

Our Facebook

Social Counter

  • 18960 posts
  • 1 comments
  • 0 fans

Log In