ਬਠਿੰਡਾ, 7 ਸਤੰਬਰ – ਸੀਨੀਅਰ ਕਪਤਾਨ ਪੁਲਿਸ ਬਠਿੰਡਾ ਸ੍ਰੀ ਭੁਪਿੰਦਰਜੀਤ ਸਿੰਘ ਵਿਰਕ ਨੇ ਮੀਡੀਆ ਨਾਲ ਗੱਲਬਾਤ ਕਰਦਿਆ ਦੱਸਿਆ ਕਿ 05 ਸਤੰਬਰ 2020 ਕਰੀਬ 10 ਵਜੇ ਸੁਖਨਪ੍ਰੀਤ ਸਿੰਘ ਸੰਧੂ ਉਰਫ ਸੁਖਨ ਪੁੱਤਰ ਗੁਰਵਿੰਦਰ ਸਿੰਘ ਵਾਸੀ ਗਲੀ ਨੰਬਰ 09 ਲਾਲ ਸਿੰਘ ਬਸਤੀ ਬਠਿੰਡਾ ਨੂੰ ਕਿਸੇ ਨਾਂਮਲੂਮ ਵਿਅਕਤੀ ਨੇ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਸੀ।ਜਿਸ ਤੇ ਪੁਲਿਸ ਨੇ ਕਾਰਵਾਈ ਕਰਦਿਆ ਹੋਇਆ ਗੁਰਵਿੰਦਰ ਸਿੰਘ ਪੁੱਤਰ ਗੁਰਦੀਪ ਸਿੰਘ ਵਾਸੀ ਗਲੀ ਨੰਬਰ 09 ਲਾਲ ਸਿੰਘ ਬਸਤੀ ਬਠਿੰਡਾ ਦੇ ਬਿਆਨ ਤੇ ਮੁਕੱਦਮਾ ਨੰਬਰ 190 06 ਸਤੰਬਰ 2020 ਅ/ਧ 302, 382 ਤੇ 25ੇ54ੇ59 ਂਤ;ਮ ਂਢਾਵ ਥਾਣਾ ਕੈਨਾਲ ਕਲੌਨੀ ਬਠਿੰਡਾ ਵਿਖੇ ਦਰਜ਼ ਰਜਿਸਟਰ ਕੀਤਾ ਗਿਆ।
ਉਨ੍ਹਾਂ ਦੱਸਿਆ ਕਿ ਉਕਤ ਮੁੱਕਦਮਾ ਨੂੰ ਟਰੇਸ ਕਰਨ ਲਈ ਜੇਰੇ ਨਿਗਰਾਨੀ ਗੁਰਬਿੰਦਰ ਸਿੰਘ ਸੰਘਾ, ਪੀ.ਪੀ.ਐਸ ਕਪਤਾਨ ਪੁਲਿਸ (ਇੰਨਵੈਟੀਕੇਸ਼ਨ) ਜਸਪਾਲ ਸਿੰਘ ਪੀ.ਪੀ.ਐਸ ਕਪਤਾਨ ਪੁਲਿਸ (ਸਿਟੀ), ਗੁਰਜੀਤ ਸਿੰਘ ਰੋਮਾਣਾ, ਪੀ.ਪੀ.ਐਸ ਉਪ ਕਪਤਾਨ ਪੁਲਿਸ (ਸਿਟੀ-1) ਬਠਿੰਡਾ, ਸਬ ਇੰਸਪੈਕਟਰ ਚਮਕੌਰ ਸਿੰਘ, ਮੁੱਖ ਅਫਸਰ ਥਾਣਾਂ ਕੈਨਾਲ ਕਲੋਨੀ ਬਠਿੰਡਾ ਅਤੇ ਸਬ ਇੰਸਪੈਕਟਰ ਤਰਜਿੰਦਰ ਸਿੰਘ ਇੰਚਾਰਜ਼. ਸੀ.ਆਈ.ਏ ਸਟਾਫ-2, ਦੀਆਂ ਵੱਖ-ਵੱਖ ਟੀਮਾਂ ਗਠਿਤ ਕੀਤੀਆ ਗਈਆ।ਜਿਨ੍ਹਾਂ ਨੇ ਉਕਤ ਮੁਕੱਦਮਾ ਦੀ ਤਫਤੀਸ਼ ਦੇ ਹਰ ਪਹਿਲੂ ਦੀ ਟੈਕਨੀਕਲ ਅਤੇ ਆਪਣੇ ਸੋਰਸਾ ਦੇ ਅਧਾਰ ਤੇ ਤਫਤੀਸ ਕਰਦਿਆ ਹੋਇਆ ਸੰਜੇ ਠਾਕੁਰ ਉਰਫ ਸੰਮੀ ਪੁੱਤਰ ਉਮੇਸ਼ ਕੁਮਾਰ ਵਾਸੀ ਗਲੀ ਨੰਬਰ 30/04 ਪ੍ਰਤਾਪ ਨਗਰ ਬਠਿੰਡਾ ਨੂੰ ਉਕਤ ਮੁਕੱਦਮਾ ਵਿੱਚ ਨਾਮਜਦ ਕੀਤਾ ਗਿਆ ਜਿਸ ਨੂੰ ਅੱਜ 07 ਸਤੰਬਰ 2020 ਨੂੰ ਨੇੜੇ ਬੱਸ ਅੱਡਾ ਪਿੰਡ ਜੈ ਸਿੰਘ ਵਾਲਾ ਤੋ ਗ੍ਰਿਫਤਾਰ ਕੀਤਾ ਗਿਆ ਜਿਸਨੇ 05 ਸਤੰਬਰ 2020 ਦੀ ਰਾਤ ਨੂੰ ਸੁਖਨਪ੍ਰੀਤ ਸਿੰਘ ਸੰਧੂ ਉਰਫ ਸੁਖਨ ਦੇ ਕਤਲ ਦੀ ਘਟਨਾ ਨੂੰ ਅੰਜ਼ਾਮ ਦਿੱਤਾ ਸੀ।
ਪੁਲਿਸ ਵਲੋਂ ਕੀਤੀ ਗਈ ਪੁੱਛ-ਗਿੱਛ ਇਹ ਪਤਾ ਲੱਗਾ ਕਿ ਮ੍ਰਿਤਕ ਸੁਖਨਪ੍ਰੀਤ ਨਾਲ ਪੈਸੇ ਦਾ ਲੈਣ ਦੇਣ ਚੱਲਦਾ ਹੈ ਕਿੳਂੁਕਿ ਦੋਸੀ ਸੰਜੇ ਕੁਮਾਰ ਠਾਕਰ ਫਾਇਨਾਂਸ ਦਾ ਕੰਮ ਕਰਦਾ।ਇਸ ਪਾਸੋ ਮ੍ਰਿਤਕ ਸੁਖਨਪ੍ਰੀਤ ਸਿੰਘ ਨੇ ਕਰੀਬ ਤਿੰਨ ਸਾਲ ਪਹਿਲਾ 3 ਲੱਖ ਰੁਪਏ ਲੋਨ ਲਿਆ ਸੀ ਜਿਸ ਵਿੱਚੋ ਇੱਕ ਲੱਖ ਰੁਪਏ ਦੀ ਅਦਾਇਗੀ ਕਰਨ ਲਈ ਗੱਲ ਹੋਈ ਸੀ, ਜਿਸ ਵਿੱਚੋ ਮ੍ਰਿਤਕ ਸਿਰਫ 40 ਹਜਾਰ ਰੁਪਏ ਘਰੋ ਲੈ ਕੇ ਸੰਜੇ ਠਾਕੁਰ ਨੂੰ ਦੇਣ ਲਈ ਆਇਆ ਸੀ।ਜਿਸ ਪਰ ਇਹਨਾਂ ਦਾ ਆਪਸ ਵਿੱਚ ਤਕਰਾਰ ਹੋ ਗਿਆ, ਜਿਸ ਤੇ ਸੰਜੇ ਠਾਕੁਰ ਨੇ ਇਸ ਦਾ ਹੀ ਪਿਸਟਲ ਖੋਹ ਕੇ ਸੁਖਨਪ੍ਰੀਤ ਸਿੰਘ ਦੇ ਸਿਰ ਵਿੱਚ ਗੋਲੀ ਮਾਰੀ ਅਤੇ ਮੌਕੇਤੋ ਪਿਸਟਲ ਅਤੇ 40 ਹਜਾਰ ਰੁਪਏ ਲੈਕਰ ਫਰਾਰ ਹੋ ਗਿਆ ਜੋ ਅੱਜ ਮਿਤੀ 07 ਸਤੰਬਰ 2020 ਨੂੰ ਆਪਣੀ ਘਰਵਾਲੀ ਨੂੰ ਦਿੱਲੀ ਛੱਡ ਕੇ ਵਾਪਸ ਆ ਰਿਹਾ ਸੀ ਤਾਂ ਇਸਦੀ ਸ਼ਨਾਖਤ ਕਰਵਾ ਕੇ ਇਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਅਤੇ ਦੌਰਾਨੇ ਪੁੱਛਗਿੱਛ ਵਾਰਦਾਤ ਵਿੱਚ ਵਰਤਿਆ ਗਿਆ ਪਿਸਟਲ 32 ਬੋਰ ਜੋ ਕਿ ਮ੍ਰਿਤਕ ਦਾ ਹੀ ਸੀ ਨੂੰ ਅ/ਧ 27 ਐਵੀਡੰਸ ਐਕਟ ਤਹਿਤ ਬਰਾਮਦ ਕਰਕੇ ਕਬਜਾ ਪੁਲਿਸ ਵਿੱਚ ਲਿਆ ਹੈ।
ਇਸ ਮੌਕੇ ਉਨ੍ਹਾਂ ਇਹ ਵੀ ਦੱਸਿਆ ਕਿ ਦੋਸ਼ੀ ਨੂੰ ਕੱਲ ਮਿਤੀ 08 ਸਤੰਬਰ ਨੂੰ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਇਸਦਾ ਪੁਲਿਸ ਰਿਮਾਡ ਹਾਸਲ ਕਰਕੇ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾਵੇਗੀ ਜਿਸ ਵਿੱਚ ਹੋਰ ਅਹਿਮ ਇੰਕਸ਼ਾਫ ਹੋਣ ਦੀ ਸੰਭਾਵਨਾਂ ਹੈ।
