ਫਾਜ਼ਿਲਕਾ : ਜ਼ਿਲ੍ਹਾ ਪੱਧਰੀ ਸੁੰਦਰ ਲਿਖਾਈ ਮੁਕਾਬਲੇ ਦਾ ਨਤੀਜਾ ਐਲਾਨਿਆਂ

ਫਾਜ਼ਿਲਕਾ, 27 ਨਵੰਬਰ (ਸੁਰਿੰਦਰਜੀਤ ਸਿੰਘ) – ਸਕੂਲ ਸਿੱਖਿਆ ਵਿਭਾਗ ਪੰਜਾਬ ਅਤੇ ਐਸ.ਸੀ.ਈ ਆਰ.ਟੀ ਪੰਜਾਬ ਵੱਲੋਂ ਸਿੱਖਿਆ ਮੰਤਰੀ ਸ਼੍ਰੀ ਵਿਜੈ ਇੰਦਰ ਸਿੰਗਲਾ ਦੀ ਰਹਿਨੁਮਾਈ ਅਤੇ ਸਕੱਤਰ ਸਕੂਲ ਸਿੱਖਿਆ ਵਿਭਾਗ ਪੰਜਾਬ ਸ਼੍ਰੀ ਕ੍ਰਿਸ਼ਨ ਕੁਮਾਰ ਦੀ ਯੋਗ ਅਗਵਾਈ ਵਿੱਚ ਗੁਰੂ ਤੇਗ ਬਹਾਦਰ ਜੀ ਦੇ 400 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਆਨ ਲਾਈਨ ਵਿੱਦਿਅਕ ਮੁਕਾਬਲਿਆਂ ਦੀ ਲੜੀ ਵਿੱਚੋ ਸੁੰਦਰ ਲਿਖਾਈ ਮੁਕਾਬਲਾ ਕਰਵਾਇਆ ਗਿਆ ਸੀ। ਜਿਸ ਦਾ ਸਟੇਟ ਵੱਲੋਂ ਭੇਜਿਆ ਨਤੀਜਾ ਜਿਲ੍ਹਾ ਸਿੱਖਿਆ ਅਫਸਰ ਐਲੀ.ਅਤੇ ਸਕੈ. ਡਾ. ਸੁਖਵੀਰ ਸਿੰਘ ਬੱਲ ਵੱਲੋ ਐਲਾਨਿਆਂ ਗਿਆ। ਸੁੰਦਰ ਲਿਖਾਈ ਮੁਕਾਬਲੇ ਵਿੱਚ ਜਿਲ੍ਹਾ ਪੱਧਰ ਤੇ ਸਪਸ ਮੀਨੀਆ ਵਾਲੀ ਬਲਾਕ ਜਲਾਲਾਬਾਦ-2 ਦੇ ਵਿਦਿਆਰਥੀ  ਵਰਿੰਦਰ ਸਿੰਘ ਵੱਲੋ ਪਹਿਲੀ ਪੁਜੀਸ਼ਨ, ਸਪਸ ਢਾਣੀ ਨੱਥਾ ਸਿੰਘ ਬਲਾਕ ਗੁਰੂਹਰਸਹਾਏ-3 ਦੀ ਵਿਦਿਆਰਥਣ ਰੀਤੂ ਰਾਣੀ ਵਲੋਂ ਦੂਜੀ ਪੁਜੀਸ਼ਨ,ਅਤੇ ਸਰਕਾਰੀ ਪ੍ਰਾਇਮਰੀ ਸਕੂਲ ਚਾਨਣ ਵਾਲਾ ਬਲਾਕ ਫਾਜ਼ਿਲਕਾ-2 ਦੀ ਵਿਦਿਆਰਥਣ ਸਨੇਹਾ ਵੱਲੋ ਤੀਜੀ ਪੁਜੀਸ਼ਨ ਹਾਸਲ ਕੀਤੀ ਗਈ।ਇਸੇ ਲੜੀ ਵਿੱਚ ਸਪਸ ਤਰੋਬੜੀ ਬਲਾਕ ਜਲਾਲਾਬਾਦ-1 ਦੀ ਵਿਦਿਆਰਥਣ ਤਜਵੀਰ ਕੌਰ ਅਤੇ ਸਪਸ ਸਰਦਾਰਪੁਰਾ ਬਲਾਕ ਅਬੋਹਰ-1 ਦੀ ਵਿਦਿਆਰਥਣ ਤਾਰਾਵੰਤੀ  ਵੱਲੋ ਚੌਥੀ ਤੇ ਪੰਜਵੀ ਪੁਜੀਸ਼ਨ ਹਾਸਲ ਕੀਤੀ।
ਡਾ. ਬੱਲ ਵੱਲੋ ਜਿਲ੍ਹਾ ਪੱਧਰ ਤੇ ਜੇਤੂ ਵਿਦਿਆਰਥੀਆਂ, ਉਹਨਾਂ ਦੇ ਗਾਈਡ ਅਧਿਆਪਕ, ਸਕੂਲ ਦੇ ਸਮੂਹ ਸਟਾਫ਼ ਅਤੇ ਮਾਪਿਆਂ ਨੂੰ  ਵਧਾਈ ਦਿੱਤੀ ਜੋ ਇਸ ਔਖੇ ਸਮੇਂ ਵਿੱਚ ਬੱਚਿਆਂ ਨਾਲ ਲਗਾਤਾਰ ਰਾਬਤਾ ਕਾਇਮ ਕਰਕੇ ਉਹਨਾਂ ਨੂੰ ਮਿਹਨਤ ਕਰਵਾਈ।ਉਮੀਦ ਹੈ ਕਿ ਆਉਣ ਵਾਲੇ ਮੁਕਾਬਲਿਆਂ ਵਿੱਚ ਵੀ ਬੱਚਿਆਂ ਦੀ ਹੋਰ ਭਾਗੀਦਾਰੀ ਵਧੇਗੀ। ਉਹਨਾਂ ਦੱਸਿਆ ਕਿ ਇਹਨਾਂ ਮੁਕਾਬਲਿਆਂ ਦੇ ਸਫਲ ਸੰਚਾਲਨ ਲਈ ਸਮੂਹ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ ਸਾਹਿਬਾਨ, ਵਿੱਦਿਅਕ ਮੁਕਾਬਲੇ ਜਿਲ੍ਹਾ, ਬਲਾਕ ਅਤੇ ਕਲੱਸਟਰ ਨੋਡਲ ਇੰਚਾਰਜ, ਪੜ੍ਹੋ ਪੰਜਾਬ ਪੜਾਓ ਪੰਜਾਬ ਟੀਮ  ਮੈਬਰ ਅਤੇ ਸਮੂਹ ਅਧਿਆਪਕਾਂ ਨੇ ਸਲਾਘਾਯੋਗ ਕੰਮ ਕੀਤਾ ਹੈ ਉਹਨਾਂ ਨੇ ਜੇਤੂ ਵਿਦਿਆਰਥੀਆਂ ਨੂੰ ਸਟੇਟ ਪੱਧਰੀ ਮੁਕਾਬਲੇ ਲਈ ਸ਼ੁਭਕਾਮਨਾਵਾ ਦਿੱਤੀਆ ।