ਬੈਂਗਲੁਰੂ, 7 ਨਵੰਬਰ – ਭਾਰਤੀ ਪੁਲਾੜ ਖੋਜ ਏਜੰਸੀ (ਇਸਰੋ) ਨੇ ਦੁਨੀਆ ‘ਚ ਇਕ ਵਾਰ ਫਿਰ ਆਪਣੀ ਤਕਨੀਕ ਦਾ ਲੋਹਾ ਮਨਵਾਇਆ ਹੈ। ਇਸਰੋ ਨੇ ਦੁਪਹਿਰ 3 ਵੱਜ ਕੇ 2 ਮਿੰਟ ‘ਤੇ PSLV-C49 ਰਾਹੀਂ 10 ਉਪਗ੍ਰਿਹਾਂ ਨੂੰ ਲਾਂਚ ਕੀਤਾ। ਇਨ੍ਹਾਂ ਵਿਚ ਨੌਂ ਵਿਦੇਸ਼ੀ ਸੈਟੇਲਾਈਟ ਵੀ ਹਨ। ਇਸਰੋ ਨੇ ਦੱਸਿਆ ਕਿ ਸਾਰੇ 9 ਗ੍ਰਾਹਕ ਉਪਗ੍ਰਹਿ ਸਫ਼ਲਤਾਪੂਰਵਕ ਆਪਣੇ ਓਰਬਿਟ ‘ਚ ਅਲੱਗ ਹੋ ਗਏ ਅਤੇ ਇੰਜੈਕਟ ਕੀਤੇ ਗਏ ਹਨ। ਪੀਐੱਮ ਮੋਦੀ ਨੇ ਅੱਜ PSLV-349 ਮਿਸ਼ਨ ਦੀ ਸਫ਼ਲ ਲਾਂਚਿੰਗ ਲਈ ਇਸਰੋ ਅਤੇ ਭਾਰਤ ਦੇ ਪੁਲਾੜ ਉਦਯੋਗ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਨੇ ਕਿਹਾ ਕਿ ਕੋਰੋਨਾ ਵਾਇਰਸ ਦੇ ਸਮੇਂ ਸਾਡੇ ਵਿਗਿਆਨੀਆਂ ਨੇ ਸਮਾਂ-ਸੀਮਾ ਨੂੰ ਪੂਰਾ ਕਰਨ ਲਈ ਕਈ ਮੁਸ਼ਕਲਾਂ ਨੂੰ ਪਾਰ ਕੀਤਾ ਹੈ।ਜੇਕਰ ਇਹ ਮਿਸ਼ਨ ਸਫਲ ਰਿਹਾ ਤਾਂ ਭਾਰਤ ਵੱਲੋਂ ਛੱਡੇ ਗਏ ਵਿਦੇਸ਼ੀ ਸੈਟੇਲਾਈਟਾਂ ਦੀ ਗਿਣਤੀ 328 ਤਕ ਪਹੁੰਚ ਜਾਵੇਗੀ। ਇਨ੍ਹਾਂ ਸੈਟੇਲਾਈਟਾਂ ਦੇ ਪ੍ਰੀਖਣ ਲਈ ਸ਼ੁੱਕਰਵਾਰ ਦੁਪਹਿਰ ਨੂੰ 26 ਘੰਟੇ ਦੀ ਉਲਟੀ ਗਿਣਤੀ ਸ਼ੁਰੂ ਹੋ ਗਈ।
