ਅਕਾਲੀ ਦਲ ਦੀ ਸਰਕਾਰ ਹੁੰਦੀ ਤਾਂ ਕੱਢ ਦੇਣਾ ਸੀ ਕੁਝ ਹੀ ਘੰਟਿਆਂ ‘ਚ ਪਾਣੀ – ਸੁਖਬੀਰ ਬਾਦਲ

ਜਲਾਲਾਬਾਦ,9 ਸਤੰਬਰ – ਜਲਾਲਾਬਾਦ ਦੇ ਅਲੱਗ-ਅਲੱਗ ਹੜ੍ਹ ਪ੍ਰਭਾਵਿਤ ਪਿੰਡਾਂ ਦਾ ਜਾਇਜ਼ਾ ਲੈਣ ਦੌਰਾਨ ਪਾਰਟੀ ਪ੍ਰਧਾਨ ਸਰਦਾਰ ਸੁਖਬੀਰ ਸਿੰਘ ਬਾਦਲ ਜੀ ਨੇ ਕਿਸਾਨਾਂ ਨਾਲ ਗੱਲਬਾਤ ਕਰਦਿਆਂ ਨੁਕਸਾਨੀਆਂ ਗਈਆਂ ਫ਼ਸਲਾਂ ਅਤੇ ਪਾਣੀ ਦੀ ਨਿਕਾਸੀ ਬਾਰੇ ਜਾਣਕਾਰੀ ਹਾਸਿਲ ਕੀਤੀ। ਇਸ ਦੌਰਾਨ ਉਨ੍ਹਾਂ ਕਾਂਗਰਸ ਸਰਕਾਰ ਦੀਆਂ ਨਾਕਾਮੀਆਂ ਬਾਰੇ ਦੱਸਦਿਆਂ ਕਿਹਾ ਕਿ ਪੰਜਾਬ ਵਿੱਚ ਸਰਕਾਰ ਨਾਂ ਦੀ ਕੋਈ ਚੀਜ਼ ਨਹੀਂ ਹੈ ਅਤੇ ਸਰਕਾਰ ਕਿਸਾਨਾਂ ਦੀਆਂ ਫਸਲਾਂ ਨੂੰ ਬਚਾਉਣ ਵਿੱਚ ਫੇਲ੍ਹ ਸਾਬਤ ਹੋਈ ਹੈ।ਉਨਾਂ ਕਿਹਾ ਕਿ ਜੇਕਰ ਅਕਾਲੀ ਦਲ ਦੀ ਸਰਕਾਰ ਹੁੰਦੀ ਤਾਂ ਅਜਿਹੀ ਸਥਿਤੀ ਨਹੀਂ ਹੋਣੀ ਸੀ, ਹਲਕੇ ਦੇ ਲੋਕ ਇਕ ਸਾਲ ਦਾ ਇੰਤਜ਼ਾਰ ਕਰਨ , ਅਕਾਲੀ ਸਰਕਾਰ ਆਉਣ ਤੇ ਪਾਣੀ ਦੀ ਨਿਕਾਸੀ ਦੇ ਵਧੀਆ ਪ੍ਰਬੰਧ ਕੀਤੇ ਜਾਣਗੇ। ਇਸ ਦੌਰਾਨ ਸਰਦਾਰ ਬਾਦਲ ਸਾਹਿਬ ਜੀ ਨੇ ਪ੍ਰਭਾਵਿਤ ਪਿੰਡਾਂ ਵਿੱਚ ਪੀਣ ਯੋਗ ਪਾਣੀ ਦੀ ਸਹੂਲਤ ਲਈ ਕੱਲ੍ਹ ਤੋਂ ਹੀ ਪਾਣੀ ਵਾਲੇ ਟੈਂਕਰ ਦਾ ਪ੍ਰਬੰਧ ਕੀਤਾ।
ਇਸ ਸਮੇਂ ਸਰਦਾਰ ਬਾਦਲ ਸਾਹਿਬ ਜੀ ਦੇ ਨਾਲ ਹਲਕਾ ਇੰਚਾਰਜ਼ ਸਰਦਾਰ ਸਤਿੰਦਰਜੀਤ ਸਿੰਘ ਮੰਟਾ ਜੀ, ਜ਼ਿਲ੍ਹਾ ਪ੍ਰਧਾਨ ਜਥੇਦਾਰ ਗੁਰਪਾਲ ਸਿੰਘ ਗਰੇਵਾਲ ਜੀ, ਲਖਵਿੰਦਰ ਸਿੰਘ ਰੋਹੀ ਵਾਲਾ ਮੈਂਬਰ ਕੋਰ ਕਮੇਟੀ YAD, ਹਰਜੀਤ ਸਿੰਘ ਹੀਰਾ ਸੰਧੂ ਮੈਂਬਰ ਕੋਰ ਕਮੇਟੀ YAD, ਸਤਨਾਮ ਸਿੰਘ ਢਿੱਪਾਂ ਵਾਲੀ ਸਰਕਲ ਪ੍ਰਧਾਨ, ਜਗਮੇਲ ਸਿੰਘ ਘੁੜਿਆਣਾ ਸਰਕਲ ਪ੍ਰਧਾਨ, ਮੁਖਪਾਲਦੀਪ ਸਿੰਘ ਲਾਡੀ ਪਾਕਾਂ, ਹਰਜਿੰਦਰ ਸਿੰਘ ਸੰਧੂ ਦਫ਼ਤਰ ਇੰਚਾਰਜ਼ ਅਰਨੀਵਾਲਾ, ਜਤਿੰਦਰ ਨਕਈ, ਜਸਵੀਰ ਸਿੰਘ ਸ਼ੀਰਾ ਘੁੜਿਆਣਾ ਆਦਿ ਹਾਜ਼ਰ ਸਨ।