ਫਾਜ਼ਿਲਕਾ, 19 ਨਵੰਬਰ(ਸੁਰਿੰਦਰਜੀਤ ਸਿੰਘ) – ਸਰਕਾਰੀ ਆਈ.ਟੀ.ਆਈ ਫਾਜ਼ਿਲਕਾ ਵਿੱਚ ਪਿ੍ਰੰਸੀਪਲ ਹਰਦੀਪ ਕੁਮਾਰ ਦੀ ਅਗਵਾਈ ਹੇਠ ਰੋਜ਼ਗਾਰ ਮੇਲੇ ਦਾ ਆਯੋਜਨ ਕੀਤਾ ਗਿਆ।ਇਸ ਰੋਜ਼ਗਾਰ ਮੇਲੇ ਵਿੱਚ ਟਕਾਹਟਾ ਪਰਸੀਜ਼ਨ ਇੰਡੀਆ ਲਿਮਟਿਡ ਨੀਮਰਾਨਾ ਕੰਪਨੀ ਵਿਸ਼ੇਸ਼ ਤੋਰ `ਤੇ ਪਹੁੰਚੀ।ਇਸ ਰੋਜਗਾਰ ਮੇਲੇ ਦਾ ਆਯੋਜਨ ਪਲੇਸਮੈਂਟ ਅਫਸਰ ਮਦਨ ਲਾਲ ਕਿੱਕਰ ਖੇੜਾ ਅਤੇ ਜਸਵਿੰਦਰ ਸਿੰਘ ਦੀ ਦੇਖ-ਰੇਖ ਹੇਠ ਜੀ.ਆਈ ਸੁਖਵੰਤ ਸਿੰਘ ਅਤੇ ਦੇਸ ਰਾਜ ਦੇ ਦਿਸ਼ਾ ਨਿਰਦੇਸ਼ਾਂ ਦਾ ਪਾਲਣ ਕਰਦਿਆਂ ਕੀਤਾ ਗਿਆ। ਉਨ੍ਹਾਂ ਦੱਸਿਆ ਕਿ ਇਸ ਰੋਜ਼ਗਾਰ ਮੇਲੇ ਦੋਰਾਨ 40 ਦੇ ਕਰੀਬ ਭਾਗੀਦਾਰਾਂ ਨੇ ਹਿੱਸਾ ਲਿਆ।ਉਨ੍ਹਾਂ ਦੱਸਿਆ ਕਿ ਕੰਪਨੀ ਦੇ ਐਡਵੋਕੇਟ ਸੁਰਿੰਦਰ ਯਾਦਵ, ਸੂਰਿਆ ਦੇਵ ਅਤੇ ਪ੍ਰੀਤੀ ਯਾਦਵ ਵੱਲੋਂ ਵਿਸ਼ੇਸ਼ ਤੋਰ ਤੇ ਪਹੁੰਚ ਕੇ ਭਾਗੀਦਾਰਾਂ ਦੀ ਇੰਟਰਵਿਊ ਕੀਤੀ ਗਈ।ਉਨ੍ਹਾਂ ਕਿਹਾ ਕਿ ਕੰਪਨੀ ਦੇ ਮਾਪਦੰਡਾਂ ਅਨੁਸਾਰ 15 ਭਾਗੀਦਾਰਾਂ ਵੱਲੋਂ ਯੋਗਤਾ ਪੂਰੀ ਕੀਤੀ ਗਈ ਜਿਸ ਤਹਿਤ ਕੰਪਨੀ ਦੇ ਨੁਮਾਇੰਦਿਆਂ ਨੇ ਮੋਖਿਕ ਇੰਟਰਵਿਊ ਲੈ ਕੇ ਯੋਗ ਕੈਂਡੀਡੇਟਸ ਦੀ ਚੋਣ ਕੀਤੀ। ਇਸ ਮੌਕੇ ਪ੍ਰੋਗਰਾਮ ਅਫ਼ਸਰ ਐਨਐਸਐਸ ਸ. ਗੁਰਜੰਟ ਸਿੰਘ, ਕੈਪਟਨ ਕੁਲਵੰਤ ਸਿੰਘ ਰਠੌੜ ਅਤੇ ਸਮੂਹ ਸਟਾਫ਼ ਨੇ ਵੀ ਭੂਮਿਕਾ ਨਿਭਾਈ।