ਬਠਿੰਡਾ, 7 ਸਤੰਬਰ – ਕੌਮਾਤਰੀ ਮਹਾਂਮਾਰੀ ਕੋਵਿਡ-19 ਦੇ ਮੱਦੇਨਜ਼ਰ ਜ਼ਿਲਾ ਮੈਜਿਸਟੇ੍ਰਟ-ਕਮ-ਡਿਪਟੀ ਕਮਿਸ਼ਨਰ ਸ਼੍ਰੀ ਬੀ.ਸ੍ਰੀਨਿਵਾਸਨ ਨੇ ਹੁਕਮ ਜਾਰੀ ਕਰਦਿਆਂ ਕਰੋਨਾ ਪ੍ਰਭਾਵਿਤ ਵਿਅਕਤੀਆਂ ਦੇ ਸੁਚੱਜੇ ਢੰਗ ਨਾਲ ਇਲਾਜ ਮੁਹੱਈਆ ਕਰਨ ਦੇ ਮੰਤਵ ਨਾਲ ਜ਼ਿਲੇ ਦੇ ਵੱਖ-ਵੱਖ ਪ੍ਰਾਈਵੇਟ ਹਸਪਤਾਲਾਂ ਲਈ ਤਾਲਮੇਲ ਤੇ ਨੋਡਲ ਅਫ਼ਸਰ ਨਿਯੁਕਤ ਕੀਤੇ ਗਏ ਹਨ।
ਜ਼ਿਲਾ ਮੈਜਿਸਟੇ੍ਰਟ ਨੇ ਹੁਕਮ ਜਾਰੀ ਕਰਦਿਆਂ ਕਿਹਾ ਕਿ ਮੈਕਸ ਸੁਪਰ ਸਪੈਸ਼ਲਿਟੀ ਹਸਪਤਾਲ ਬਠਿੰਡਾ, ਪ੍ਰੇਗਮਾ ਹਸਪਤਾਲ, ਇੰਦਰਾਨੀ ਹਸਪਤਾਲ, ਗਲੋਬਲ ਹਸਪਤਾਲ ਸੱਤਿਅਮ ਹਸਪਤਾਲ ਬਠਿੰਡਾ ਲਈ ਸ਼੍ਰੀ ਮਨਪ੍ਰੀਤ ਸਿੰਘ ਅਰਸੀ, ਡਾ. ਸਤੀਸ਼ ਜਿੰਦਲ ਨੂੰ ਤਾਲਮੇਲ ਅਫ਼ਸਰ ਤੇ ਡਾ. ਹਰਮਨ ਲੂਣਾ, ਡਾ. ਜਸਪ੍ਰੀਤ ਕੌਰ, ਡਾ. ਅਤਿਨ ਗੁਪਤਾ, ਸ਼੍ਰੀ ਸੰਦੀਪ ਕੁਮਾਰ ਅਤੇ ਡਾ. ਰਾਜੀਵ ਗਰਗ ਨੂੰ ਨੋਡਲ ਅਫ਼ਸਰ ਲਗਾਇਆ ਗਿਆ ਹੈ।
ਇਸੇ ਤਰਾਂ ਜਾਰੀ ਹੁਕਮਾਂ ਅਨੁਸਾਰ ਨਿਵਾਰਨ ਹਸਪਤਾਲ ਬਠਿੰਡਾ, ਦਿੱਲੀ ਹਾਰਟ ਇੰਸਟੀਚਿਊਟ ਤੇ ਮਲਟੀਸਪੈਸ਼ਲਿਟੀ ਹਸਪਤਾਲ ਬਠਿੰਡਾ, ਆਦੇਸ਼ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਜ਼ ਤੇ ਰਿਸਰਚ ਬਠਿੰਡਾ ਅਤੇ ਅਰੁਨਾ ਮੈਮੋਰੀਅਲ ਹਸਪਤਾਲ ਭੱਟੀ ਰੋਡ ਬਠਿੰਡਾ ਲਈ ਡਾ. ਅਭੀਨਵ ਗੋਇਲ ਤੇ ਡਾ. ਰਵੀ ਕਾਂਤ ਤਾਲਮੇਲ ਅਫ਼ਸਰ ਅਤੇ ਸ਼੍ਰੀਮਤੀ ਅਮਨਪ੍ਰੀਤ ਕੌਰ, ਡਾ. ਸੰਦੀਪ ਪਰਚੰਡਾ, ਡਾ. ਅਵਨੀਤ ਗਰਗ ਅਤੇ ਡਾ. ਅਮਿਤ ਤਨੇਜਾ ਨੂੰ ਨੋਡਲ ਅਫ਼ਸਰ ਵਜੋਂ ਤਾਇਨਾਤ ਕੀਤਾ ਗਿਆ।
ਜਾਰੀ ਹੁਕਮਾਂ ਅਨੁਸਾਰ ਨਿਯੁਕਤ ਕੀਤੇ ਗਏ ਅਧਿਕਾਰੀ ਸਬੰਧਤ ਹਸਪਤਾਲਾਂ ਨਾਲ ਆਪਸੀ ਤਾਲਮੇਲ ਕਰਕੇ ਕਰੋਨਾ ਪ੍ਰਭਾਵਿਤ ਮਰੀਜ਼ਾ ਦੇ ਸੁਚੱਜੇ ਇਲਾਜ ਲਈ ਢੁੱਕਵੇਂ ਬੈਡ ਅਤੇ ਹੋਰ ਸਿਹਤ ਸੇਵਾਵਾਂ ਮੁਹੱਈਆ ਕਰਵਾਉਣੀਆਂ ਯਕੀਨੀ ਬਣਾਉਣਗੇ।