ਫਾਜ਼ਿਲਕਾ, 11 ਨਵੰਬਰ (ਸੁਰਿੰਦਰਜੀਤ ਸਿੰਘ) – ਸਿਵਲ ਸਰਜਨ ਡਾ ਕੁੰਦਨ ਕੇ ਪਾਲ ਦੀ ਅਗਵਾਈ ਹੇਠ ਫਾਜ਼ਿਲਕਾ ਦੇ ਮਿਠਾਈ ਵਿਕ੍ਰੇਤਾਵਾਂ ਅਤੇ ਹਲਵਾਈਆਂ ਦੀ ਇਕ ਮੀਟਿੰਗ ਦਫਤਰ ਸਿਵਲ ਸਰਜਨ ਫਾਜ਼ਿਲਕਾ ਵਿਚ ਹੋਈ। ਡਾ ਕੁੰਦਨ ਨੇ ਕਿਹਾ ਕਿ ਮਿਠਾਈ ਬਣਾਉਂਦੇ ਸਮੇ ਰਾਸਾਯਨਿਕ ਤੇ ਕ੍ਰਿਤ੍ਰਿਮ ਰੰਗਾਂ ਦਾ ਇਸਤੇਮਾਲ ਨਾ ਕੀਤਾ ਜਾਵੇ ਅਤੇ ਇਨ੍ਹਾਂ ਦੀ ਵਰਤੋਂ ਕਰਨ `ਤੇ ਮਨਾਹੀ ਹੈ ਕਿਉਂ ਜ਼ੋ ਜਿਆਦਾ ਮਾਤਰਾ ਵਿੱਚ ਰੰਗੀਨ ਮਿਠਾਈ ਸਿਹਤ ਦੇ ਲਈ ਹਾਨੀਕਾਰਕ ਹੈ।
ਸਿਵਲ ਸਰਜਨ ਨੇ ਨਿਰਦੇਸ਼ ਦਿੰਦੇ ਹੋਏ ਕਿਹਾ ਕਿ ਸਾਰੇ ਡਿੱਬਿਆਂ ਤੇ ਮਿਠਾਈ ਬਣਾਉਣ ਦੀ ਮਿਤੀ ਜ਼ਰੂਰੀ ਲਿਖੀ ਹੋਣੀ ਚਾਹੀਦੀ ਹੈ ਅਤੇ ਡਿਬਿਆਂ ਦਾ ਵਜਨ ਮਿਠਾਈ ਦੇ ਵਜਨ ਵਿੱਚ ਸ਼ਾਮਿਲ ਨਾ ਹੋਏ।ਉਨ੍ਹਾਂ ਕਿਹਾ ਕਿ ਕੋਵਿਡ 19 ਦੇ ਚਲਦੇ ਮਿਠਾਈ ਬਣਾਉਣ ਅਤੇ ਵੇਚਣ ਦਾ ਕੰਮ ਕਰਨ ਵਾਲਿਆਂ ਦੇ ਮਾਸਕ ਲਗਿਆ ਹੋਣਾ ਲਾਜਮੀ ਹੋਏ ਅਤੇ ਬਿਨਾ ਦਸਤਾਨਿਆਂ ਦੇ ਕੋਈ ਵੀ ਮਜਦੂਰ ਅਤੇ ਕਰਮਚਾਰੀ ਨਾ ਤਾਂ ਮਿਠਾਈ ਬਣਾਏ ਅਤੇ ਨਾ ਵੇਚੇ।
ਉਨ੍ਹਾਂ ਕਿਹਾ ਕਿ ਸਿਹਤ ਵਿਭਾਗ ਵੱਲੋਂ ਮਿਲਾਵਟ ਖੋਰਾ ਅਤੇ ਗਲਤ ਕੰਮ ਕਰਨ ਵਾਲਿਆਂ ਤੇ ਲਗਾਤਾਰ ਨਜਰਸਾਨੀ ਰੱਖੀ ਜਾ ਰਹੀ ਹੈ।ਉਨ੍ਹਾਂ ਕਿਹਾ ਕਿ ਕਿਸੇ ਨੂੰ ਵੀ ਬਕਸ਼ਿਆ ਨਹੀਂ ਜਾਵੇਗਾ।ਜ਼ਿਲਾ ਮਾਸ ਮੀਡੀਆ ਅਧਿਕਾਰੀ ਅਨਿਲ ਧਾਮੂ ਨੇ ਕਿਹਾ ਕਿ ਮਿਲਾਵਟ ਕਰਨਾ ਸਮਾਜ ਅਤੇ ਲੋਕਾਂ ਦੇ ਪ੍ਰਤੀ ਅਪਰਾਧ ਹੈ।ਉਨ੍ਹਾਂ ਕਿਹਾ ਕਿ ਲੋਕਾਂ ਨੂੰ ਵੀ ਚਾਹੀਦਾ ਕਿ ਮਿਲਾਵਟ ਕਰਨ ਵਾਲੇ ਅਤੇ ਉਨ੍ਹਾਂ ਦੀ ਸਿਹਤ ਨਾਲ ਖਿਲਵਾੜ ਕਰਨ ਵਾਲਿਆਂ ਦਾ ਸਮਜਿਕ ਤੌਰ ਤੇ ਬਾਈਕਾਟ ਕੀਤਾ ਜਾਵੇ।