ਪੰਜਾਬ ਪੁਲਿਸ ਦੇ ਦੋ ਸੀਨੀਅਰ ਸਿਪਾਹੀ ਇੱਕ ਕਿਲੋ ਅਫੀਮ ਤੇ ਡੋਡਿਆਂ ਸਣੇ ਕਾਬੂ

ਫ਼ਤਹਿਗੜ੍ਹ ਸਾਹਿਬ  22  ਅਕਤੂਬਰ (ਹਰਜੀਤ ਮਠਾੜੂ) –  ਜ਼ਿਲ੍ਹਾ ਪੁਲਿਸ ਵੱਲੋਂ ਨਸ਼ਿਆਂ ਦੇ ਵਪਾਰੀਆਂ ਵਿਰੁੱਧ ਚਲਾਈ ਜਾ ਰਹੀ ਮੁਹਿੰਮ ਤਹਿਤ ਪੰਜਾਬ ਪੁਲਿਸ ਦੇ ਦੋ ਸੀਨੀਅਰ ਸਿਪਾਹੀਆਂ ਨੂੰ ਇੱਕ ਕਿਲੋ ਅਫੀਮ ਅਤੇ 07 ਕਿਲੋਂ ਡੋਡਿਆਂ/ਭੁੱਕੀ ਚੂਰਾ ਪੋਸਤ ਸਮੇਤ ਕਾਬੂ ਕੀਤਾ ਹੈ। ਇਹ ਜਾਣਕਾਰੀ ਜ਼ਿਲ੍ਹਾ ਪੁਲਿਸ ਮੁਖੀ ਅਮਨੀਤ ਕੌਂਡਲ ਨੇ ਦਿੱਤੀ। ਐਸਐਸਪੀ ਨੇ ਦੱਸਿਆ ਕਿ  ਐਸ.ਪੀ(ਜਾਂਚ) ਜਗਜੀਤ ਸਿੰਘ ਜੱਲ੍ਹਾ ਦੀ ਅਗਵਾਈ ਅਤੇ  ਡੀ.ਐਸ.ਪੀ. ਖਮਾਣੋਂ ਧਰਮਪਾਲ ਦੀ ਨਿਗਰਾਨੀ ਹੇਠ ਮੁੱਖ ਥਾਣਾ ਅਫਸਰ ਖਮਾਣੋਂ ਇੰਸਪੈਕਟਰ ਹਰਵਿੰਦਰ ਸਿੰਘ ਦੀ ਟੀਮ ਵਲੋਂ ਇੱਕ ਵਿਅਕਤੀ ਨੂੰ ਕਾਬੂ ਕਰਕੇ ਉਸ ਪਾਸੋਂ ਇੱਕ ਕਿਲੋ ਅਫੀਮ ਅਤੇ 07 ਕਿਲੋ ਡੋਡੋ ਬ੍ਰਾਮਦ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਕਾਬੂ ਕੀਤਾ ਦੋਸ਼ੀ ਲੁਧਿਆਣਾ ਵਿਖੇ ਨਾਰਕੋਟਿਕ ਸੈਲ ਵਿੱਚ ਤਾਇਨਾਤ ਕਥਿਤ ਦੋਸ਼ੀ ਤੋਂ ਲਿਆ ਕੇ ਅਫੀਮ ਤੇ ਡੋਡੋ ਵੇਚਦਾ ਸੀ।