Menu

ਐੱਚ ਡੀ ਐੱਫ ਸੀ ਬੈਂਕ ਦਾ ਮੁਲਾਜ਼ਮ ਕਰੋਨਾ ਪੀੜਤ ਮਿਲਣ ਤੇ ਬੈਂਕ ਸਟਾਫ ਚ ਮੱਚਿਆ ਹੜਕੰਪ

ਕਾਹਨੂੰਵਾਨ, 15 ਸਤੰਬਰ(ਕੁਲਦੀਪ ਜਾਫਲਪੁਰ) – ਮੁੱਖ ਮੰਤਰੀ ਪੰਜਾਬ ਵੱਲੋਂ ਪੰਜਾਬ ਵਿੱਚ ਕਰੋਨਾ ਪ੍ਰਤੀ ਕੀਤੀਆਂ ਭਵਿੱਖਬਾਣੀਆਂ ਹੁਣ ਕਾਫੀ ਸਟੀਕ ਬੈਠ ਰਹੀਆਂ ਹਨ। ਜਿਨ੍ਹਾਂ ਦੀ ਮਿਸਾਲ ਪਬਲਿਕ ਡੀਲ ਵਾਲੀਆਂ ਸੰਸਥਾਵਾਂ ਵਿੱਚ ਵੀ ਕਰੋਨਾ ਵਧ ਰਿਹਾ ਹੈ।ਜਿਸ ਦੀ ਮਿਸਾਲ ਕਾਹਨੂੰਵਾਨ ਦੀ ਐੱਚ ਡੀ ਐੱਫ ਸੀ ਬੈਂਕ ਤੋਂ ਮਿਲੀ। ਜਿਸ ਵਿੱਚ ਉੱਥੋਂ ਦੇ ਇੱਕ ਬੈਂਕ ਦੇ ਇੱਕ ਮੁਲਾਜ਼ਮ ਨੂੰ ਕਰੋਨਾ ਪੀੜਤ ਪਾਇਆ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਬੈਂਕ ਦੇ ਮੈਨਜਰ ਦੇ ਦੱਸਿਆ ਕਿ ਬੈਂਕ ਦਾ ਮੁਲਾਜ਼ਮ ਬੁਖ਼ਾਰ ਤੋਂ ਪੀੜਤ ਸੀ। ਅੱਜ ਜਦੋਂ ਸਿਹਤ ਵਿਭਾਗ ਦੇ ਮੁਲਾਜ਼ਮਾਂ ਨੇ ਇਸ ਬੈਂਕ ਕਰਮਚਾਰੀ ਦਾ ਕਰੋਨਾ ਸੈਂਪਲ ਲਿਆ ਤਾਂ ਉਸ ਨੂੰ ਪੀੜਤ ਪਾਇਆ ਗਿਆ। ਗੌਰਤਲਬ ਮੈ ਕਿ ਇਸ ਬੈਂਕ ਦੇ ਕਰਮਚਾਰੀ ਨੂੰ ਕਰੋਨਾ ਪੀੜਤ ਪਾਏ ਜਾਣ ਤੋਂ ਬਾਅਦ ਬੈਂਕ ਦੇ ਸਟਾਫ਼ ਅਤੇ ਗਾਹਕਾਂ ਵਿਚ ਹੜਕੰਪ ਮੱਚ ਗਿਆ। ਇਸ ਦੀ ਸੂਚਨਾ ਜਦੋਂ ਸਿਹਤ ਵਿਭਾਗ ਦੀ ਮੈਡੀਕਲ ਟੀਮ ਨੂੰ ਮਿਲੀ ਤਾਂ ਉਨ੍ਹਾਂ ਨੇ ਬੈਂਕ ਦੇ ਸਾਰੇ ਹੀ ਸਟਾਫ਼ ਦਾ ਕਰੋਨਾ ਸੈਂਪਲ ਲਏ। ਜਿਸ ਵਿੱਚ ਹੋਰ ਕਿਸੇ ਮੁਲਾਜ਼ਮ ਨੂੰ ਹਾਲ ਦੀ ਘੜੀ ਕਰੋਨਾ ਪੀੜਤ ਨਹੀਂ ਪਾਇਆ ਗਿਆ ਹੈ।ਇਸ ਸਬੰਧੀ ਗੱਲਬਾਤ ਕਰਦੇ ਹੋਏ ਬੈਂਕ ਦੇ ਗ੍ਰਾਹਕ ਲਖਵਿੰਦਰ ਸਿੰਘ ਨੇ ਦੱਸਿਆ ਕਿ ਉਸ ਦਾ ਬੈਂਕ ਨਾਲ ਕਾਫੀ ਲੈਣ ਦੇਣ ਹੈ ਅਤੇ ਉਹ ਬੈਂਕ ਵੀ ਉਸ ਦੇ ਘਰ ਦੇ ਹੇਠ ਹੈ। ਇਸ ਲਈ ਉਸ ਨੇ ਵੀ ਤੁਰੰਤ ਆਪਣਾ ਕਰੋਨਾ ਸੈਂਪਲ ਕਰਵਾਇਆ ਹੈ ਜਿਸ ਵਿੱਚ ਉਸ ਦੀ ਰਿਪੋਰਟ ਨੈਗਟਿਵ ਨਿਕਲੀ ਹੈ। ਪਰ ਇੱਥੇ ਚਿੰਤਾ ਵਾਲੀ ਗੱਲ ਹੈ ਇਹ ਹੈ ਕਿ ਇਸ ਕਰਮਚਾਰੀ ਦੇ ਸੰਪਰਕ ਵਿੱਚ ਆਉਣ ਵਾਲੇ ਗ੍ਰਾਹਕਾਂ ਤੇ ਹੋਰ ਲੋਕਾਂ ਦੀ ਵੀ ਜਲਦੀ ਤੋਂ ਜਲਦੀ ਕਰੋਨਾ ਸੈਂਪਲਿੰਗ ਕਰਨੀ ਬਣਦੀ ਹੈ। ਜਿਸ ਲਈ ਸਿਹਤ ਵਿਭਾਗ ਨੂੰ ਵੱਡੀ ਮੁਸ਼ੱਕਤ ਕਰਨੀ ਪਵੇਗੀ। ਜਿਸ ਵਿੱਚ ਉਨ੍ਹਾਂ ਨੂੰ ਬੈਂਕ ਕਰਮਚਾਰੀਆਂ ਦੇ ਸੰਪਰਕ ਵਿੱਚ ਆਏ ਲੋਕਾਂ ਦੀ ਜਾਣਕਾਰੀ ਹਾਸਲ ਕਰਨੀ ਹੋਵੇਗੀ। ਇਸ ਸਬੰਧੀ ਜਦੋਂ ਸਿਹਤ ਵਿਭਾਗ ਦੇ ਐੱਸ ਐੱਮ ਓ ਇਕਬਾਲ ਸਿੰਘ ਮੁਲਤਾਨੀ ਨਾਲ ਗੱਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਦੀ ਮੈਡੀਕਲ ਟੀਮ ਵੱਲੋਂ ਪਹਿਲ ਦੇ ਆਧਾਰ ਤੇ ਬੈਂਕ ਕਰਮਚਾਰੀਆਂ ਦੇ ਸੈਂਪਲ ਲਏ ਹਨ। ਜੇਕਰ ਹੋਰ ਵੀ ਜ਼ਰੂਰਤ ਪਈ ਤਾਂ ਬੈਂਕ ਕਰਮਚਾਰੀਆਂ ਦੇ ਸੰਪਰਕ ਵਿੱਚ ਆਏ ਲੋਕਾਂ ਦੇ ਵੀ ਸੈਂਪਲ ਪਹਿਲ ਦੇ ਆਧਾਰ ਤੇ ਕੀਤੇ ਜਾਣਗੇ।

Listen Live

Subscription Radio Punjab Today

Our Facebook

Social Counter

  • 17184 posts
  • 0 comments
  • 0 fans

Log In